Sjálfstæðismenn - ekki halda blaðamannafundi!

Ég hef verið í dálitlu sjokki yfir blaðamannafundi forsætisráðherrans í vikunni - þar sem hann flutti ekkifréttir af efnahagsmálum þjóðarinnar. Gaf mér rúman sólarhring til að reyna að átta mig á því hvort það hefðu verið einhver dulin skilaboð hjá ráðherranum - en svo virðist ekki vera. Allavega virðast vinir mínir og kunningjar erlendis ekki sjá ljósið ...

... ég gat ekki svarað spurningunni: "Why this press-conference?"

Rifjaði vegna þessa upp blaðamannafundi Sjálfstæðismanna undanfarið - hjá Geir, hjá Vilhjálmi í Valhöll - og hjá núverandi meirihluta í borginni á Klambratúni - þegar þeir tóku við undir forystu Ólafs Friðriks og sex "sjálfstæðis"manna.

Eftir þá yfirferð get ég ekki annað gert en að gefa Sjálfstæðismönnum heilræði:

Ekki halda blaðamannafundi!

 

Athugasemdir

[Haraldur Bjarnason, 20.3.2008 kl. 09:50]

Hallur, hefurðu eitthvað á móti skemmtiatriðum? - Að vísu er þau flest innihaldsríkari en þessi, sem þú nefnir, ég verð að segja það!

[Hjörtur J. Guðmundsson, 20.3.2008 kl. 16:43]

Skemmtilegustu blaðamannafundirnir voru nú eitt sinn þeir sem hinn síbrosandi Halldór Ásgrímsson hélt, ekki sízt sá síðasti þegar hann tilkynnti að hann hefði gefizt upp á forsætisráðherraembættinu eftir aðeins einhverja 10 mánuði í embætti

[Anna Benkovic Mikaelsdóttir, 20.3.2008 kl. 23:28]

...það er ekkert fyndið lengur við algert dug- og ráðaleysi ríkisstjórnarinnar, svo maður nefni ekki borgina ógrátandi!

[Hólmdís Hjartardóttir, 21.3.2008 kl. 01:00]

Já hver var tilgangurinn með þessum fundi'?????  Mér finnst tilvalið að gefa út efni með Vilhjálmi á DVD, Það er alls ekki leiðinlegt. Eiginlega alveg sprenghlægilegt.

[Eiríkur Harðarson, 21.3.2008 kl. 02:58]

Meira að segja ég dreyfbýlistúttan er alveg forviða á því hvernig þessir(svokölluðu)landsstjórnaraðilar fara með umboð sitt.