Góður dagur hjá Framsóknarmönnum!

Þetta er góður dagur hjá Framsóknarmönnum. Framsóknarmaðurinn Barack Obama hylltur í Washington og Framsóknarmaðurinn Sigmundur Davíð hylltur í Reykjavík ásamt ungri, öflugri nýrri forystu Framsóknarflokksins.

Báðir fulltrúar Framsóknar nýrra tíma - annar í Bandaríkjunum og hinn á Íslandi.

Fortíðin grafin á báðum stöðum. Nýtt og spennandi upphaf.

Inntökubeiðni í Framsókn nýrra tíma

Obama hylltur í Washington

Athugasemdir

[Baldur Hermannsson, 19.1.2009 kl. 00:20]

Mikil er trú þín kona.

[Gunnlaugur B Ólafsson, 19.1.2009 kl. 00:25]

Þetta þrástagl um Obama sem Framsóknarmann er farið að vekja upp smá gæsahúð.... ekki meir, ekki meir!

Lítill bændaflokkur á Íslandi á ekki neina samsvörun við alþjóðlega strauma, mannréttindi eða baráttu blökkumanna fyrir jafnri stöðu í samfélaginu.

[Baldur Hermannsson, 19.1.2009 kl. 00:29]

Adolf Hitler var náttúrlega framsóknarkurfur af verstu sort - en Obama? Er hann ekki of greindur til þess?

[Hallur Magnússon, 19.1.2009 kl. 01:06]

Gunnlaugur.

Gæsahúð þín breytir því ekki að Obama er Framsóknarmaður og að Framsóknarflokkurinn hefur alla tíð tekið þátt í frjálslyndum alþjóðlegum straumum og barist fyrir mannréttindum og réttindum blökkumanna fyrir jafnri stöðu í samfélaginu.

Vil gjarnan benda þér á eftirfarandi sem við Framsóknarmenn samþykktum í stefnuskrá okkar í dag og er ágætt dæmi sem undirstrikar mannréttindabaráttu okkar Framsóknarmanna:

 "Mikilvægt er að samkynhneygðir njóti réttinda til jafns við aðra í samfélaginu. Rétt er að löggjöfin endurspegli ekki aðgreiningu gagnvart þeim. Því skal hafa eina hjónabandslöggjöf í landinu sem gildir fyrir alla."

-

[Hallur Magnússon, 19.1.2009 kl. 01:10]

Baldur!

Er ekki tími til þess að þú komir út úr 19. aldar moldarkofanum og farir að líta í kring um þig? 

Þú veist að stefna Adolfs Hitlers var nærri stefnu flokks sem stendur þér nær en Framsóknarflokksins - enda voru það Framsóknarmenn sem stóðu hart í fæturna gegn Nazismanum alla tíð - annað en þáverandi flokkar bæði til hægri og vinstri - meðan það hentaði meistara Djúkasil!

[Baldur Hermannsson, 19.1.2009 kl. 11:49]

Hallur, mér finnst þú ganga of nærri þér í þessum taumlausa fögnuði yfir manni sem er nýgenginn í flokkinn og enginn veit hvað hann stendur fyrir í pólitík, enginn þekkir vinnubrögð hans eða getu til að standa í brúnni. Ótrúlegt örþrifaráð hjá framsókn og sýnir hvernig þeim leið á bjargbrúninni. Fagna skaltu í hófi, Hallur!