Grasrótin í Framsóknarflokknum vill aðildarviðræður að ESB!

Grasrótin í Framsóknarflokknum vill aðildarviðræður að Evrópusambandinu. Þetta staðfesti annars vegar fjölmennt kjördæmisþing Framsóknarmanna í Suðvesturkjördæmi og hins vegar Framsóknarfélag Akranes í ályktun sínum í gærkvöldi.

Framsóknarflokkurinn verður að útkljá Evrópumálin hið fyrsta. Því ber að flýta flokksþingi.

Þá er ljóst að kosningar verða í vor hvað sem Geir Haarde reynir að strögla í bráðabirgðaríkisstjórn sem hangir á bláþræði.

Ég hef hvatt til þess að Framsóknarmenn - sem eru afar öflugir um þessar mundir eins og fjölmennt kjördæmisþing sýnir - þrátt fyrir afhroð í skoðanakönnunum - flýti flokksþingi sínu.

Þar hef ég mælt með því að Guðni Ágústsson, Valgerður Sverrisdóttir, Siv Friðleifsdóttir og Magnús Stefánsson-  sem öll sátu sem ráðherrar í síðustu ríkisstjórn - taki fyrir Framsóknarflokksins hönd ábyrgð á mögulegum þætti Framsóknarflokksins í núverandi efnahagsástandi og segi af sér.

Þetta fólk hefur á undanförnum áratugum lagt gífurlega mikið á sig í vinnu fyrir íslenska þjóð og fyrir Framsóknarflokkinn. Það hefur á mörgum sviðum lyft grettistaki og átt lykilþátt í að byggja upp atvinnu og velferð íslensku þjóðarinnar. Þau eru í hópi vönduðustu og bestu stjórnmálamanna Íslands.

En á sama hátt og þau bera ábyrgð á fjölda góðra mála sem ber að þakka, þá bera þau að einhverju leyti einhverja ábyrgð á núverandi efnahagsástandi - þótt meginsökudólgurinn sé Sjálfstæðisflokkurinn og Samfylkingin sem hefur gert allt rangt í efnhags- og bankamálum síðan Samfylkingin tók sæti í ríkisstjórn. Þar hefur Framsóknarflokkurinn reyndar varað við vitleysunni.

Því ber þeim að taka ábyrgðina og hætta - því engin persóna er stærri en lýðræðislegur stjórnmálaflokkur eins og Framsóknarflokkurinn. Það er nóg af öflugu fólki til að taka upp merkið að nýju fyrir nýja Framsókn - sem byggir á góðum og göfugum hugsjónum sem unnið hefur verið eftir í rúm 90 ár. Það sýnir td. öflugur og fjölmennur fundur í kjördæmasambandi suðvesturkjördæmis í gær.

En þótt ég hvetji fjórmenningana til að standa upp og taka ábyrgð, þá ítreka ég að þjóðin og Framsóknarflokkurinn stendur í mikilli þakkarskuld við þessa öflugu Framsóknarmenn sem hafa unnið af mikilli elju og fórnað miklu fyrir íslenska þjóð.

Vilja hefja aðildarviðræður

Ný framsókn í Bandaríkjunum?

Allt bendir til að Barack Obama verði kjörinn næsti forseti Bandaríkjanna - sem betur fer. Það gæti þýtt tímabil nýrrar framsóknar í Bandaríkjunum - ekki veitir af!

Obama með forskot

Geir og Ingibjörg bera ábyrgð á ástandinu - kosningar í vor!

Geir Haarde og Ingibjörg Sólrún Gísladóttir eiga að axla ábyrgð sína á efnahagsástandinu sem þau bera ábyrgð á. Geir og Sjálfstæðisflokkurinn bera höfuðábyrgð á ástandinu. Samfylkingin er illilega meðsek vegna þeirra ítrekuðu mistaka sem núverandi ríkisstjórn hefur gert í efnahags- og bankamálum.

Þjóðin lítur á núverandi ríkisstjórn sem bráðabirgðastjórn á meðan gengið er frá nauðsynlegum grunnatriðum vegna ástandsins. Þjóðin vill kosningar næsta vor. Þá ætti að minnsta kosti Geir Haarde að vera búinn að axla ábyrgð og taka pokann sinn bæði sem forsætisráðherra og formaður Sjálfstæðisflokksins.

Spái því að Geir fylgi hins vegar í fótspor þeirra sem óttast kosningar og lýðræðið og muni gera allt til að hanga á völdum sem lengst og hunsa vilja þjóðarinnar.

Geir: Engir brestir í stjórnarsamstarfinu

Fjöldi Framsóknarmanna vilja nýja forystu flokksins

Fjöldi Framsóknarmanna vilja nýja forystu flokksins. Það sýna mikil og jákvæð viðbrögð sem ég hef fengið frá Framsóknarmönnum við bloggfæslu minni Nýja forystu í Framsóknarflokkinn!  Ég hef reyndar líka verið skammaður fyrir að opinbera þessa skoðun mína sem reyndar byggir á viðtölum við fjölda Framsóknarmanna undanfarnar vikur.

Ég verð að taka fram að ég hef ekkert persónulega út á núverandi flokksforystu að setja. Allt þetta fólk hefur unnið af miklum krafti fyrir Framsóknarflokkinn og þjóðina. En það er jafn ljóst að forystan er ekki að ná að endurreisa Framsóknarflokkinn - en endurreisn hans er lykilatriði fyrir íslenska þjóð.

Þá hef ég heyrt að sumir Framsóknarmenn eru mér reiðir fyrir að taka þessa umræðu á opinberum vettvangi. En þar sem Framsóknarflokkurinn er opinn, lýðræðislegur flokkur sem ekkert hefur að fela - þá er opinber vettvandur einmitt rétti vettvangurinn fyrir umræðu sem þessa.

Ég ætla að birta einn þeirra tölvupósta sem mér hefur borist í kjölfar bloggfærslu minnar - en þeir eru flestir á svipaðan veg.  Ég fékk leyfi hjá þeim er sendi mér póstinn til að birta hann - en þá ekki undir nafni:

"Sæll Hallur.

Mig langar að senda þér póst og þakka fyrir pistla þína á blog.is og sérstaklega þennan síðasta um nýja forystu framsóknarflokksins. Ég ákvað hins vegar að setja þetta ekki inn sem svar á blogginu þínu.  Ég kaus fyrst 1971 og hef kosið flokkinn allar götur síðan, það er sárt að sjá niðurlægingu flokksins núna, með Guðna eins og hann er og nær ekki að höfða til landsmanna og að Bjarni Harðarson viðrist helsti talsmaður flokksins. Það er afleitt.

Sem gamall floksmaður tel ég augljóst að róttækra breytinga sé þörf ef þetta á ekki að enda með ósköpum.

Það þarf að klippa á það sem liðið er, viðurkenna mistökin sem gerð hafa verið og læra af þeim. Og til þess þarf nýtt fólk.

Við eigum nóg af góðu fólki, og ég get tekið undir og líst vel á öll nöfnin sem þú telur upp.  Þekki reyndar ekki Árelíu og Sigrún er nú varla tilbúin að byrja upp á nýtt.  Varðandi ábyrgð var það gott hjá Jóni Sigurðssyni að koma í Markaðinn hjá Birni Inga og játa á sig mistök. Jón er mjög fínn maður og væri skynsamlegt að nýta krafta hans betur, hann fékk ekki nógu langan tíma í formannsstóli. Reyndar hæpið að gera hann að formanni, en það kæmi þó til greina.

Mér hefur alltaf litist mjög vel á Björn Inga, en held samt að hann verði að vera utan við forystuna eitthvað lengur, vegna alls þess sem dundi á honum í borgarstjórn.

Mér finnst Óskar Bergsson hafa staðið sig frábærlega eftir að hann varð forystumaður í Reykjavík, hann hefur ekki stigið feilspor og öll framkoma hans er til fyrirmyndar.

Ég held að ef flokkurinn á að lifa verði hann að hasla sér völl í þéttbýlinu, þar yrði Óskar fínn, einnig Einar Sveinbjörnsson, sem er mjög flottur og svo Jón Sigurðsson.

Og kannski ert þú til í að vera þar með, það væri fengur af því.

Og svo þarf auðvitað að hreinsa af flokknum þetta spillingarorðspor sem andstæðingar flokksins eru stöðugt að tönnlast á.  Mér finnst það óréttmætt og því verður að svara af hörku, en jafnframt líka að viðurkenna þau mistök sem gerð hafa verið.  Mestu mistökin voru að halda áfram í ríkisstjórn eftir kosningarnar 2003. Ef Halldfór hefði slitið samstarfinu þá væri staðna önnur en hún er í dag. Auðvitað átti líka að standa öðru vísi að einkavæðingu bankanna og setja skýrar reglur strax, svo menn hefðu eitthvað aðhald.

Jæja, læt þetta nægja í bili, takk fyrir pistilinn og haltu endilega áfram.

Bestu kveðjur"

Afnemið uppgreiðslugjald á íbúðalánunum!

Ríkisbankarnir eiga að afnema illræmt uppgreiðsluákvæði á íbúðalánum sínum þannig að þeir sem vilja greiða lán sín upp hraðar en skilmálar segja til um geti gert það án aukagjalds. Hið illræmda uppgreiðslugjald var slæmur gambítur bankanna á almenning.

Þá er vert að minna ríkisstjórnarflokkana á að þeir lofuðu að afnema stimpilgjöld af íbúðalánum. Væri ekki nær að gera það núna - og hækka hámarkslán Íbúðalánasjóðs verulega?

Kjörvaxtaálag Kaupþings til skoðunar

Nýja forystu í Framsóknarflokkinn!

Nýja forystu í Framsóknarflokkinn!

Framsóknarflokkurinn ætti að flýta flokksþingi sínu og halda það 1. desember. Efni flokksþing ætti að vera þríþætt, Evrópumál, kosningar nýrrar forystu og uppgjör vegna efnahagsástandsins.

Meira um þetta á:

http://hallurmagg.blog.is/blog/hallurmagg/entry/696448/

Vill að kosið verði í vor

Nýja forystu í Framsóknarflokkinn!

Framsóknarflokkurinn ætti að flýta flokksþingi sínu og halda það 1. desember. Efni flokksþing ætti að vera þríþætt:

1. Evrópumálin.

Taka skýra afstöðu til þess hvort Framsóknarflokkurinn vilji ganga til aðildarviðræðna við Evrópusambandið eða ekki og fylgja niðurstöðunni eftir af festu.

2. Kjör nýrrar forystu. 

Það er deginum ljósara að núverandi forysta Framsóknarflokksins er ekki að ná flokknum upp úr þeirri lægð sem hann hefur verið -  þrátt fyrir að vera í stjórnarandstöðu gegn ríkisstjórn sem hefur gersamlega mistekist við stjórn landsins. Því þarf nýja forystu.

Formannsefni gætu til dæmis verið:

Óskar Bergsson, Sæunn Stefánsdóttir, Birkir Jón Jónsson, Sigrún Magnúsdóttir, Björn Ingi Hrafnsson, Guðný Sverrisdóttir, Höskuldur Þórhallsson, Árelía Guðmundsdóttir, Einar Sveinbjörnsson, Gunnar Bragi Sveinsson, Páll Magnússon

 

3. Uppgjör vegna efnahagsástandsins

Flokksþing þarf að gera upp málin gagnvart þjóðinni vegna þeirrar ábyrgðar sem Framsóknarflokkurinn ber á núverandi efnahagsástandi. Framsóknarflokkurinn ber þar ákveðna ábyrgð þótt Sjálfstæðisflokkurinn beri höfuðábyrgð ástandinu og Samfylkingin sé illilega samábyrgð þar sem hún hefur gert nánast allt rangt í efnahagsmálum og bankamálum í núverandi ríkisstjórn.

Ég mæli með því að Guðni Ágústsson, Valgerður Sverrisdóttir, Siv Friðleifsdóttir og Magnús Stefánsson sem voru ráðherrar í síðustu ríkisstjórn taki persónulega á sig þá ábyrgð með því að segja af sér þingmennsku og hleypa nýju fólki að.

Því miður get ég ekki borið þessa tillögu upp á miðstjórnarfundi Framsóknarflokksins sem verður haldinn 15. nóvember þar sem ég á ekki sæti í miðstjórn.

Samfylking með langmest fylgi

Hænsnfugladráp, gemsar og GPS

Nú standa yfir fjöldamorð á hænsnfuglum til fjalla. Menn eiga helst að fara tveir eða fleiri saman í slíkar drápsferðir öryggisins vegna. En í það minnsta hafa með sér gemsa og gps. Það bjargaði rjúpnaskyttunni í Hnappadalnum.

Stráfellir íslenska bankakreppan stjórnmálamenn?

Það kæmi mér ekki á óvart að íslenska bankakreppan muni stráfella fjölda stjórnmálamanna:

Geir Haarde, Gordon Brown, Björgvin G. Sigurðsson, Árna Matthiesen, Baldur Guðlaugsson, Kjartan Gunnarsson, Jón Sigurðsson krata, Darling og náttúrlega Davíð Oddsson!

Aðvörunin verði rannsökuð

Stjórnarslit framundan?

Það bendir allt til þess að framundan séu stjórnarslit nema Geir Haarde breyti kúrs og taki undir sjónarmið Þorgerðar Katrínar Gunnarsdóttur varaformanns Sjálfstæðisflokksins sem bæði hefur gagnrýnt Seðlabankann og aðalbankastjóra hans harðlega og sagt að skoða skuli aðildarviðræður að Evrópusambandinú.

Stefna Ingibjargar er klár. Seðlabankastjórana í burtu og að hefja skuli aðildarviðræður að Evrópusambandinu.

Geir Haarde setur hins vegar klaufarnar á kaf í mýrina í báðum málunum, ver óhæfan seðlabankastjóra og þverneitar að skoða aðiladrviðræður að ESB. Með áframhaldandi ágreiningi formanns og varaformanns Sjálfstæðisflokksins mun flokkurinn klofna.

Svona ríkisstjórn getur ekki gengið til lengdar.

 

Ingibjörg segir Davíð skaða orðsporið