Grímulaus mótmæli!

Það er mikill hiti í miðbænum og fjöldi fólks að mótmæla.  Ég tek ofan fyrir því fólki sem þarna stendur - grímulaust - og mótmælir undir nafni og kennitölu!

Sem betur fer fer grímuglæddum fækkandi!

Grímulaus mótmæli eru miklu árangursríkari og kröftugri. Svo einfalt er það.

Vonandi missa menn ekki stjórn á sér og leiðast út í ofbeldi. Enginn.

Enn mótmælt við þinghúsið

Athugasemdir

[Jón Grétar (IP-tala skráð) 20.1.2009 kl. 20:19]

Reyndar skipta grímur mig nákvæmlega engu máli. Fólkið hefur bara sína ástæðu fyrir því og ég hef enga minni virðingu fyrir fólki hvort sem það birtir kennitölu sína eða ekki. Ég veit ekkert meira um þig þó ég viti að þú heitir Hallur Magnússon eða þó ég sjái andlit þitt hér. Skoðunin skiptir máli hvort sem er.

Ég spyr yfirleitt ekki fólk sem ég ræði við á bar eða útá götu um fullt nafn og kennitölu. Ég veit ekki kennitölu neinna minna vina og virði þá ekkert minna né mundi ég virða þá minna þó ég sæji ekki þeirra andlit.

Þess vegna hef ég leið á fólki hér á blogginu sem eyða commentum þeirra sem birta ekki fullt nafn. Það er ekki eins og það viti eitthvað minna um fólkið.

[corvus corax, 20.1.2009 kl. 20:37]

Grímur og dulnefni skipta engu máli! Á bak við hvortveggja er persóna sem hefur jafnmikinn rétt á að tjá sig og allir hinir.

Virðingarfyllst,
Hrafn Hrafnsson eða Krummi Krummason eða corvus corax

[Þorsteinn Sch Thorsteinsson (IP-tala skráð) 21.1.2009 kl. 01:21]

Hallur: "Ég tek ofan fyrir því fólki sem þarna stendur - grímulaust - og mótmælir undir nafni og kennitölu!"

Hvað er nú þetta hjá þér Hallur?

En ég (ÞST) tek ofan fyrir lögreglu sem notar ekki gas og kylfur af óþörfu, og mér finnst það mjög skynsamlegt að nota grímur og gleraugu þar sem lögreglan virtist oft missa vitið algjörlega.

Já Björn þetta er bara byrjunin, þetta alls staðar eins eða í þeim löndum sem eru undir IMF.  HUMM já í Brasilíu, Tansaníu, Rúanda og fleiri löndum

[Guðrún Jónsdóttir, 21.1.2009 kl. 08:16]

Ég hef alltaf verið á móti því að taka þetta stóra lán. Það er í lagi að mótmæla en ofbeldi á aldrei rétt á sér hvort sem það er almennur borgari eða yfirvald nema í algerri neyð.