Forseti ASÍ mismunar fólki eftir flokksskírteinum

Gylfi Arnbjörnsson forseti ASÍ sagðist líta á það sem jafngildi uppsagnar hjá Vigdísi Hauksdóttur ef hún tæki 1. sæti á lista Framsóknarflokksins - en Vigdís leitaði eftir launalausu fríi fram yfir kosningar.

Gylfi er því að segja miðsstjórnarfulltrúum ASÍ ósatt þegar hann segir Vigdísi hafa óskað eftir því að hætta.

Það er greinilega gert upp á milli starfsmanna ASÍ eftir flokksskírteini.

Sjá nánar:  Pólitískar hreinsanir hjá ASÍ

Gylfi reynir að afsaka sig með því að Vigdís sé í öruggu sæti og fari á þing. Það ætla ég svo sannarlega að vona - en minni á að Framsóknarflokkurinn hefur engan þingmann í Reykjavíkurkjördæmi suður.

Einnig má minna á að Bryndís Hlöverðsdóttir var á fullum launum hjá ASÍ í kosningunum 1995 - og Magnús Norðdahl er nú á fullum launum í kosningabaráttu fyrir Samfylkinguna - þar sem hann tók þátt í prófkjöri.

Engin flokkspólitík

Athugasemdir

[Héðinn Björnsson, 25.3.2009 kl. 13:31]

Hún er oddviti lista í fjölmennasta kjördæmi landsins. Staða hennar er öðruvísi en mans sem er í 6. sæti lista. En það er hinsvega góð og gegn lýðræðisleg hefð að fólk fái að taka sér leyfi frá störfum meðan það dembir sér í kjörin störf fyrir þjóðina. Það hefði verið eðlilegt að krefjast þess.

[corvus corax, 25.3.2009 kl. 13:33]

Staða Vigdísar er ekkert öðruvísi en staða manns á 6. sæti á lista. Málið er einfaldlega flokkspólitískt þótt ASÍ-forsetafíflið kjósi að reyna að ljúga sig út úr því. Svo einfalt er það...

[365, 25.3.2009 kl. 13:39]

Þetta er bara djöfuls spilling.

[Guðmundur St Ragnarsson, 25.3.2009 kl. 13:39]

Algjörlega ósammála Héðinn. Þetta er ekki í fyrsta sinn sem Magnús er á lista og engar athugasemdir verið. Framsóknarmenn virðst því miður ekki tilheyra alþýðu Íslands í augum Samfylkingarmannsins Gylfa.

[Hallur Magnússon, 25.3.2009 kl. 13:52]

Ekki gleyma Brybdísi Hlöðvers á sínum tíma!

[Alli, 25.3.2009 kl. 14:00]

DV í dag:

„Það er ekki hægt að vera bæði þingmaður og starfsmaður Alþýðusambandsins,“ segir Gylfi

Skyldu Ögmundur og BSRB vita af þessu?

[Jón Ólafur Vilhjálmsson, 25.3.2009 kl. 15:20]

Lögfræðingurinn Vigdís  kærir bara ASÍ fyrir brot á jafnrétti og krefst bóta.

[Eggert Hjelm Herbertsson, 25.3.2009 kl. 21:31]

Ég hefði litið á það sem uppsögn hjá mínum starfsmanni að taka að sér forystu á lista flokks fyrir alþingiskosningar. Slíkur leiðtogi getur ekki stundað vinnu á meðan yfir gengur.

 Hallur, Gylfi er ekki Samfylkingin.

[Hlédís, 25.3.2009 kl. 21:33]

Getur Gylfi ekki farið að gera eitthvað af viti?

[Hilmar Gunnlaugsson, 25.3.2009 kl. 22:37]

Þetta er mjög lélegt hjá ASÍ og þarna nýtur Framsókn ekki jafnréttis á við aðra flokka.

[Hallur Magnússon, 26.3.2009 kl. 07:32]

Eggert.

Konan bað um launalaust leyfi í 6 vikur. Það gekk ekki - en yfirmaður hennar er enn á launum í framboði fyrir Samfylkinguna.

[Eggert Hjelm Herbertsson, 26.3.2009 kl. 08:11]

Hallur, það er fullt af fólki í framboðum fyrir hina og þessa, þeir eru samt ekki flokkarnir - taka sjálfsstæðar ákvarðanir eins og aðrir.

Magnús hefur ekki enn tekið sæti á lista en verður líklega í 6. sæti.