Mun Alþjóða gjaldeyrissjóðurinn enn sækja að Íbúðalánasjóði?

Ætli Alþjóða gjaldeyrissjóðurinn leggi enn einu sinni til að Íbúðalánasjóður verði lagður niður? Sú krafa hefur nánast verið eins og mantra hjá því ágæta fólki sem komið hefur til landsins að skoða efnahagsmál.  Seðlabankastjórarnir íslensku hafa tekið undir þann söng - sem og fleiri í samfélaginu.

Þá vill Eftirlitsstofnun EFTA takmarka starfsemi Íbúðalánsjóðs!  Ætli þeir höfðingjar í Brussel séu enn á þeim buxunum?

Sem betur fer stóðu Framsóknarmenn vörð um Íbúðalánasjóð á síðasta kjörtímabili - þrátt fyrir að hart hefði verið sótt að þeim - og sem betur fer hefur Jóhanna Sigurðardóttir staðið að baki Íbúðalánasjóði á þessu kjörtímabili.

Fjölskyldurnar geta nú þakkað Framsóknarflokknum og Jóhönnu fyrir - því varnarbaráttan hefur ekki verið auðveld!

Sjóðurinn taki bæði yfir innlendu og erlendu lánin

Össur hvumpinn út í Guðna Ágústsson!

Það er merkilegt hvað vinur minn Össur Skarphéðinsson er hvumpinn út í Guðna Ágústsson. Það fer greinilega í taugarnar á Össuri að Guðni bað ríkisstjórnina að ganga hægt um gleðinnar dyr í fjárlagagerðinni síðasta vetur - þegar ríkisstjórnin lagði fram verðbólgufjárlögin - sem eiga sinn þátt í ástandinu í dag ásamt fleiri þáttum náttúrlega.

Skemmst er að minna að Össur gleymdi nánast að ræða landsmálin í kjölfar stefnuleysisræðu Geirs Haarde í síðustu viku - því hann var svo upptekinn að hnýta í Guðna sem hafði haldið afbragðs ræðu!

Reyndar ætti Össur vinur minn að vera á leið Stjórnarráðið við Lækjargötu sem forsætisráðherra með Guðna í minnihlutastjórn Samfylkingar og Framsóknar - til að stýra nauðsynlegum aðgerðum í efnahagsmálum - því það er einsýnt að núverandi skipper ræður ekki við verkefnið. Of tími kominn á orlof Sjálfstæðisflokksins frá Stjórnarráði og Seðlabanka.

Forsætisráðherra Össur tæki sig þar vel út - þótt ljóst væri að slíkri ríkisstjórn bæri að boða til kosninga strax og nauðsynlegum efnahagsaðgerðum væri lokið.

Þá væri vonandi að Ingibjörg Sólrún taki aftur við Samfylkingunni fyrir kosningarnar - sem yrðu Evrópukosningar - en Össur gæti sest í helgan stein og haldið áfram að stúdera kynlíf silunga og bækur í fornbókasölunni hans Braga og Ara!

En mikið var nú gott að sjá Ingibjörgu tiltölulega bratta í sjónvarpsfréttum! Vonandi mun henni batna hratt og vel - en þó er vissara að taka sér góða hvíld eftir stóraðgerð sem hún hefur farið í gegnum.

Verndum hagsmuni almennings

Íbúðalánasjóður til bjargar heimilunum!

Gert er ráð fyrir að Íbúðalánasjóður komi til bjargar heimilinum með því að honum verði veitt heimild til að yfirtaka íbúðalán bankanna. Þetta er rökrétt eins og ég hef oft bent á.

Reyndar er flest rökrétt í frumvarpinu - fyrst staðan var orðin eins og hún er - en á því bera stóra ábyrgð Sjáfstæðisflokkurinn í forystu ríkisstjórnarinnar og í Seðlabanka.

Að sjálfsögðu bera forsvarsmenn bankanna mikla ábyrgð - og að sjálfsögðu spilar ástandið í umheiminum mjög inn í ástandið.

En það þurfa aðrir en þeir sem komu okkur í klípuna að vera við stjórnvölinn við að koma okkur út úr henni - bæði í ríkisstjórn og í Seðlabanka.

Ég vil samt þrátt fyrir allt hrósa Geir Haarde fyrir að taka þetta skref - sem mér virðist nauðsynlegt eins og staðan er orðin - en hefði verið hægt að koma í veg fyrir. Bara fyrir rúmri viku!

Víðtækar heimildir til inngripa

Ég krefst afsagnar Geirs Haarde!

Enn einu sinni gerir Geir Haarde ekki neitt! Það var ekki eitt einasta orð um aðgerðir! Enn einu sinni segir maðurinn ekki neitt!  Hvurslags hegðun er þetta? Við erum engu nær - eftir að hafa staðið á öndinni í eftirvæntingu - töldum að Geir ætlaði að segja eitthvað - fyrst hann vildi ávarpa "þjóð sína".

Það er alveg deginum ljósara að maðurinn ræður ekki við starf sitt.

Ef við ætlum að komast út úr vandanum þá er það einhver annar en Geir Haarde sem verður að leið aþá för. Má ég þá frekar biðja um Þorgerði Katrínu - en það er reyndar fulljóst að ástæða er að gefa Sjálfstæðisflokknum í ríkisstjórn og Seðlabanka frí frá landsstjórninni.

Þetta er ekki nema að hluta til utanaðkomandi vandi. Ábyrgðin er fyrst og fremst Sjálfstæðismanna sem hafa ekki verið vanda sínum vaxnir í forystu ríkisstjórnar og Seðlabanka!

Neyðarlög sett í dag

Minnihlutastjórn Samfylkingar og Framsóknarflokks!

Fjármálaeftirlitið hefur tekið stjórnina af forsætisráðherra sem hélt því fram í gærkvöldi að ekki lægi á traustum aðgerðum vegna efnahagsvandans sem Sjálfstæðisflokkurinn í ríkisstjórn og Seðlabanka ber fyrst og fremst ábyrgð á. Annað hefur komið á daginn.

Forsætisráðherra er algerlega rúinn trausti eftir atburði helgarinnar. Sjálfstæðisflokkurinn er ekki lengur stjórntækur í landsstjórninni.

Lausnin er minnihlutastjórn Samfylkingar og Framsóknarflokks með hlutleysi Vinstri grænna. Verkefni minnihlutastjórnarinnar er að grípa til nauðsynlegra aðgerða í efnahagsmálum í samvinnu við verkalýðshreyfinguna, samtök atvinnulífsins, aðila fjármálamarkaðarins, Seðlabanka og fleiri aðilja.

Í kjölfar nauðsynlegra aðgerða í efnahagsmálum verði boðað til kosninga.

Lokað fyrir viðskipti með bankana

Er ekkert að marka Geir?

Er ekkert að marka Geir?  Maðurinn er varla búinn að sleppa orðinu þar sem hann segir að ekki sé þörf á aðgerðapakka - þegar hann heldur á fund til að vinna aðgerðaráætlun - lesist áætlun um aðgerðarpakka!

Við munum hvernig þetta var um þarsíðustu helgi!  Ekkert óvenjulegt að gerast - og í kjölfarið gengið í hrikalegustu efnahagslegu mistök Íslandssögunnar?

Er ekki tími komin á að Þorgerður Katrín taki við - og landsmenn að gefa Sjálfstæðisflokknum frí frá landsstjórninni?

Tími kominn á vinstri miðustjórn!

... en að sjálfsögðu á Sjálfstæðisflokkurinn að halda áfram að vinna í aðgerðarstjórninni með Framsókn í borginni! Það gengur núna vel!

Fundi lauk á þriðja tímanum

Geir toppar sjálfan sig í að gera ekki neitt!

Nú hefur Geir Haarde toppað sjálfan sig í því að gera ekki neitt! Maraþon fundarhöld um helgina með öllum sem nöfnum tjáir að nefna - og svo á ekki að gera neitt!

Ég á bara ekki orð!!!

Ekki þörf á aðgerðapakka

Guðni vill auka þorskkvóta og hraða álframkvæmdum!

Eðlilega vilja stjórnvöld framlengja samninga við launafólk fram á árið 2010. En það þarf einnig að tryggja atvinnu og rekstrargrundvöll heimilanna. Guðni Ágústsson formaður Framsóknarflokksins benti réttilega á í fréttum Stöðvar 2 að auka þurfi þorskkvóta um 40 þúsund tonn og að hraða beri álframkvæmdum á Bakka.

Ég treysti því að ríkisstjórnin leggi við hlustir og farið að ráðum Guðna. Þær aðgerðir sem Guðni bendir á verða að vera hluti víðtækra aðgerða í efnahagsmálum þjóðarinnar.

Annars getur Guðni verið ánægður með að ríkisstjórnin hefur í verki sett á fót Samvinnuráð í efnahagsmálum - með samráði undanfarinna klukkustunda við hina ýmsu aðilja þjóðlifsins - þótt ég sakni þess að ekki hafi verið leitað til stjórnarandstöðunnar.

Æskilegt að framlengja kjarasamninga

Er aðild að ESB töfralausn við efnahagslegum óstöðugleika?

Er aðild að ESB töfralausn við efnahagslegumóstöðugleika? Ég er persónulega ekki trúaður á törfralausnir yfirleitt, en Árni Páll Árnason röggsamasti þingmaður Samfylkingarinnar er viss í sinni sök ef marka má frétt Viðskiptablaðsins:

"Aðildin að ESB hefur hjálpað Eystrasaltsríkjunum til að halda efnahagslegum stöðugleika," segir Árni Páll Árnason þingmaður Samfylkingarinnar, sem segir að það hafi sýnt sig að yfirlýsing um að stefnt sé að aðild að ESB sé töfralausn fyrir ríki í svipuðum aðstæðum og nú blasa við hér á landi. 

„Þótt Eystrasaltsríkin séu ennþá með ósamhverfar hagsveiflur gagnvart evrunni og séu að aðlegast evrunni og þótt þau séu með hávaxtastefnu þá njóta þau þess vegna aðildar að ERM2 að þeim bjóðast öryggislínur frá Evrópska Seðlabankanum. Löngu áður en kemur að evruaðild og upptöku evru njóta ríki fyrirgreiðslu úr Evrópska Seðlabankanum.

„Það hefur sýnt sig að yfirlýsing um að stefnt sé að Evrópusambandsaðild er töfralausn við fjármálalegum óstöðugleika og aðstæðum á borð við þær sem Íslendingar standa nú frammi fyrir," sagði Árni Páll Árnason, þingmaður Samfylkingarinnar, í samtali við Viðskiptablaðið í dag.

„Það sýndi sig hjá Svíum árið 1992 og það sýndi sig hjá Finnunum. Í báðum tilvikum skapaði yfirlýsing um að stefnt væri að aðild að Evrópusambandinu og upptöku evru forsendur fyrir efnahagslegan stöðugleika, sem ekki var á valdi þessara ríkja að skapa sér sjálf."

Þessi frétt (skálletraði textin að ofan) er á vb.is

Fjölgar í Ráðherrabústaðnum

Er Seðlabankanum og ríkisstjórn ekki enn sjálfrátt?

Er Seðlabankanum og ríkisstjórn ekki enn sjálfrátt? Af hverju í ósköpunum hefur gjaldeyrisskiptasamningur Íslands við seðlabanka Svíþjóðar ekki verið virkjaður?

Vonandi fæst vitrænt svar við því fyrir opnun markaða á morgun!

Sænskur gjaldeyrisskiptasamningur ekki virkjaður