Formannsslagur Dags B. og Björgvins G. hafinn!

Með afsögn sinni sem bankamálaráðherra hefur Björgvin G. Sigurðsson hafið slag sinn við Dag B. Eggertsson um formannsembættið í Samfylkingunni. Það er deginum ljósara að slíkur slagur hefur verið í uppsiglingu.

Björgin hefur styrkt stöðu sína verulega með afsögn - þótt hún komi allt of seint.

Átök stríðandi fylkinga innan Samfylkingarinnar mun koma enn betur í ljós á næstu dögum og vikum.

Ingibjörg Sólrún: Afsögn Björgvins kom á óvart

Rotturnar yfirgefa sökkvandi skip ...

Það er sagt að rotturnar yfirgefi sökkvandi skip. Í sjálfu sér vil ég ekki líkja Björgvini G. við rottu - en hegðunin er sú sama.

Björgvin er að flýja sökkvandi ríkisstjórnarskútu.  Vandamálið er að Björgvin er mörgum mánuðum of seinn - og skipið nánast sokkið!

Ótrúverðugt!

Björgvin segir af sér

Stjórnarskipti breytir engu fyrir krónuna en öllu fyrir Íslendinga

Stjórnarskipti breyta engu hvað varðar stöðu íslensku krónunna á alþjóða gjaldeyrismörkuðum. Þar fór síðasta hálmstrá núverandi ríkisstjórnar. Það skiptir nefnilega öllu fyrir íslensku þjóðina að ríkisstjórnin fari frá. Strax.

Þjóðstjórn og kosningar í apríl

Stjórnarskipti breyta engu

Sterk Framsókn nýrra tíma

Tvær skoðanakannanir í röð sína að Framsókn er að ná sýnum fyrri styrk. Það er gott. Framsókn nýrra tíma verður að vera sterk. Það er það sem þjóðin þarf.

Bið strax að heilsa bitrum bloggurum sem eru blindaðir af sérkennilegri andúð á Framsókn. Þeir munu ekki stöðva framsókn Framsóknar.

Fylgi VG mælist rúmlega 32%

Svandís inn Steingrímur út

Ef VG ætlar að halda dampi fram yfir kosningar þá verður Svandís Svavarsdóttir að taka við sem formaður af Steingrími J. og leiða flokkinn í öðru Reykjavíkurkjördæminu á móti  Katrínu Jakobsdóttur í hinu.

Ef VG ætlar að halda dampi fram yfir kosningar þá verður Steingrímur J. og Ögmundur að þekkja sinn vitjunartíma. Einnig gamli kommúnistinn Álfrheiður Ingadóttir og þreytta leikkonan Kolbrún Harðar.

Ekki það að mér sé ekki sama ef þau halda áfram. Þá mun VG dæma sig úr leik í Íslandi framtíðarinnar.

Steingrímur J. tapaði nefnilega síðasta tækifærinu til að verða ráðherra í ríkisstjórn með heimskulegum ummælum um lán Alþjóða gjaldeyrissjóðsins í Kastljósi vikunnar. Næst síðasta tækifæri hans var nóttin eftir síðsutu kosningar.

En við Framsóknarmenn eru þó samt reiðubúnir til að verja minnihlutastjórn Samfylkingar og VG falli - ef flokkarnir eru reiðubúnir að strax verði ráðist í aðgerðir til að koma til móts við skuldsett heimili í landinu og bæta rekstrarskilyrði íslensks atvinnulífs.

Í því felist meðal annars að mörkuð verði stefna í gjaldmiðilsmálum þjóðarinnar.

Jafnframt verði komið á stjórnlagaþingi sem semji nýja stjórnarskrá íslenska lýðveldisins.

Landsfundur VG í mars

Þjóðstjórn og kosningar í apríl

Ég er afar sleginn yfir fréttum af veikindum Geirs Haarde og óska honum velfarnaðar í baráttu sinni við illvígan sjúkdóm. Ég hef alla tíð haft mikið álit á Geir - þótt ég hafi á stundum gagnrýnt hann hart - ekki síst á undanförnum vikum og mánuðum þar sem mér fannst hann ekki standa undir væntingum.

Ég held nú að skýringin sé undirliggjandi veikindi Geirs.

En nú hefur Ingibjörg Sólrún Gísladóttir, utanríkisráðherra og formaður Samfylkingarinnar, sagt að þau Geir H. Haade, forsætisráðherra, verði nú að vinna í sameiningu úr þeirri stöðu, sem upp er komin í stjórnmálum eftir tíðindi dagsins.

Þetta er rétt hjá Ingibjörgu. En ég held að niðurstaða þeirrar vinnu eigi að vera myndun þjóðstjórnar og boðun kosninga í lok apríl en ekki maí. Það er besti kosturinn fyrir íslensku þjóðina á erfiðum tímum.

Veit að formaður Framsóknarflokksins sem hefur sýnt ótrúlegan styrk og frábært pólitískt innsæi undanfarna daga hefur boðið að Framsóknarflokkurinn veiti minnihlutastjórn Samfylkingar og VG brautargengi með því að verja slíka stjórn falli - og ég styð það  - en tel vænlegra að mynda þjóðstjórn fram að kosningum og að kosningarnar verði í apríl - ekki maí

 

Ingibjörg Sólrún komin heim

Iðjuþjálfun fyrir utangarðsmenn í Reykjavík

Utangarðsmenn munu á næstunni eiga kost á að njóta iðjuþjálfunar á vegum Reykjavíkurborgar í dagsetri sem Hjálpræðisherinn rekur úti á Granda.  Iðjuþjálfunin er þáttur í metnaðarfullri stefnu Velferðarráðs í málefnum utangarðsmanna sem var eitt af fyrstu verkum sem ég tók þátt í að vinna að og samþykkja sem nýr varaformaður Velferðarráðs í haust.

Velferðaráð samþykkti samstarfssamning Velferðasviðs og Hjálpræðishersins  um aðstöðu fyrir fagmenntaðan starfsmann og aðstöðu til uppbyggingar á iðju fyrir utangarðsfólk í Reykjavík í dagsetri Hjálpræðishersins fyrir utangarðsfólk.

Slík iðjuþjálfun er mjög mikilvæg til að auka lífsgæði utangarðsmanna í Reykjavík.

Stór hluti þeirra utangarðsmanna sem í borginni nýta sér þá mikilvægu aðstöðu sem Hjálpræðisherinn rekur fyrir þennan hóp á Granda. Þar er rúmgott húsnæði sem býður upp á mikla möguleika til þróunar á iðju fyrir utangarðsfólk á þeim stað sem utangarðsfólk dvelur. Þess vegna var talið rétt að Velferðasvið og Hjálpræðisherinn vinni saman að þessu verkefni, Velferðasvið leggur til fagmenntaðan starfsmann en Hjálpræðisherinn aðstöðuna.

Ég er mjög ánægður með okkur í Velferðarráði að taka þetta mikilvæga skref í þágu utangarðsfólks

Hjálpræðisherinn og borgin í samstarf

Gott að heyra í Ingibjörgu Sólrúnu

Það var gott að heyra í Ingibjörgu Sólrúnu í kvöldfréttum. Það var enn baráttuandi í henni. Það vita allir að ég er ekki hrifinn af frammistöðuleysi ríkisstjórnarinnar - en það yrði afar slæmt ef Ingibjörg Sólrún verði ekki við stjórnvölinn hjá Samfylkingunni næstu vikurnar.

Ingibjörg vill kosningar í vor

Taka Bjarni Ben og Hanna Birna við leifunum af Sjálfstæðisflokknum?

Taka Bjarni Ben og Hanna Birna við leifunum af Sjálfstæðisflokknum á landsfundi? Það er ljóst að Geir Haarde er pólitískt búinn. Sjálfstæðisflokkurinn illa laskaður.

Samfylkingin í lífróðri. Ef Ingibjörg Sólrún hættir er alvarleg forystukrísa þar. Treysti mér ekki til að spá um hver tekur getið til.  Enginns terkur en margir veikir smákóngar.

Mikilla tíðinda að vænta

Enginn trúir Geir. Bjarni Ben og Hanna Birna taka við flokknum!

Það getur vel verið að það sé rétt hjá Geir Haarde að enginn af nýju bönkunum séu að falla. Vandamálið er að það trúir enginn Geir Haarde lengur.

Spái því að Bjarni Ben verði kjörinn formaður og Hannar Birna varaformaður Sjálfstæðisflokksins á landsfundinum. Að vísu gæti Guðlaugur Þór ruglað dæmið. Geir Haarde og líklega Þorgerður Katrín eru búin í pólitík.

Enginn af nýju bönkunum að falla