Afborganir íbúðalána taki mið af greiðslugetu fjölskyldna

Í kjölfar efnahagshrunsins í haust lagði ég til að afborganir íbúðalána taki mið af greiðslugetu hverrar fjölskyldu fyrir sig. Nú hefur Þórólfur Matthíasson tekið undir þessar hugmyndir mínar. Vonandi fá þær hljómgrunn víðar. Helst hjá félagsmálaráðherranum og ríkisstjórninni.

Tillögur mínar í haust fólust í að byrja með tímabundna frystingu lána þar sem staða mála yrði tekin eftir 3 ár.  Þá var ekki ljóst að efnahagslægðin yrði eins djúp og kreppan erfið - eins og nú hefur komið á daginn.

En þetta fyrirkomulag er raunhæft til lengri tíma.

Lítum aðeins á bút úr einu bloggi mínu um málið frá því í október:

Lausnin er sú að geta bæði fryst greiðslur af vöxtum, höfuðstól og verðbótum. Greiðslubyrðin taki mið af greiðslugetu hvers og eins fyrir sig - en það sem út af stendur verði fryst til dæmis í 3 ár. Þá verði tekin afstaða til þess hvernig farið verði með þann hluta lánsins sem hefur verið frystur.

Fyrir flesta er líklegt að unnt sé að standa undir greiðslum í kjölfar kreppunar, fyrir aðra er þörf að lengja í láninu til þess að lækka greiðslubyrðina og væntanlega verður einhver hópur sem getur ekki staðið undir láninu. Þá þarf sértækar aðgerðir til að leysa úr vanda þess hóps.

Ég hef bent á tvær leiðir til þess að ákvarða fjárhæð afborganna og þar af leiðir hversu mikið verði fryst.

Einfaldasta leiðin er að ákvarða að ákveðið fast hlutfall af brúttólaunum fari til greiðslu íbúðalána ef fólk sækir um að frysta hluta afborgana sinna.

Flóknari leið - en að mörgu leiti æskileg leið - er að fólk fari gegnum greiðslumat og í kjölfar þess ákvarðað hvaða fjárhæð fjölskyldan getur greitt í afborganir af íbúðalánum og afgangurinn frystur í til dæmis þrjú ár.  Kosturinn við þessa leið er sú að við greiðsluamt er farið í gegnum öll fjármál fjölskydunar og unnt að ganga frá yfirlitum og greiðsluáætlunum til að standa undir öðrum skuldbindingum og útgjöldum fjölskyldunnar.  Fjölskyldan fær þá mikilvægt stöðumat á eigin fjárhagslega stöðu. 

Hugmyndir mínar má sjá í bloggfærslu í október Frysting höfuðstólsgreiðslna ekki nóg! 

Bankarnir skoða leiðir til að skuldbreyta íbúðalánum

Geymdi rússneski dómarinn spariféð sitt á IceSave?

Ætli rússneski dómarinn hafi geymt spariféð sitt á IceSave?

Æ, mér datt það bara í hug!

Annars voru íslensku stelpurnar sig afar vel. Það er ekki einfalt á fá á sig vafasama vítapyrnudóma í tvígang!

Slæmt að klúðra víti - það eina sem var alvöru víti - en svona er boltinn.

Þá er bara að taka Norðmenn í næsta leik - og ná jafntefli við Þýskaland. Það er geta fyrir hendi að klára það.

EM: Ísland tapaði fyrsta leiknum

Verjum löggæsluna í landinu!

Við eigum að verja löggæsluna í landinu. Það er þyngra en tárum taki að sjá átök almennra lögreglumanna og lögreglustjóra höfuðborgarsvæðisins. Lögreglustjóranum er svo þröngur stakkur settur í fjárveitingum að það getur ekki annað en komið niður á almennum lögreglumönnum og löggæslunni.

Ég óttast virkilega að við séum að missa bestu lögreglumennina úr starfi vegna ástandsins. Við megum ekki við að lögreglan hrynji á þeim erfiðu tímum sem við upplifum. Afleiðing þess gæti orðið að gæði lögreglunnar minnki verulega - og þangað leiti einstaklingar sem við viljum síður að sjái um vandasama löggæslu.

Hvort sem okkur líkar það betur eður verr þá verðum við að auka fjárframlög til lögreglunnar. Það dugir skammt að verja grunnþætti velferðarþjónustunar, heilbrigðiskerfisinsog menntakerfisins ef óöld skapast þar sem löggæslan er í molum.  Við eigum góða og faglega lögreglu - en slík lögregla er ekki sjálfgefin. Það höfum við séð í ríkjum víða um heim.

„Aldrei eins slæmt og núna“

Auðvitað þarf að afskrifa hluta skulda heimilana!

Auðvitað þarf að afskrifa skuldir heimilana!

Ráðherra vill afskrifa skuldir

Vill ríkisstjórnin HS Orku úr landi eða í hendur ríkisins?

'Eg er tvístígandi yfir því að selja hlutinn í HS Orku til erlendra aðilja. Orkuveitan verður hins vegar að selja. Umhverfisráðherra segist ekki vilja sjá hlutinn seldan erlendum einkaaðila. Nú kemur í ljós hvort Steingrímur J. er sammála henni. 

Það er rétt hjá Guðlaugi að fá úr því skorið.

Vill fund með fjármálaráðherra

?

??

Gamli Landsbankinn afskrifar skuldir Magnúsar

Trabant aftur draumabíllinn?

Ég hef alltaf saknað gamla góða Trabantsins míns sem ég keypti nýjan á 78 þúsund krónur - líklega árið 1982. Trabantinn var skemmtilegur bíll. Frábær í snjó - en daprari upp brekkur. Ég var þó tekinn á 104 km á klukkustund UPP Ártúnsbrekkuna. Reyndar neðarlega í henni - því maður varð að þenja Trabbann eins og maður gat áður en haldið var upp brekkur - því annars var hraðinn ósæmilega lítill í efri hluta brekknanna.

Það fór því um mig gleðistraumur þegar í las í Mogganum í morgun að það væri von á nýjum Trabant!

Reyndar verður um að ræða rafbíll með sólarpanill á þakinu!  Hefði dugað vel í borginni þetta sumarið!

Ég hlakka til að sjá aftur Trabant - draumabílinn. Aldrei að vita nema maður festi kaup á einum!!!

Næsti Trabbi verður rafbíll

Miklu skárri IceSave lausn

Þingmenn hafa náð saman um miklu skárri IceSave lausn en útlit var fyrir. Skil hins vegar ekki Samfylkinguna að gefa málinu ekki nokkrar klukkustundir í viðbót til að ná fullri samstöðu um málið. Vantaði ekki mikið upp á að Framsókn yrði með. Kannske hefur Samfylkingin viljað hafa Framsókn fyrir utan samkomulagið.

... og lekamálið: Lekandinn á að segja af sér

Hagvöxtur stýri greiðslum

Lekandinn á að segja af sér

Það er grafalvarlegt mála að trúnaðargögn sem liggja fyrir í nefndum Alþingis leki til fjölmiðla - hvað þá í svo viðkvæmu og alvarlegu máli sem IceSave.

Það verður að vera unnt að fjalla um mál af trúnaði.

Ekki veit ég hver lak trúnaðargögnunum - en mín skoðun er sú að ef um þingmann er að ræða eigi viðkomandi að segja af sér.

Fundur í fjárlaganefnd

Skrílsleg hegðun og skemmdarverk bæta ekki efnahagsástandið

Skrílsleg hegðun og skemmdarverk bæta ekki efnahagsástandið. Skrílsleg hegðun og skemmdarverk byggja ekki upp Ísland á ný. Þeir sem standa fyrir skrílslegri hegðun og skemmdarverkum á húsum annarra eru komnir á sama plan og þeir sem komu okkur í þá stöðu sem við erum nú í.

Sparið málninguna og notið orkuna til þess að byggja Ísland upp á ný. Heiðarlega og af dugnaði.

Hús máluð í nótt