Framlag ríkis til Kaupþings ekki nema 2 1/2 tap Byggingarsjóðs verkamanna!

Einhverjum kann að þykja 75 milljarðar mikið fé.  Enda er þetta mikið fé. Þrisvar sinnum eigið fé Íbúðalánasjóðs sem byggðist upp af 6 milljarða stofnfé Húsbréfadeildar Húsnæðisstofnunar.

En það er vert að rifja upp að þegar Byggingasjóður verkamanna var gerður upp við stofnun Íbúðalánasjóðs þá var neikvætt eigið fé sjóðsins hátt í 30 milljarðar króna á núvirði. Með öðrum orðum - Byggingasjóður verkamanna var í raun gjaldþrota - og gjaldþrotið hefði orðið hátt í 30 milljarðar á núvirði.

Þegar 75 milljarðar eigið fé í nýjum ríkisbanka sem á að þjóna Íslandi öllu er sett í samhengi við þetta gífurlega gjaldþrot Byggingarsjóðs verkamanna - þá virkar upphæðin ekki svo galin.

En gleymum því aldrei að Byggingasjóður verkamanna fór á hausinn tæknilega - og tapið var hát tí 30 milljarðar króna á núvirði.

Félagsmálaráðherra verður að ahfa það í huga þegar hún tekur ákvörðun um framtíðarstefnumótun í húsnæðislánamálum!

Eigið fé Kaupþings 75 milljarðar

Athugasemdir

[Jóhannes Ragnarsson, 22.10.2008 kl. 10:23]

Er ekki rétt, Hallur, að þú útskýrir nánar hvernig ,,tæknilegt gjaldþrot" byggingarsjóðs verkamanna var til komið?

Það er dálítið villandi að henda svonalöguðu fram án þess að gera alminnilega grein fyrir málinu þannig að skiljist hvað átt er við.

[Hallur Magnússon, 22.10.2008 kl. 11:18]

Jóhannes.

Byggingasjóður ríkisins fjármagnaði tap Byggingarsjóðs verkamanna með lánum til að dekka tapið. Þannig át tap BV upp eigið fé BR og var á góðri leið með að setja hann líka á hausinn.

Eina eiginlega eign Húsnæðisstofnunar lá í húsbréfadeildinni - sem varð grunnur að ÍLS.

Einalt.

Getur séð þetta á stofnefnahagsreikningi ÍLS á vefsíðu ÍLS.

Tapið kom til vegna mikillrar niðurgreiðslu vaxta. Vextir BV var td. 1% en fjármögnunarvextir miklu hærri. Einfalt.

Menn mega ekki gleyma þessu.

[Jóhannes Ragnarsson, 22.10.2008 kl. 11:28]

Takk fyrir Hallur.