Ánægjulegt skref fyrir áfengis og vímuefnaneytendur í bata!

Það var einstaklega ánægjulegt skref sem stigið var í dag þar sem Velferðarsvið og SÁÁ staðfestu formlega samstarf um búsetuúrræði með félagslegum stuðningi fyrir áfengis- og vímuefnaneytendur í bata.

SÁÁ mun tryggja með fjárframlagi Reykjavíkurborgar búsetuúrræði með félagslegum stuðningi fyrir allt að 20 einstaklingum sem hætt hafa neyslu áfengis- eða vímuefna en þurfa á umtalsverðum stuðningi að halda til að ná tökum á lífi sínu. Sérstök áhersla verður lögð á hæfingu þessa fólks með það að markmiði að þeir sem fá þennan stuðning geti í framhaldinu búið sjálfstætt og tekið virkan þátt í samfélaginu án vímugjafa. 

Ég er stoltur af mínu framlagi að framgangi þessa verkefnis sem varaformaður Velferðaráðs og bind miklar vonir við að hin mikla reynsla og hæfni starfsfólks SÁÁ muni verða til þess að búsetuúrræðið og hæfingin verði til þess að bæta líf fjölmargra sem lent hafa vímuefnavandans en vilja byggja upp nýtt og farsælt edrú líf.

Samið við SÁÁ um búsetuúrræði

Athugasemdir

[Einar Sigurbergur Arason, 11.12.2008 kl. 03:53]

Til hamingju með það!