... fyrr en eftir landsfund!

Engar ráðherrabreytingar fyrirhugaðar...

... fyrr en eftir landsfund!

Enda verða menn að fá að takast á og fá stuðningsmælingu fyrst!

Breytt ríkisstjórn í febrúar - það er nokkuð klárt!

Geir: Engar ráðherrabreytingar fyrirhugaðar

Athugasemdir

[Óskar Þorkelsson, 22.12.2008 kl. 20:01]

ég sem hélt að það væri núna um áramót.. jæja.. góðir hlutir gerast hægt segir einhver.. 

[Óðinn Þórisson, 22.12.2008 kl. 21:20]

Forvitnilegt að fylgjast með því hvort sf geri einhverjar breytar um áramótin - meiri þörf fyrir Ingibjörgu að stokka upp hjá sér

[Árni Gunnarsson, 22.12.2008 kl. 21:42]

Breytingar í ráðuneyti Geirs og Ingibjargar skipta nákvæmlega engu máli þegar um trúnað milli ríkisstjórnar og þjóðar er að ræða. Þegar á fyrsta degi eftir hrunið mikla varð þjóðinni ljóst að ríkisstjórnin hafði brugðist þeirri meginskyldu að gæta öryggis borgaranna og hún hafði skellt skollaeyrum við fjölmörgum og mjög alvarlegum aðvörunum um að þjóðarhrun gæti verið yfirvofandi. Þjóðinni var- og er ennþá í fersku minni hrokafull viðbrögð ráðherra og skyldugra eftirlitsaðilja, hæðnishlátra og afneitanir. Þjóðin man jafnvel frá orði til orðs margt af þessu. Og við munum enn landsföðurlegan gáfusvip Geirs og Ingibjargar þegar þau bulluðu eins og óvitar um hrunið "sem enginn gat séð fyrir!" Svo heldur þetta veruleikafirrta fólk að með því að fórna einhverjum aukapersónum og setja inn ný andlit nái þessi ríkisstjórn trausti þjóðarinnar!

Er ekki kominn tími til að þetta dauðadrukkna fólk leggist inn á Vog og láti renna almennilega af sér?

Ég hef tvö ár yfir sjötugt og ég hef fylgst með stjórnmálum frá því ég var innan við fermingu. Ég lýsi því yfir af fullri einlægni að ég hef aldrei- nákvæmlega aldrei á minni ævi orðið vitni að öðru eins hörmungarástandi í tilliti almennra vitsmuna og ábyrgðartilfinningar hjá stjórnvöldum og í tíð núverandi ríkisstjórnar enda má það öllum vera vel skiljanlegt sem búa að þokkalegu pólitísku heilsufari. Og ég get líka upplýst að fyrri ríkisstjórnir sem Sjálfstæðisflokkur og Framsóknarflokkur skipuðu voru þær sem næst komust í þessum samanburði. Ég hefði engum þeim manni trúað sem spáð hefði því að það met í pólitískum hroka yrði slegið, og jafnframt póitiskum aulahætti sem þá var boðið upp á.

Minni að endingu á nýleg orð danska bankamannsins um hvernig spár hans um afdrif íslenska fjármáladjöfulgangsins. Og hann botnaði með þeirri athyglisverðu ályktun að enginn hefði verið látinn fjúka og enginn sagt af sér!   

[Guðbjörn Guðbjörnsson, 22.12.2008 kl. 22:02]

Óskar Þorkelsson:

Hvaða góðir hlutir eru að gerast þessa dagana? 

Árni Gunnarsson:

Sammála fyrstu níu línum þinnar athugsemdar og síðustu þremur.