Siv flott í gervi tannálfsins!

Það er gott að sjá Siv í gervi tannálfsins og tryggja tannlæknaþjónustu og forvarnarskoðanir þriggja og tólf ára barna með þessum samningi við Tannlæknafélagið.

Það er ekki hvað síst mikilvægt að það náist nýir samningar við tannlæknafélagið - en mér skilst að það hafi verið erfitt að ná samkomulagi við tannlæknana um ýmislegt annað þrátt fyrir ítrekaðar tilraunir undanfarin misseri.

Í yfirlýsingu sem fylgir undirrituninni segir m.a.:

Það er sameiginlegur skilningur samningsaðila að með þessu sé stigið fyrsta skrefið í forvarnareftirliti barna og unglinga, sem leggja mun grunn að bættri tannheilsu barnsins um alla framtíð. Í framtíðinni verður hugað að því að þétta þetta eftirlitsnet með því að taka fleiri árganga inn til eftirlits á þennan hátt.

Þetta er gott því betur má ef duga skal!

Bendi á fyrra blogg mitt um þessi mál, Tannálf í skólann, takk!

Samið um tannlæknaþjónustu og forvarnarskoðanir 3 og 12 ára barna

Athugasemdir

[Arfi, 5.5.2007 kl. 13:04]

Í minni fjölskyldu hefur það alltaf verið tannlæknir í október og apríl, svo bara í október fyrir þá eldri sem þurftu ekki strangara eftirlit, og bíllinn í skoðun í janúar. Ekkert flókið, og það gleymdist aldrei að panta tíma.

Mér þætti gaman að vita hvort þetta efnaminna fólk sem hefur ekki efni á / tímir ekki að senda börnin til tannlækna reki bíl. Tvær skoðanir á ári, ef ekkert er að, kosta nefnilega alls ekki svo mikið. Sérstaklega þar sem börn fá stóran hluta endurgreiddan.