Bætir þingið gölluð frumvörp?

Það verður spennandi að sjá hvort Alþingi bætir úr ágöllum sem eru á frumvarpi um Seðlabankann og frumvarpi um greiðsluaðlögun. Ég hef reyndar trú á að það munui gerst og að Alþingi afgreiði vönduð lög um hvorutveggja.

Ágallar á Seðlabankafrumvarpinu eru augljósir eins og athugasemdir Alþjóða gjaldeyrissjóðinn - og Framsóknarmanna - sýna berlega.  Úr þeim ágöllum er verið að vinna í góðri samvinnu fulltrúa minnihlutastjórnarinnar og allavega Framsóknarflokksins.

Ágallar á lögum um greiðsluaðlögun eru þeir að ákvæði laganna gera ekki ráð fyrir að undir þau falli veðlán hjá fjármálastofnunum öðrum en þeim sem eru í ríkiseigu.  Þessu ber að breyta.

Vænti þess að þingið geri einnig nauðsynlegar bætur á greiðsuaðlögunarfrumvarpinu og afgreiði vönduð lög um þetta mikilvæga málefni.

Athugasemdir

[Alma Jenny Guðmundsdóttir, 16.2.2009 kl. 15:15]

Hallur - hafðu þakkir fyrir þessi skrif.

En í guðanna bænum leiðbeindu hinum nýja framsóknar-þingmanni Eyglóu Harðardóttur í miðlun þingmanna á störfum sínum á löggjafarþinginu til okkar sem eru vinnuveitendur hennar.

Skömm sé þeirri konu fyrir hsandkassaskrif hennar á blogg-síðu hennar. Hún hlýtur að skemma fyrir framsóknarflokknum í heild sinni.

[Arnar (IP-tala skráð) 17.2.2009 kl. 10:57]

Innan um skammirnar í umsögn Seðlabankans má enn sjá glitta í efnislegar athugasemdir sérfræðinga bankans. Séu þær dregnar fram kemur í ljós að þær er einnig þær sömu og fram komu í umræðunum í þinginu og athugasemdum Alþjóðagjaldeyrissjóðsins. Það ætti að einfalda mjög verkefni viðskiptanefndar svo það er vandséð af hverju hún ætti ekki að klára málið. Sú reiðibylgja sem reis í bloggheimum gegn Sigmundi Davíð og framsóknarmönnum þegar menn héldu að flokkurinn ætlaði að stöðva eða tefja málið og slá skjaldborg um óbreytt ástand held ég að hafi verið alveg ótímabær.