Seðlabankinn og pólitísk mantra Alþjóða gjaldeyrissjóðsins

Það kemur í ljós á morgun hvort Seðlabanki Íslands er sjálfstæður og hefur hag íslenskra fyrirtækja og heimila að leiðarljósi eða hvort bankinn er viljalaust verkfæri Alþjóða gjaldeyrissjóðsins sem rekur pólitíska stefnu sína eins og möntru án tillits til aðstæðna á hverjum stað fyrir sig.

Pólitísk mantra Alþjóða gjaldeyrissjóðsins er hávaxtastefna sem engu skilar nú frekar en hjá Seðlabankanum áður - hávaxtastefna sem er að ganga endanlega frá íslensku atvinnulífi og íslenskum fjölskyldum dauðum.

Rétt stefna Seðlabankans væri verulega vaxtalækkun.

Það er nánast hjákátlegt stundum að fylgjast með Alþjóða gjaldeyrissjóðnum. Að upplifa í gegnum árin sendinefnd eftir sendinefnd sem skyldi ekki eða vildi ekki skilja íslensku verðtrygginguna.

Reyndar má segja að gamli Seðlabankinn hafi ekki heldur fattað hana - allavega lét hann eins og hún væri ekki til þegar bankinn rak gegndarlausa hávaxtastefnu - en heyktist á að beita bindiskyldu til að draga úr . Þar liggur ein meginástæða l 2004 -2006 og ástandsins í dag.

Það var einnig hjákátlegt að heyra aðra pólitíska möntru sendinefndar eftir sendinefnd sem var einkavæða Íbúðalánasjóð - einkavæða Íbúðalánasjóðs - einkareknir bankar með íbúðalánin - einkareknir bankar með íbúðalánin!

Það væri áhugavert að sjá hvernig ástandið væri ef við hefðum látið eftir þeirra vanhugsuðu pólitísku möntru Alþjóða gjaldeyrissjóðsins.

Það verður einnig áhugavert að sjá hvort Seðlabanki Íslands er Seðlabanki Íslands - eða Seðlabanki Alþjóða gjaldeyrissjóðsins sem lætur dáleiðast af hættulegri pólitískri möntru pótintátanna í Alþjóða gjaldeyrissjóðnum.

Það skýrist á morgun.

Strandar á vöxtum Seðlabankans

Jóhanna fundin - en afar hissa á ástandinu!

Það kemur á óvart að það komi Jóhönnu á óvart hversu alvarlegir erfiðleikar ríkis og sveitarfélaga eru. Reyndar kemur það kannske ekki svo á óvart ef rýnt er í einræðu Jóhönnu undarfarnar vikur því þá má sjá að hún hún hefur alltaf haldið að unnt væri að stöðva slagæðablæðingu íslenska efnahagslífsins með smáplástrum.

Ætli það komi Jóhönnu einnig á óvart hversu illa fyrirtæki og heimili standa í kreppunni?

Ef tekið er mið af afneitun Jóhönnu á róttækum en raunhæfum efnahagstillögum Framsóknar þar sem meðal annars er lagt til að lán heimila og fyrirtækja verði leiðrétt með niðurfærslu lána um 20% - þá má búast við svipaðri yfirlýsingu Jóhönnu þegar hún fattar vanda heimila og fyrirtækja.

Við skulum vona að Jóhanna bregðist hratt við og nýti sér vel það svigrúm sem hún hefur meðal þjóðarinnar sem samkvæmt skoðanakönnunum styðja hana og vilja gefa henni séns á að takast á við vandamálin.

Ég er reiðubúinn að aðstoða Jóhönnu í þeim slag!

Þyngri róður en áætlað var

Er Jóhanna týnd - einu sinni enn?

Þingflokkur Framsóknarmanna fór fram á fund með Dalai Lama - en það var ekki unnt að finna tíma í dagskrá mannsins. Við vitum hins vegar að tímaskorturinn er ekki vegna fundar Dalai Lama og Jóhönnu - en eins og svo oft áður - þá er Jóhanna týnd. Eins og svo oft áður - en það var áberandi hvað Jóhanna hefur forðast orðaskipti við aðra stjórnmálamenn á undanförnum vikum!

 

Dalai Lama í Háskóla Íslands

Hve lengi gefur Jón millistéttamaður ríkisstjórninni séns?

Kjósendur gefa ríkisstjórninni séns - en hve lengi mun það vara. Það er gott að ríkisstjórnin fái svigrúm til að takast á við efnahagsmálin og standa við orð sín um að styðja við heimilin og atvinnulífið í landinu. En ríkisstjórnin verður að nýta þetta svigrúm betur en hingað til.

Hef áður sagt að gott veður í maí og stórkostlegur árangur Jóhönnu Guðrúnar hafi gefið ríkisstjórninn aukið svigrúm - og niðurstaða skoðanakönnunar Capacents virðist staðfesta það.

Nú situr Jón millistéttarmaður sorgmæddur á sólpallinum sínum og horfir á fellihýsið sitt sem hann greiddi með milljón í peningum og milljón í gengistryggðu lán sem nú stendur  2 1/2 milljónum.

Jón millistéttarmaður hefur misst yfirvinnugreiðslurnar sínar og hefur þurft að taka á sig launalækkun vegna efnahagsástandsins og dugleysis ríkisstjórnarinn.

Jón millistéttarstéttarmaður er að velta því fyrir sér hvernig hann eigi að segja börnunum sínum að hann eigi ekki fyrir bensíni til að draga skuldum hlaðið fellihýsið út á land í sumarfríinu vegna stóraukinnar skuldabyrði og ríkishækkunar bensínverðs!

Jón millistéttarmaður ákveður þá að skella sér í ríkið og kaupa sér rauðvínsflösku til að dreypa á með eiginkonunni meðan þau undirbúa hvernig þau eiga að segja börnunum frá því að ekkert verði af fellihýsaferðum í sumar - þegar hann áttar sig á því að hann hefur ekki lengur efni á rauðvínsflöskunni vegna ríkishækkunar á áfengisverði!

Jón millistéttarmaður man þá að ríkisstjórnin var ekki bara að hækka verð á bensíni og búsinu - heldur samhliða að hækka greiðslubyrðina af lánunum sínum!

Jón millistéttarmaður - sem hafði lýst stuðningi við ríkisstjórnina í könnun Capacent Gallup - ákveður að ef ríkisstjórnin gerir ekki eitthvað af viti á næstu vikmum - þá muni  hann aldrei - aldrei styðja ríkisstjórnarflokkana aftur!

Semsagt - það er eins gott að ríkisstjórnin nýti sér það svigrúm semhún enn hefur - það mun ekki vara lengi að óbreyttu!

Stuðningur við stjórnina eykst

Lilja Mósesdóttir byrjar vel sem þingmaður VG

Lilja Mósesdóttir byrjar afar vel sem þingmaður VG og greinilegt að hún styrkir þingflokk VG verulega. Ef ríkisstjórnin lafir fram að áramótum þá er einsýnt að Lilja er rétti aðilinn til að taka við viðskipta- og efnahagsráðuneytinu.

Það er afar mikilvægt að ríkisstjórnin brjóstist út úr 1983 hugsunarhætti Steingríms J. og Jóhönnu Sig. og taki upp nútímaleg vinnubrögð sem kalla á heildstæða hugsun en ekki þröngar aðgerðir sem hver og ein skaðar meira en hún leysir.

Því fagna ég sérstaklega þeirri afstöði Lilju að hafa ekki sætt sig við frumvarp fjármálaráðherra um hækkun á búsi og bensínu - fyrr en heildaráhrif skattahækkananna liggja fyrir.

Reyndar eru líkur á því að álögur á íslensk heimili og atvinnulíf aukust margfalt skattahækkuninni og tekjur ríkissjóðs verði miklu minni en talið er í fyrstu - en látum það liggja milli hluta.

Það er náttúrelga sjálfsagt mál að hafa það sem reglu á Alþingi að við mat á breytingum verði ávallt verði tekið tillit til óbeinna áhrifa, t.d. hvað varðar skattahækkanir eða niðurskurð í ríkisútgjöldum, eins og Lilja vill.

Það hefur nefnilega loðað við "sparnaðaraðgerðir" gegnum tíðina að þær hafa kostað ríkið oft miklu meira þegar upp var staðið en þær hafa sparað.

Allt tekið með í reikninginn

Þorvaldur á Íslensku menntaverðlaunin svo sannarlega skilin!

Hinn frábæri kennari Þorvaldur Jónsson fékk Íslensku menntaverðlaunin í dag fyrir merkt ævistarf. Þorvaldur sem lengst var myndamennta- og skriftarkennari við Réttarholtsskóla hefur alla tíð verið frábær kennari og haft mikil og góð áhrif á nemendur sína.

Ég er svo heppinn að hafa bæði verið nemandi Þorvaldar og kennt með honum sem forfallakennari í Réttarholtsskóla. Þá hefur Þorvaldur kennt yngri systkynum mínum og eldri dóttur minni svo ég veit vel um hvað ég tala.

Ég leyfi mér að birta umsögn dómnefndar Íslensku menntaverðlaunanna um Þorvald:

Þorvaldur Jónasson er fæddur í Ólafsvík 10. apríl 1942. Hann lauk kennaraprófi frá KÍ1964 og hóf það sama ár störf sem myndmennta- og skriftarkennari við Réttarholtsskóla íReykjavík og starfaði þar allar götur til ársins 2008, að undanskildu skólaárinu 1976-77 þegarhann stundaði nám við Statens Lærarhögskole og Kunst- og håndverksskolen í Osló.

Um árabil var Þorvaldur stundakennari við KÍ (síðar KHÍ) og leiðbeindi þar ófáum íslenskum kennaraefnum um skriftarkennslu. Auk þess hefur Þorvaldur sinntfullorðinsfræðslu um árabil, m.a. á vegum Námsflokka Hafnarfjarðar og Tómstundaskólans í Reykjavík.

Þorvaldur hefur alla tíð haft einkar skýra sýn á kennslu sína, markmið hennar og innihald og verið fundvís á leiðir til að vekja áhuga og metnað nemenda og skapa andrúmsloft vinnusemi, vandvirkni og glaðværðar. Hann hefur haldið á loft gildum klassískra og agaðra vinnubragða en jafnframt verið laginn við að ýta undir sköpunargleði nemenda og nýta sér strauma í unglingamenningu hvers tíma kennslu sinni til framdráttar. Margir nemenda hans fóru í framhaldsnám í myndlist að hans hvatningu og með hans stuðningi.

Þorvaldur var einnig umsjónarkennari og var sérstaklega laginn við að vinna með nemendum sem þurftu á sértækum stuðningi að halda. Hann lagði rækt við að kynna nemendum sínum lífið utan skólans, fara á söfn og í hverskonar kynnisferðir og fyrir allnokkrum árum hafði Þorvaldur forgöngu um það ásamt fleirum að Réttarholtsskóli hóf markvissa kennslu fyrir 10. bekkinga um ýmis þjóðfélagsmálefni líðandi stundar; stjórnmál, vinnumarkaðsmál, fjármál, menningu og listir. Þessi kennsla má með nokkrum sanni heita forveri þess sem nú er kennt við lífsleikni og ákvæði eru um í aðalnámskrá grunnskóla.

Þorvaldur hefur alla tíð lagt sig fram um að skapa persónuleg tengsl við nemendur og verið einkar laginn við að laða fram það besta í hverjum og einum. Umhyggju Þorvaldar og virðingu fyrir nemendum og velferð þeirra er við brugðið. Í frásögur er fært hversu minnugur hann er á gamla nemendur sína og áhugasamur um að fylgjast með gengi þeirra og halda við þá tengslum.

Kennsla Þorvaldar hefur einkennst af mannrækt í víðasta skilningi og fullyrða má að uppskera hans hafi verið drjúg á 44 ára kennsluferli.

Þorvaldur Jónasson verðlaunaður fyrir ævistarfið

Breið samstaða um aðildarviðræður að ESB mikilvæg

Breið samstaða um aðildarviðræður að ESB er afar mikilvægg svo tryggt verði að viðræðuferlið verði vandað og besta mögulega niðurstaða verði lögð fyrir þjóðina í þjóðaratkvæðagreiðslu. Það lofar góðu að Össur Skarphéðinsson taki vel í tillögu Framsóknarflokks og Sjálfstæðisflokks um aðferðafræði við undirbúning aðildarumsóknar.

Ég treysti því að þingið nái breiðu samkomulagi um aðferðafræðina - þjóðin á það skilið og þarf á því að halda.

Hægt að ná samstöðu

Viðbótarstund í leikskóla dýrari svo unnt sé að verja grunnþjónustuna

Meirihluti Framsóknarflokks og Sjálfstæðisflokks í borgarstjórn hefur í góðri samvinnu við minnihlutann og ekki síður í góðri samvinnu við ötult starfsfólk Reykjavíkurborgar náð að spara verulega í rekstri borgarinna án þess það hafi skert grunnþjónustu sveitarfélagsins.

Í leikskólamálum er áfram tryggð sú grunnþjónusta sem felst í 8 tíma leikskóladvöl barna án þess að gjaldskrá fyrir 8 tíma dvöl sé hækkuð.  Því miður er ekki lengur svigrúm til þess að greiða niður viðbótarstund við 8 tíma leikskóladvöl á sama hátt og áður. Þetta þýðir hækkun greiðslu þeirra foreldara sem nýta sér viðbótarstund á leikskóla umfram 8 stunda grunnþjónustuna.

Þessi ákvörðun er afar erfið. En valið stóð á milli þess að tryggja áfram óbreytta gjaldskrá fyrir grunnþjónustuna á leikskólunum sem felst í 8 stunda leikskóladvöl og hækka viðbótarstund í leikskóla - eða að hækka gjaldskrá grunnþjónustunnar.

Því miður er hætt við að víða í opinberum rekstri verði grunnþjónustan ekki varin og gjaldskrár hækkaðar. En meirihluti Framsóknarflokks og Sjálfstæðisflokks mun að sjálfsögðu áfram verja grunnþjónustuna í borginni. Það þýðir þó ekki að meirihlutinn þurfi að taka erfiðar ákvarðanir á ýmsum sviðum sem borgarbúar hafa vanist góðu frá borgarinnar hendi - en telst ekki til grunnþjónustu borgarinnar. Slíkar ákvarðanir eru óhjákvæmilegar.

Mótmælir fyrirhugaðri hækkun leiksskólagjalda

Bjarga bæjarstjóraskipti meirihlutanum í Kópavogi?

Bjarga bæjarstjóraskipti meirihlutanum í Kópavogi?

Að óbreyttu munu Framsóknarmenn að líkindum neyðast til að slíta 19 ára meirihlutasamstarfið við Sjálfstæðisflokkinn í Kópavogi - því þótt einhverjir kunna að komast að þeirri niðurstöðu að bæjarstjórinn hafi ekki brotið lög með milljónagreiðslum Kópavogsbæjar til fyrirtækis dóttur hans  - þá er það greinilegur dómgreindarbrestur, einhverjir myndu segja siðferðisbrestur bæjarstjórans að láta slíkt viðgangast.

Ný Framsókn líður ekki spillingu. Svo einfalt er það. Því bendir allt til meirihlutaslita í Kópavogi - nema Sjálfstæðismenn taki til í sínum ranni og geri annan mann á D-lista - Gunnstein Gunnsteinsson að bæjarstjóra í stað Gunnars Birgissonar - eins og ýjað er að á Eyjunni að sé inn í myndinni.

Með slíkri hrókeringu hafa Framsóknarmenn raunverulegt val í Kópavogi. Val um að halda áfram meirihlutasamstarfi við Sjálfstæðisflokkinn fram að kosningum - enda ekki æskilegt að vera að róta með meirihluta síðustu mánuðina fyrir kosningar - eða val um að hætta samstarfi við Sjálfstæðisflokkinn vegna dómgreindarbrests núverandi bæjarstjóra þrátt fyrir að hann víki.

Víki bæjarstjórinn ekki - þá hafa Framsóknarmenn í Kópavogi ekkert val. Þeir verða að slíta samstarfinu við Sjálfstæðisflokkinn - því Framsóknarmenn geta ekki liðið svo víðtækt dómgreindarleysi bæjarstjórans - hvað þá ef um siðferðisbrest er að ræða.

Reyndar ákváðu Framsóknarmenn í Kópavogi að láta Gunnar Birgisson njóta vafans og bíða niðurstöðu úttektar endurskoðenda bæjarins. Það var drengilegt á þeim tíma - en skiptir ekki öllu máli lengur. Dómgreindarleysið blasir svo við.

Reyndar eru endurskoðendur Kópavogsbæjar í ákveðnum vanda - því eftir því sem ég kemst næst þá er annar aðalendurskoðandi bæjarins fyrrum bókari Klæðningar. Ef svo er þá skiptir ekki máli hversu vönduð og góð úttekt þeirra verður - andstæðingar bæjarstjórans geta alltaf véfengt niðurstöðuna þótt það sé algjörlega að ósekju.

Mér finnst reyndar að ef þetta er rétt - þá eigi viðkomandi aðili að segja sig frá málinu vegna vanhæfis. Það væri heiðarlegast bæði gagnvart sjálfum sér og bæjarstjóranum.

Fastgengi í 170 áhugaverð hugmynd - ef hún gengur

Fastengi krónunnar í gegnisvísitölu 170 er áhugaverð hugmynd - en gengur hún í raunveruleikanum? Hvernig ætla menn að halda genginu föstu á þessu gengi? Hvað mun það kosta Seðlabankann? Erum við að tala um gengishöft til margra ára - þar sem opinbera gengið á Íslandi er gengisvísitala 170 - en gengið erlendis 300?

Margar spurningar sem þarf að svara - en hugmyndin áhugaverð.

Annars er einfaldast að ganga í Evrópusambandið náist ásættanlegir samningar og fá evrópska seðlabankann til að verja gengið - og taka upp evruna í kjölfarið!

... og víst er hægt að gera það á skömmum tíma!

Festa gengið í 160 - 170