Framsóknarflokkurinn tekur Evrópuskrefið

Miðstjórn Framsóknarflokksins hefur tekið Evrópuskrefið. Flokksþing þarf síðan að staðfesta það í janúar. Það verður að fara í a'ðildarviðræður. Þegar þeim líkur tekur þjóðin ákvörðun.

Framsókn flýtir flokksþingi og tekur fyrir tillögu um aðildarviðræður við ESB

Guðni endurspeglar vilja flokksmanna Framsóknar

Guðni Ágústsson formaður Framsóknarflokksins endurspeglar vilja langflestra flokksmanna í Framsóknarflokknum sem vilja aðildarviðræður við Evrópusambandið og taka síðan afstöðu til þess sem út úr slíkum viðræðum kemur. Svo einfalt er það!

Guðni vill skoða ESB-aðild

Hverju skiptir greiðslujöfnunarvísitala í 25% stýrivöxtum?

Ég hélt ég væri kaldhæðinn þegar ég skrifaði Af hverju ekki 25% stýrivextir? í tilefni stýrivaxtahækkun Seplabankans í 18% um daginn. Nú sé ég að kaldhæðnin var ekkert grín - heldur er Seðlabankinn raunverulega til í að setja stýrirvexti í 25% ef marka má eftirfarandi frétt á www.dv.is :

"Í viljayfirlýsingu til Alþjóðagjaldeyrissjóðsins, sem DV hefur undir höndum, lýsir Seðlabankinn sig reiðubúinn til þess að hækka stýrivexti enn meira en í 18 prósent, svo sem gert hefur verið. Í nítjánda lið hennar segir orðrétt að "við erum reiðubúin til að hækka stýrivextina enn frekar, en erum meðvituð um að hækkun stýrivaxta nægir ekki ein og sér til að koma í veg fyrir fjármagnsútflæði undir núverandi kringumstæðum sem eru mjög sérstakar."

Hvaða máli skiptir gamla greiðslujöfnunarfyrirkomulagið sem tíðkaðist hér á árum áður og á að taka upp að nýju ef Seðlabankinn er reiðubúinn til slíkra stýrivaxta?

Ný greiðslujöfnunarvísitala tekin upp

Barnaskapur Bubba Mortens?

Bubbi Mortens er einn flottasti tónlistarmaður þjóðarinnar. En hann er stundum uppvís að barnaskap. Hagar sér stundum eins og óþekkur krakki sem heldur að hann geti fengið allt sem hann bendir á í sælgætishillum stórmarkaðarins!

Áður fyrr var hann hinn týpíski uppreisnargjarni unglingur. Gagnrýndi allt og alla - sumt verðskuldað - annað óverðskuldað.  Síðan eignaðist hann fullt af peningum og ók flottum jeppum um náttúru Íslands. Gagnrýndi á sama tíma auðvaldið - sem fékk honum glæsijeppana - og dittinn og dattinn. En vann á sama tíma með þeim sem áttu peningana.

Svo lenti Bubbi í bankagjaldþrotinu og hlutabréfafallinu  - eins og tugþúsundir Íslendinga - þar með taldir væntanlega einhverjir auðmenn sem höfðu verið í liði með Bubba - á meðan hann gagnrýndi þá svona hæfileika með kassagítarinn og á Þorláksmessutónleikum - og græddi formúgu á flutningnum.

Já, þegar Bubbi missti peningana sína fékk hann þá góðu hugmynd að halda samstöðutónleika með þeim sem illa fóru í efnahagshruninu. Svo vel vill reyndar til að þessir Samstöðutónleikar koma í kjölfar útgáfu á hljómdisk Bubba - sem væntanlega mun skila Bubba góðum tekjum - enda frábær tónlistamaður - og haldnir á svipuðum tíma og Bubbi hefi í eðlilegu efnahagsástandi haldið útgáfutónleika.

Gott framtak!

Bubbi fékk með sér flottar hljómsveitir - sem væntanlega gefur framtak sitt - eins og allir aðrir sem koma að þessum Samstöðuhljómleikum.

Bubbi bað Reykjavíkurborg um húsnæði - og fékk Laugardalshöllina frítt! Rausnarlegt framlag sem er rúmlega milljón króna virði.

En það var ekki nóg!

Bubbi vildi til viðbótar 2 1/2 milljón króna meðgjöf með Samtöðu- og útgáfutónleikum sínum.

Því var hafnað - enda Reykjavíkurborg á fullu að verja grunnþjónustu við borgarbúa - leikskólana, velferðarþjónustuna og það sem við þurfum í grunninn. Eðlielga var ekki unnt að veita 2 1/2 milljón í lúxus eins og Samstöðu- og útgáfutónleika Bubba.

Enda hvar ætti aðs kera niður í staðinn!  Í tómstundakortum barnanna í borginni - kortum sem gefur örnum kost á að stunda tónlistarnám og íþróttastarf?  Rekstur á smáhýsum fyrir utangarðsmenn? Ferðaþjónustu fatlaðra? Fjárhagsaðstoð til illa staddra fjölskyldna?

Við þessu bregst Bubbi eins og óþekkur krakki í stórmarkaði sem ekki fær nammið sitt. Gerir hróp að þeim sem bar honum tíðindin.

Æ,æ...

 

Ísland komið í Evrópusambandið og með evru í árslok 2010?

Hið laskaða, hálftóma olíuskip Sjálfstæðisflokkurinn er að breyta um stefnu. Það tekur tíma fyrir svo svifaseint fyrirbæri - en skipperinn er búinn að gefa stýrimanninum skipun um að leggja á bakborða. Undanhald frá Davíð Oddssyni er hafið og verið að taka stefnuna á framtíðina í Evrópusambandinu.

Um helgina mun Framsóknarflokkurinn væntanlega gefa skýr skilaboð um að Ísland skuli ganga til viðræðna við Evrópusambandið - þótt endanleg stefna verði hugsanlega ekki samþykkt fyrr en á flokksþingi sem á að vera í mars.  ítreka fyrri tilmæli mín um að slíku flokksþingi verði flýtt.

Ef heldur fram sem horfir verður Ísland komið í Evrópusambandið og með evru í árslok 2010.

Skipuð verði Evrópunefnd

Samkomulag vegna IceSave fyrst fyrir Alþingi!

Ekki veit ég innihald mögulegs samkomulags bráðabirgðaríkisstjórnar Samfylkingar og Sjálfstæðisflokks við Breta og Hollendinga vegna IceSave reikninganna - en þjóðin á rétt á því að Alþingi fjalli um samkomulagsdrögin áður en þau veraða undirrituð - ekki á eftir.

Það er ljóst að samkomulag um IceSave mun hafa veruleg áhrif á fjárhagslega framtíð Íslendinga og það er gersamlega út í hött að ráðherrar bráðabirgðaríkisstjórnarinnar gangi frá slíku samkomulagi á leynifundum án þess að fulltrúar þjóðarinnar á Alþingi fái að fjalla um málið.

Ríkisstjórnin boðar blaðamannafund

Álverið hennar Valgerðar ljósið í kreppunni!

Álverið hennar Valgerðar Sverrisdóttur - sem mestan heiður á í að koma upp álveri á Reyðarfirði - eru nú ljósið í kreppunni. Þaðan fáum við nú miklar gjaldeyristekjur - og á meðan við upplifum mestu fjöldauppsagnir í sögunni - þá bæta álverin við nýjum, dýrmætum störfum.

Allt að tuttugu ný sérfræðistörf fyrir austan

ESB og Davíðslaus Seðlabanki besti kostur - segja XD á Akranesi!!!

ESB og Davíðslaus Seðlabanki er leiðin - segja XD á Akranesi!!!

Eftirfarandi ályktun var samþykkt í stjórn fulltrúaráðs Sjálfstæðisfélaganna á Akranesi!

Er Geir Haarde og frú Inga Jóna Þórðardóttir ekki með ítök í því félagi?

"Stjórn fulltrúaráðs Sjálfstæðisfélaganna á Akranesi skorar á Geir H. Haarde forsætisráðherra og formann Sjálfstæðisflokksins að skerpa nú þegar áherslur ríkisstjórnar Íslands við það mikla verkefni sem stjórnin stendur andspænis við endurreisn fjármálakerfis landsins. Forgangsverkefnið er að slá skjaldborg um fjárhagslega framtíð heimilanna í landinu.  Jafnframt telur stjórnin óhjákvæmilegt að nú þegar verði leitað eftir aðildarviðræðum að Evrópusambandið þannig að í ljós komi hvaða kostum þjóðin standi frammi fyrir ef til aðildar kemur. Þá skorar stjórnin á formann Sjálfstæðisflokksins að sjá til þess að við endurreisn fjármálakerfis þjóðarinnar veljist einungis til starfa þeir sem njóta óskoraðs trausts og hæfis til starfa. Óhjákvæmilegt sé í því ljósi að stjórnendur Seðlabanka Íslands og Fjármálaeftirlitsins víki nú þegar. Stjórn fulltrúaráðsins telur að sá vandi sem íslenskir stjórnmálamenn standa nú frammi fyrir muni leiða í ljós styrk þeirrar stefnu sem þeir standa fyrir. Það er bjargföst trú stjórnarinnar að á grundvelli Sjálfstæðisstefnunnar, með hagsmuni allra stétta fyrir augum, verði vandamál þjóðarinnar best leyst  nú sem áður."

Enginn góður kostur í stöðunni

Frábært að fá Bjarka aftur í Víking!

Það er frábært að fá Bjarka aftur í handbotlahópinn hjá Víkingi! Þótt kappinn sé kominn á fimmtugsaldurinn þá er örugglega fengur af honum - enda kallinn sprækur! Það hlýtur að vera gott fyrir þetta unga og efnilega Víkingslið að fá svona reynslubolta með sér í baráttuna!

Og svo er náttúrelga frábært að fá gamlar Víkingshetjur aftur í Víkina! 

Við ættum kannske að fá Gumma landsliðsþjálfara í hitt hornið með Bjarka!

Það er kannske fulllangt seilst - enda ungir og efnilegir leikmenn til staðar!

Bjarki með Víkingi gegn Val

Enn rís Eyjan úr fjölmiðlahafinu!

Enn rís Eyjan úr fjölmiðlahafinu!

Það er mikill fengur fyrir Eyjuna - og þar með almenning - að fá svo öflugan og reyndan fjölmiðlamann eins og Guðmund Magnússon sem ritstjóra!  Það er reyndar með ólíkindum hvað Eyjan hefur haft á góðum ritstjórum að ráða undanfarin misseri. Pétur Gunnarsson, Hallgrímur Thorsteinsson og nú Guðmundur Magnússon.

Enda er Eyjan búin að skapa sér öruggan sess sem öflugur, sjálfstæður vefmiðill sem tekur á því sem er að gerast í samfélaginu hverju sinni.

Það er meira en að segja það að halda úti svona öflugum vefmiðli - en það hefur tekist með miklum ágætum - þökk sé góðum og reyndum fjölmiðlamönnum eins og Pétri og Hallgrími - sem halda tryggð við Eyjuna og blogga þar áfram - þótt þeir hætti daglegri vakt sem ristjórar.

PS.

Var að sjá að Guðmundur Magnússon var að birta eignarhald Eyjunnar:

Ég hef verið spurður um eignarhald Eyjunnar . Það er svona:

Eigendur eru fjórir. Birgir Erlendsson 5%, Jón Garðar Hreiðarsson 75%, Pétur Gunnarsson 10% og Rúnar Hreinsson 10%.

Rekstur Eyjunnar er fjármagnaður með auglýsingatekjum ásamt vinnuframlagi og fjármagni beint úr vasa eigenda.

Stjórnmálaflokkar, viðskiptablokkir eða aðrir hagsmunaaðilar koma ekki með neinum hætti að Eyjunni – og við leggjum metnað okkar í að þannig haldist það.

Og Eyjan skuldar ekkert – sem er annað en hægt er að segja um hina eyjuna (Ísland) ! – eða aðra fjölmiðla.

Guðmundur Magnússon nýr ritstjóri Eyjunnar