Óvönduð vinnubrögð hjá fréttastofu RÚV

Það kom mér ekki sérstaklega á óvart að sjá rangfærslur í fyrirsögn fréttastofu RÚV á vef ríkisútvarpsins í dag eftir að hafa hlýtt á samtal Jórunnar Frímannsdóttur formanns Velferðaráðs og Guðrúnar Frímannsdóttur fréttamanns í dag. Guðrún hafði tekið viðtal við Jórunni vegna vinnu Velferðaráðs við undirbúning fjárhagsáætlunar - en fyrr um daginn hafði Guðrún tekið viðtal við Þorleif Gunnlaugsson fulltrúa VG í velferðaráði.

Í símtalinu sem ég var vitni að kom í ljós að Guðrún hafði í drögum að inngangi viðtalsins fullyrt að niðurskurður yrði á fjárframlögum til Velferðarráðs á árinu 2009. Ekki veit ég hvaðan hún hafði þær upplýsingar en vinna við undirbúning fjárhagsáætlunar er trúnaðarmál - bæði hjá emættismönnum Velferðaráðs og fulltrúum í Velferðaráði - og vinnu við fjárhagsáætlun fjarri því lokið.

Jórunn þurfti ítrekað að leiðrétta þessa þráhyggju Guðrúnar sem ekki vildi gefa sig fyrr en í fulla hnefana - þrátt fyrir að hvergi hefði komið fram í viðtali við Jórunni að um niðurskurð á fjárframlögum til Velferðasviðs væri að ræða.

Það skiptu engu máli þótt Jórunn ítrekaði aftur og aftur að væntanlega yrði um aukningu á fjármagni til Velferðaráðs að ræða miðað við fjárhagsáætlun 2008 - en vegna ástandsins yrði að leita allra leiða í sparnaði á ýmsum sviðum Velferðaráðs svo unnt væri að nýta fjármagnið sem til sviðsins rennur betur og markvissara svo unnt sé að tryggja grunnþjónustu Velferðasviðs við íbúa borgarinnar sem væntanlega þyrftu meiri stuðning á næstu mánuðum en hingað til vegna erfiðs efnahagsástands.

Guðrún gaf sig reyndar í fréttinn í sjálfri heyrði ég í fréttum og lagði Jórunni ekki orð í munn eins og hún hafði lagt upp með í upphafi - en fyrirsögnin þegar fréttin kom á vef RÚV var sú sama og Guðrún ætlaði í fyrstu að nota í fréttinni:

"Niðurskurður hjá Velferðarráði Reykjavíkur"

Ekki veit ég hvort Guðrún lagði þennan titil til eða hvort það var vefstjóri RÚV vefjarins. En í viðtalinu við Jórunni kemur hvergi fram að það sé fyrirhugaður niðurskurður hjá Velferðaráði Reykjavíkur.

Seðlabankastjórinn dæmdur fyrir spillingu og fjárdrátt

Seðlabankastjóri hefur verið dæmdur fyrir spillingu og fjárdrátt. Mér brá dálítið við að sjá þetta - en létti verulega þegar ég sá að um var að ræða seðlabankastjórann í Indónesíu.

Þeir hefðu kannske átt að hafa þrjá eins og á Íslandi!

Sjá nánar á fréttinni "Seðlabankastjórinn dæmdur fyrir spillingu og fjárdrátt"

 

 

Teflon pólitík sakbitinnar Samfylkingar á enda runnin!

Teflon pólitík sakbitinnar Samfylkingar sem veit upp á sig sökina í að kafsigla íslensku þjóðarskútuna er á enda runnin. Almenningur er farinn að fatta að Icesave reikningarnir eru tilkomnir í tíð núverandi bankamálaráðherra Samfylkingar sem margoft hefur orðið vís að ósannindum að undanförnu.

Almenningur er líka að fatta að 20% aukning fjárlaga fyrir árið 2008 voru verðbólgufjárlög sem sinn þátt eiga í ástandinu.

Almenningur er líka að fatta að mistök á mistök ofan frá því Glitni var fórnað eru ekki einungis á ábyrgð Geirs Haarde og Davíðs Oddssonar - heldur líka Samfylkingarinnar.

Þá er almenningir líka að fatta að kratagæðablóðið Jón Sigurðsson bera margfalda ábyrgð - annars vegar sem varaformaður í bankaráði Seðlabankans sem ekki hafði döngun í sér að segja af sér eins og hinn fulltrúi Samfylkingarinanr - og að hins vegar sem formaður stjórnar fjármálaeftirlitsins.

Nei - Samfylkingin getur ekki lengur þóst vera stikk frí. Teflon húðin er að flagna af Samfylkingunni.

PS:

Nú sé ég að sjálf Ingibjörg Sólrún er staðin að lygum þegar hún sagði að ekki væri unnt að segja frá meginatriðum samkomulagsins við IMF vegna óska IMF - ef marka má frétt RÚV þar sem segir ma:

"Ríkisstjórnin hefur sagt að ekki megi greina frá efnahagsáætluninni, sem lögð er til grundvallar aðstoð Alþjóðagjaldeyrissjóðsins, fyrr en framkvæmdastjórn hans hefur afgreitt lánsumsóknina. Upplýsingafulltrúi sjóðsins tjáði fréttastofu í tölvupósti að það væri ákvörðun ríkisstjórnar Ísland hvort áætlunin verði gerð opinber."

Er ekki líklegri skýring að sannleikurinn er Samfylkingunni íþægilegur - og því skal sópa honum undir teppið´.

Ekki benda á mig

Árni Johnsen stelur af mér hugmynd!

Árni Johnsen stelur af mér þeirri hugmynd að Íslendingar taki upp færeyska krónu! Ég hef margoft stungið upp á því að Íslendingar taki upp færeyska krónu. En ég er að sjálfsögðu ánægður að Vestmanneyjagoðinn taki undir mínar hugmyndir - og bið hann því afsökunar á því að nota fyrirsögnina "Árni Johnsen stelur af mér hugmynd!".

Sjá til dæmis færslu 29.12.2007: "Tökum upp færeysku krónuna!"

Árni Johnsen vill færeyska krónu

Tvær ljóstýrur í svartnætti Sjálfstæðisflokksins

Svartnætti Sjálfstæðisflokksins sem bera höfuðábyrgð á núverandi efnahagsástandi er nær algjört.

En þó má sjá tvær ljóstýrur.

Sú veikari er varaformaðurinn Þorgerður Katrín Gunnarsdóttir sem hefur haft þor að segja það sem segja þarf um aðalbankastjóra Seðlabankans og ræða á eðlilegan hátt um mögulagar aðildarviðræður að Evrópusambandinu.

Bjartari ljóstýran er Hanna Birna Kristjánsdóttir borgarstjóri sem hefur staðið sig frábærlega vel sem slíkur frá því hún tók við með tilkomu farsæls meirihluta Framsóknarflokks og Sjálfstæðisflokks.

Að öðru leiti ríkir svartnættið eitt í Sjálfstæðisflokknum.

Þjóðin í gíslingu Sjálfstæðisflokksins

Færeyingar flottir frændur!

Færeyingar eru flottir frændur.

Vann sem ráðgjafi fyrir í húsnæðislánamálum á árunum 2006-2007 fyrir Almanna- og heilsumálaráðið og Hans Pauli Strøm, landsstýrimann sem er ráðherra húsnæðismála í Færeyjum.

Mjög skemmtilegt að vinna með Færeyingunum og móttökurnar í Færeyjum frábærar.

Það kemur mér því ekki á óvart að Føroya Landstýri hafi ákveðið að leggja okkur lið. 

Við skulum ekki gleymna þessu vinabragði frænda okkar Færeyinga!

Eftirfarandi frétt var um málið á www.portal.fo: 

"Fundur var seinnapartin í dag í Helsingfors í samband við aðalfundin í Norðurlandaráðnum millum umboð fyri Føroya Landsstýri og Íslendsku Stjórnina

Á fundinum luttóku Kaj Leo Johannesen, løgmaður, Jørgin Niclasen, uttanríkisráðharri, Jóannes Eidesgaard, fíggjarmálaráðharri og Geir Haarde, forsætismálaráðharri og Árni M. Mathiesen, fíggjarmálaráðharri.

Á fundinum var trupla støða Íslands umrødd, nú avleiðingarnir av fíggjarkreppuni raka tey serliga meint. Serliga tørvar Íslandi gjaldføri.

Landsstýrið hevði frammanundan samráðst við flokkarnar á Løgtingi um málið. Allir flokkar taka undir við ætlanini at veita Íslandi gjaldførislán.

Á fundinum boðaðu føroysku umboðini frá, at Føroyar eru sinnaðar til at veita Íslandi eitt gjaldførislán upp á 300 milliónir av okkara krónum.

Upphæddin verður tikin av innistandandi í Landsbankanum.

Málið verður nú fyrireikað til framløgu í Løgtinginum til tess at fáa neyðugu heimildina."

Mikill drengskapur Færeyinga