Öflug Framsókn nýrra tíma

Það er öflug Framsókn nýrra tíma í burðarliðnum á fjölmennu flokksþingi Framsóknar. Valgerður Sverrisdóttir fráfarandi formaður hélt góða ræðu - og umræða er hafin um drög að skynsamlegri ályktun um Evrópumál.

Vænti þess að það verði samþykkt að ganga til viðræðna við Evrópusambandið með skýr markmið.

Ræða Valgerðar.

Eignarhald auðlinda sé tryggt

Sjávarútvegurinn lykilatriði í nauðsynlegum aðildarviðræðum við ESB

Sjávarútgvegurinn verður lykilatriðið í nauðsynlegum aðildarviðræðum við ESB. Landbúnaðurinn okkar einnig. Þar verðum við að tryggja að íslenskur landbúnaður verði skilgreindur sem heimskautalandbúnaður og að matvælaöryggi okkar verði tryggt.

Við eigum að ganga frá hnútum þannig að auðlyndir Íslands séu klárlega skilgreindar sem þjóðareign.

En það er þjóðarnauðsyn að ganga til viðræðna við ESB um aðild Íslands að Evrópusambandinu. Ef við náum ekki ásættanlegum samningi - þá er málið dautt. Við göngum ekki inn. Svo einfalt.

Vonandi ber Frámsóknarmönnum gæfa til að samþykkja í dag fyrirliggjandi drög að ályktunum í Evrópumálum án mikill breytinga.  Það er þjóðarnauðsyn.  Framsóknarflokkurinn er sá flokkur sem best er til þess fallinn að leiða aðildarviðræður að Evrópusambandinu af ábyrgð.

Aflaverðmæti stóreykst

"Þyrnirós" réttnefni á ríkisstjórnina - ASÍ og SA enn einu sinni riddarinn á hvítum hesti!

Ríkisstjórnin nánast hrýtur á meðan atvinnulífið hrynur og atvinnuleysið rýkur upp úr öllu valdi.

"Þyrnirós" er réttnefni á þessari ríkisstjórn.

Enn einu sinni er frumkvæðið að raunhæfum aðgerðum Alþýðusambandið og Samtök atvinulífsins - sem gætu orðið riddarinn á hvítum hesti - sem vekur Þyrnirós eftir 100 ára svefn!

Tillögur ASÍ og SA - eru hugsaðar á sama grunni og mínar hugmyndir sem ég hef kynnt í bloggi:

Ríkið taki 100 milljarða í framkvæmdalán hjá lífeyrissjóðunum á 3,5% vöxtum!

Hugmyndir hvíta riddarans + mínar = minnkun atvinnuleysis og ný Framsókn í atvinnu- og efnahagsmálum!

Ekki veitir af!

75 milljarða fjárfestingargeta

Ný Framsókn á Íslandi og í Ameríku

Komandi vika verður Framsóknarvika bæði á Íslandi og í Ameríku!

Þá hefst ný Framsókn á Íslandi í kjölfar stórmerkilegs flokksþings Framsóknarmanna þar sem ný, ung og fersk forysta verður kjörin og róttækar tillögur um framtíðarstefnu Framsóknar nýrra tíma verða afgreiddar.

Þá hefst einnig ný Framsókn í Ameríku þegar Framsóknarmaðurinn Barack Obama tekur við sem forseti Bandaríkjanna.

Komandi vika er því afar merkileg vika.

 Drög að ályktunum flokksþings Framsóknarmanna er að finna hér.

 

Flokksþing breytinganna

Tímamótaverkefni í ferðaþjónustu fatlaðra

Velferðarráð óskar þeim borgarbúum,sem eru bundnir hjólastól og nota sértæka akstursþjónustu, til hamingju með samning sem gerir þeim kleift að nota Ferðaþjónustu fatlaðra í Osló, Kaupmannahöfn og Stokkhólmi. Þá býður velferðarráð þá norrænu einstaklinga sem eru í sömu sporum velkomna í þjónustu Ferðaþjónustu fatlaðra í Reykjavík.

Þannig hljóðaði bókun okkar í Velferðarráði þegar við samþykktum að Reykjavíkurborg tæki þátt í þessu merka verkefni.

Það er ánægjulegt að sitja sem varaformaður Velferðarráðs þegar verkefni sem þessu er hleypt af stokkunum.

Reyndar var ekki einungis gaman að afgreiða þetta. Það var ekki síður gleðilegt að tryggja Iðjuþjálfun fyrir utangarðsmenn í Reykjavík á sama fundi.

Nánar um það á blogginu mínu "Iðjuþjálfun fyrir utangarðsmenn í Reykjavík"

 

En tímamótaverkefnið í ferðaþjónustu fatlaðra er til tveggja ára og er leitt af samtökum hreyfihamlaðra á Norðurlöndum, Nordisk Handikap Forbund, sem Sjálfsbjörg Landssamband fatlaðra á Íslandi á aðild að. Verkefnið er styrkt af Norrænu ráðherranefndinni.

Tilgangur verkefnisins er að gera hreyfihömluðum, sem búa í Kaupmannahöfn, Reykjavík, Ósló og Stokkhólmi, kleift að nýta sér ferðaþjónustu fatlaðra í hinum borgunum. Verkefnið nær til þeirra sem þurfa sérútbúinn bíl til að komast leiðar sinnar.

Reykvíkingar sem eru bundnir hjólastól á ferðum sínum og dvelja í einhverri þátttökuborganna geta nú pantað ferðaþjónustu fatlaðra á sama hátt og notendur sem búsettir eru í borginni sem ferðast á einfaldan máta á ferðalögum sínum í þátttökuborgunum.

Ferðaþjónusta fatlaðra í norrænt samstarf

Ríkið taki 100 milljarða í framkvæmdalán hjá lífeyrissjóðunum á 3,5% vöxtum!

Ríkisstjórnin hefur ekkert gert til að koma í veg fyrir atvinnuleysi og örva efnahagslífið. Fjölskyldur og fyrirtæki munu hrynja á næstunni ef ekkert er að gert.

Mín tillaga er að ríkið takið 100 milljarða í framkvæmdalán hjá lífeyrissjóðunum, verðtryggt á 3,5% vöxtum og byrji að greiða af láninu eftir 10 ár. Lífeyrissjóðunum verði gert skylt að veita ríkinu lánið.

Lánið verði nýtt í framkvæmdir á vegum ríkisins. Strax verði gengið í byggingu á nýju hátæknisjúkrahúsi í Reykjavík og byggingu á hjúkrunarheimili fyrir aldraða.  Vaðlaheiðagöng verði sett af stað og fé sett í ýmis konar atvinnubótaverkefni eins og þau sem ég benti á í bloggi mínu Ríkisstjórnin að bregðast í nauðsynlegri atvinnusköpun?

Mér er alveg sama þótt IMF sé á móti þessu. Það er engin ástæða til þess að rústa samfélaginu í óþörfu fjöldaatvinnuleysi.

Yfir 11.300 atvinnulausir

Iðjuþjálfun fyrir utangarðsmenn í Reykjavík

Utangarðsmenn munu á næstunni eiga kost á að njóta iðjuþjálfunar á vegum Reykjavíkurborgar í dagsetri sem Hjálpræðisherinn rekur úti á Granda.  Iðjuþjálfunin er þáttur í metnaðarfullri stefnu Velferðarráðs í málefnum utangarðsmanna sem var eitt af fyrstu verkum sem ég tók þátt í að vinna að og samþykkja sem nýr varaformaður Velferðarráðs í haust.

Velferðaráð samþykkti samstarfssamning Velferðasviðs og Hjálpræðishersins  um aðstöðu fyrir fagmenntaðan starfsmann og aðstöðu til uppbyggingar á iðju fyrir utangarðsfólk í Reykjavík í dagsetri Hjálpræðishersins fyrir utangarðsfólk.

Slík iðjuþjálfun er mjög mikilvæg til að auka lífsgæði utangarðsmanna í Reykjavík.

Stór hluti þeirra utangarðsmanna sem í borginni nýta sér þá mikilvægu aðstöðu sem Hjálpræðisherinn rekur fyrir þennan hóp á Granda. Þar er rúmgott húsnæði sem býður upp á mikla möguleika til þróunar á iðju fyrir utangarðsfólk á þeim stað sem utangarðsfólk dvelur. Þess vegna var talið rétt að Velferðasvið og Hjálpræðisherinn vinni saman að þessu verkefni, Velferðasvið leggur til fagmenntaðan starfsmann en Hjálpræðisherinn aðstöðuna.

Ég er mjög ánægður með okkur í Velferðarráði að taka þetta mikilvæga skref í þágu utangarðsfólks.

Ríkisstjórnin skipi bönkunum að veita alvöru greiðsluerfiðleikaúrræði!

Ríkisstjórnin ræður því sem hún vill ráða sem eini eigandi hlutafjár í nýju bönkunum.

Ríkisstjórnin hefur nú sýnt í verki þetta boðvald með því að skipa bankaráðum að auglýsa stöður bankastjóra.

Af hverju sýnir hún þá ekki í verki á sambærilegan hátt boðvald sitt þegar hún "segist" vilja að ríkisbankarnir komi til móts við fólkið í landinu með því að veita sömu greiðsluerfiðleikaaðstoð og Íbúðalánasjóður!

Ég krefst þess að ríkisstjórnin SKIPI bönkunum að koma til móts við fjölskyldurnar í landinu og SKIPI þeim að taka upp sömu greiðsluerfiðleikaúrræði - en feli sig ekki á bak við lin og hálfshugar "tilmæli" til bankana um að koma til móts við fólkið í landinu.

Geri ráð fyrir að málið verði klárað ekki seinna en á mánudag!  Jóhanna - ekki láta bankaliðið kúga þig!

Staða bankastjóra auglýst

Ríkið taki 100 milljarða í framkvæmdalán hjá lífeyrissjóðunum á 3,5% vöxtum!

Ríkisstjórnin hefur ekkert gert til að koma í veg fyrir atvinnuleysi og örva efnahagslífið. Fjölskyldur og fyrirtæki munu hrynja á næstunni ef ekkert er að gert.

Mín tillaga er að ríkið takið 100 milljarða í framkvæmdalán hjá lífeyrissjóðunum, verðtryggt á 3,5% vöxtum og byrji að greiða af láninu eftir 10 ár. Lífeyrissjóðunum verði gert skylt að veita ríkinu lánið.

Lánið verði nýtt í framkvæmdir á vegum ríkisins. Strax verði gengið í byggingu á nýju hátæknisjúkrahúsi í Reykjavík og byggingu á hjúkrunarheimili fyrir aldraða.  Vaðlaheiðagöng verði sett af stað og fé sett í ýmis konar atvinnubótaverkefni eins og þau sem ég benti á í bloggi mínu Ríkisstjórnin að bregðast í nauðsynlegri atvinnusköpun?

Mér er alveg sama þótt IMF sé á móti þessu. Það er engin ástæða til þess að rústa samfélaginu í óþörfu fjöldaatvinnuleysi.

Íslendingar svartsýnir um eigin fjármál

Ingilbjörg Sólrún "hótaði" stjórnsýslufræðingnum!

Það var Ingibjörg Sólrún Gísladóttir formaður Samfylkingarinnar sem "hótaði" stjórnsýslufræðingnum Sigurbjörgu Sigurgeirsdóttur, en ekki Guðlaugur Þór eins og 30% þeirra sem tóku þátt í skoðanakönnun sem ég setti á netið vegna málsins.

Reyndar töldu 30% að stjórnsýslufræðingurinn hefði skrökvað.

Það er gott að Ingibjörg Sólrún skyldi taka af skarið og upplýsa málið - því annars lægju saklausir undir grun!

En það kemur reyndar ekki alfarið á óvart að Ingibjörg Sólrún hafi "hótað". Væntanlega ekki í fyrsta skiptið á hennar ferli sem slíkt gerist - eða hvað?  Allavega töldu 18% að hún  hefði staðið fyrir þessu!

En niðurstöður skoðanakönnunarinnar þegar hið rétta kom í ljós var eftirfarandi:

Árni Matthiesen 2.0%

Björgvin G. Sigurðsson 2.0%

Björn Bjarnason 2.0%

Einar Kristinn Guðfinnsson, 0.0%

Geir H. Haarde 4.0%

Guðlaugur Þór Þórðarson 30.0%

Ingibjörg Sólrún Gísladóttir 18.0%

Jóhanna Sigurðardóttir, 2.0%

Kristján L. Möller 0.0%

Þorgerður Katrín Gunnarsdóttir 0.0%

Þórunn Sveinbjarnardóttir 4.0%

Össur Skarphéðinsson 6.0%

Stjórnsýslufræðingurinn skrökvar 30.0%

Ingibjörg Sólrún kom boðum til Sigurbjargar