Bloggfærslur mánaðarins, apríl 2009

Álfrún Elsa og Heiðar Lind fallegust í framboði - bæði í Framsókn!

Frambjóðendur Framsóknar þau Álfrún Elsa Hallsdóttir og Heiðar Lind voru valinn fallegustu frambjóðendurnir 2009 í gamansamri netkönnun sem var í gangi í aðdraganda kosninganna! 

Ég er náttúrlega stoltur af stelpunni minni - ekki endilega af útlitinu sem væntanlega færði henni sigurinn  - heldur góðu innrætinu og  því hvernig hún stóð sig í kosningabaráttunni!

Katrín Jakobsdóttir náfrænka Álfrúnar var í öðru sæti - sem kom mér ekki á óvart!

Heiðar Lind stóð sig einni með prýði í kosningabaráttunni - sívinnandi!

Þótt ég hafi haft lúmskt gaman af netkönnuninni - þá get ég upplýst að það voru ekki allir frambjóðendur okkar í Framsókn hrifnir!  Skil þá afstöðu svo sem vel.

Úrslitin eru hér!


Það er þörf fyrir aðra flokka en Samfylkingu og VG

Það er full þörf fyrir aðra flokka en Samfylkingu og VG við stjórnvölinn.

Ekki vegna þess að Samfylking og VG hafi ekki nógu öflugan meirihluta. Ekki vegna þess að Samfylking og VG muni ekki getað náð saman. Heldur vegna þess að reynsla undanfarinna vikna sýnir að Samfylking og VG ráða ekki við verkefnið að stjórna landinu.

Varkárni VG í stjórnarmyndunarviðræðunum er reyndar mjög skiljanleg í því ljósi.

En ef Jóhanna telur VG og Samfylkingu geta klárað málið ein og óstudd- afhverju í ósköpunum er hún þá ekki búin að mynda ríkisstjórn. Ætli ráðherrastólarnir séu eitthvað að flækjast fyrir metnaðarfullum stjórnarþingmönnum?

Það er reyndar ekki fýsilegt fyrir aðra flokka að ganga inn í úrræðalitla samstjórn Samfylkingar og VG - þótt það væri fýsilegt fyrir þjóðina.

En hvað sem því líður - þá vona ég að þessir fyrrum verkalýðsflokkar nái að mynda ríkisstjórnina á baráttudegi verkamanna - 1. maí. 

 


mbl.is Engin þörf fyrir aðra flokka
Tilkynna um óviðeigandi tengingu við frétt

NAFTA í stað ESB langsóttur kostur

Aðalfréttaskýrandi alþjóðamála hjá breska dagblaðinu The Times stingur upp á að Íslendingar sæki um aðild að NAFTA - Fríverslunarbandalagi Norður-Ameríku sem valkost við aðildarumsókn að ESB.

Þetta lagði ég til árið 1995 þegar ég tók þátt í prófkjöri Framsóknarflokksins. Þá taldi ég einmitt rétt að nýta stöðu Íslands í miðju Atlantshafi og aðild Íslands að EES - Evrópska efnahagssvæðinu - til að byggja brú milli þessara tveggja stóru efnahagssvæða - þar sem Ísland væri brúarstólpi með miklu möguleikum á atvinnuuppbyggingu og uppbyggingu fjármálafyrirtækja.

Einnig var ljóst að með samningi við NAFTA styrktist staða Íslendinga í sölu og markaðssetningu á vörum og þjónustu við sjávarútveg í Norður-Ameríku.

Þótt hugmynd mín hafi vakið nokkar athygli á sínum tíma - þá varð ekkert úr því að ég gæti fylgt henni eftir af krafti  - kynjakvótar í prófkjöri hjálpuðu ekki til í því.

En þótt þetta hafi verið hugmynd mín árið 1995 - og það nokkuð góð hugmynd - þá hefur síðan komið í ljós að Bandaríkjamenn hafa engan áhuga haft á því að ganga til samninga við Íslendinga um aðild Íslands að NAFTA. Til þess hefur efnahagslegur ávinningur þeirra verið of lítill - og pólitísk staða Íslands undnafarinn áratug ekki verið þannig að það hafi hreyft við Bandaríkjamönnum.

Á sama tíma hafa Evrópumálin þróast þannig að aðild að Evrópusambandinu er miklu vænlegri kostur fyrir Íslendinga. Því er rétt að ganga til viðræðna við ESB - á grunni skilyrða Framsóknarflokksins sem tryggja stöðu Íslands- skilyrða sem ekki ætti að brjóta á í viðræðunum - hvað sem andstæðingar Framsóknar halda fram.  Erindi vegna slíkra viðræðna ætti að senda strax eftir helgi.

Hvort markmið Framsóknarflokksins nást fram í aðildarviðræðum verður að koma í ljós. Ef þau nást ekki þá er huganlega kominn tími til að kanna möguleika að aðilda að NAFTA - en slík aðild getur því miður ekki komið í stað aðildar að Evrópusambandinu.

PS.

Af því að ég minntist á prófkjör 1995 - þá er rétt að það komi fram að annað baráttumál mitt þá var að gera Ísland að einu kjördæmi - samhliða því að stækka veruleg sveitarfélögin og fela sveitarfélögunum fleiri verkefni og stærri hlut af skatttekjum. Þetta baráttumál mitt þá er ennþá baráttumál mitt.


mbl.is Ísland þurfi að spila vel úr veikri stöðu gegn ESB
Tilkynna um óviðeigandi tengingu við frétt

Athyglisverð tillaga Talsmanns neytenda um neyðarlög um íbúðalán

Talsmaður neytenda leggur fram mjög athyglisverða tillögu um neyðarlög á íbúðarlán. Ekki er síður áhugaverð tillaga um "gerðardóm" um niðurfærslu skulda.

Ríkisstjórnin ætti að geta nýtt sér þetta framlag Talsmanns neytenda í aðgerðum næstu vikna - því þar sem tillagan kemur fram nú strax í kjölfar kosninga - þá hefur engin talað hana út af borðinu í kosningahitanum fyrir kosningar.

Gæti leyst erfið mál!


mbl.is Vill neyðarlög um íbúðalán
Tilkynna um óviðeigandi tengingu við frétt

Sigmundur Davíð hafði rétt fyrir sér - því miður!

„núverandi staða Íslands er verri en nokkur kreppa sem einstök þjóð hefur þolað síðan í kreppunni miklu"

Þetta er niðurstaða ráðgjafafyrirtækisins Oliver Wyman sem ríkisstjórnin gerði allt til þess að fela fyrir kosningar.

Sigmundur Davíð hafði því rétt fyrir sér - því miður.

Jóhanna Sigurðardóttir og Steingrímur J. reyndu að fegra stöðuna og véfengdu Sigmund. Þau ættu að biðja hann afsökunar.

Þau munu ekki gera það.


mbl.is Um 40 prósent lána slæm
Tilkynna um óviðeigandi tengingu við frétt

... enda Samfylkingin búin að týna áttavitanum!

„Ég er ekkert viss um að það sé langt í land,“ segir Jóhanna Sigurðardóttir. Greinilegt að hún hefur ekki hugmynd um hvar hún er og hvert hún ætlar. Enda búin að týna áttavitanum. Virðist ekki lengur vita har Evrópa er.

Enda gömul sannindi og ný að á sjó eru allar stefnur rangar ef þú veist ekki hvar þú ert.

Það sjá allir sem vilja sjá að svokallaðar efnahagstillögur Samfylkingar eru ekki að ganga upp. Líka Steingrímur J. Skil því af hverju hann vill reyna að losna úr skipsrúminu. Langar í traustara fley - þar sem stefnan er raunhæf - og menn vita hvar þeir eru!

En spái því að Jóhanna langi svo til Evrópu - þótt hún viti ekki hvar hún er - að hún gefi 1. stýrimanni - Steingrími J. eftir stjórnvölinn. Svo fremi sem hann lofi að sigla til Evrópu. Sem hann mun gera fyrir kaskteiti skipstjórans!

 


mbl.is Ekki víst að langt sé í land
Tilkynna um óviðeigandi tengingu við frétt

Ríkisstjórn á grunni efnahagstillagna Framsóknar?

Ef Samfylkingin nær ekki að snúa VG í aðildarviðræður að Evrópusambandinu þá er ekkert fyrir Samfylkinguna annað en að leita eftir Evrópustjórn með Framsóknarflokki og Borgarahreyfingu. Því miður vantaði Framsókn 32 atkvæði til að ná 10 manni inn á þing - sem hefði gefið slíkri ríkisstjórn þann styrk sem nauðsynlegur er til að ganga til aðildarviðræðna.

En ef ekki er unnt að mynda ríkisstjórn sem hefur strax aðildarviðræður að Evróðusambandinu - þá er nauðsynlegt að mynda ríkisstjórn á grunni efnahagstillagna Framsóknarflokksins - enda deginum ljósara að þær tillögur eru þær einu raunhæfu til að koma okkur út úr krísunni. 

Samfylkingin ein flokka hefur hafnað þeirri raunhæfu leið - en setur þess í stað fram óskilgreinda "velferðarbrú" sem allteins getur orðið bryggjusporður sem endar út í efnahagslegu hyldýpi.

Vinstri grænir og Sjálfstæðisflokkur hafa ekki hafnað raunhæfum efnahagstillögum Framsóknar.

Því gæti ríkisstjórn Vinstri grænna, Sjálfstæðisflokks og Framsóknar orðið besti kosturinn fyrir þjóðina - ef ekki næst að landa aðildarviðræðum að ESB. Slík ríkisstjórn er að minnsta kosti miklu betri kostur en ríkisstjórn Samfylkingar og VG - verði aðildarumsókn ekki á dagskrár slíkrar vinstristjórnar - því slík stjórn gæti tekið á efnahagsmálunum af viti.


mbl.is Óbrúuð gjá í ESB-máli
Tilkynna um óviðeigandi tengingu við frétt

Aðildarviðræður að Evrópusambandinu strax

Aðildarviðræður að Evrópusambandinu geta hafist strax ef Samfylgingin vill. Ef VG leggst gegn slíkum viðræðum þá hefur Samfylkingin þann kost að mynda ríkisstjórn með Framsókn og Borgarahreyfingunni. Þótt meirihlutinn sé lítill trúi ég ekki öðru en einhverjir þingmenn Sjálfstæðisflokksins myndu tryggja að ríkisstjórnin gæti gengið til slíkra viðræðna nú þegar.

Aðildarviðræður að Evrópusambandinu ætti að vera lokið næsta vor þegar kosið verður til sveitarstjórna. Þá er unnt að leggja samninginn í dóm þjóðarinnar.

Boltinn er hjá Samfylkingunni og nú mun koma í  ljós hvort Evrópustefna Samfylkingarinnar sé bara upp á punt fyrir kosningar eða hvort Samfylkingin meinar eitthvað með henni.


mbl.is Þingað um nýja stjórn
Tilkynna um óviðeigandi tengingu við frétt

Ný Framsókn í framsókn!

Ný Framsókn hefur verið í framsókn á undanförnum dögum. Nú er bara að sjá hversu langt flokkurinn næsr í kosningunum - en það er að verða deginum ljósara að rödd nýrrar Framsóknar og Sigmundar Davíðs Gunnlaugssonar formanns flokksins verður að hljóma á Alþingi.

Það er greinileg að andstæðingar Framsóknar eru farnir að ókyrrast og grípa til örþrifaráða. Þar veigra menn sér ekki við að misnota aðstöðu sína nóttinga fyrir kosningar og hætta þverpólískri samstöðu í þágu Samfylkingarinnar eins og hér má sjá

 


mbl.is Kjörsókn með ágætum
Tilkynna um óviðeigandi tengingu við frétt

Framsóknarmaðurinn Þór Jakobsson benti á þetta fyrir 25 árum!

Framsóknarmaðurinn og veðufræðingurinn Þór Jakobsson benti á þessa miklu möguleika okkar á öflugri uppskipunarhöfn á Íslandi fyrir hartnær 25 árum - þegar vísbendingar um hlýnun jarðar voru fyrst að ryðja sér til rúms.  Þór benti á að Ísland  gæti orðið miðdepill samganngna mulli Norður-Atlantshafs og Kyrrahafs.

Þetta mál hefur alla tíð síðan verið mér ofarlega í huga og fagna því að utanríkisráðherra sé með á nótunum. Þarna eru tækifæri fyrir framtíðina!


mbl.is Góð skilyrði fyrir umskipunarhöfn
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband