Baldur Guðlaugsson á að taka sér leyfi frá störfum!

Baldur Guðlaugsson ráðuneytisstjóri fjármálaráðuneytisins liggur undir grun um að hafa misnotað aðstöðu sína sem innherji þegar hann seldi hlutabréf sín í Landsbankanum í kjölfar fundar sem hann sat með viðskiptamálaráðherra Breta um vanda Landsbankans.

Ég geri ráð fyrir því að á þeim fundi hafi ekki komið fram upplýsingar um Landsbankann sem Baldur hafi misnotað og brotið þannig lög um innherjaviðskipti. Enda væri slíkt grafalvarlegt hjá ráðuneytisstjóra fjármálaráðuneytisins.

Ég geri einnig ráð fyrir að Baldur hafi ekki fengið upplýsingar um erfiða stöðu bankanna frá Davíð Oddssyni félaga sínum, en eins og Davíð skýrði frá í gær vissi hann allt um erfiða stöðu bankanna allt frá því í febrúar á síðasta ári og segist haf sagt ríkisstjórninni frá því.

Reyndar ef rétt er hjá Davíð þá eru líkur á því að fjármálaráðherra og ráðuneytisstjóri fjármálaráðuneytisins hafi vitað af því. 

En hvernig sem málið er vaxið - þá á Baldur Guðlaugsson að taka sér leyfi frá störfum meðan Fjármálaeftirlitið kannar hvort ásakanir á honum eru réttar. Annað er ótrúðverðugt og slíkur ótrúverðugleiki í fjármálaráðuneytinu er ekki það sem við þurfum við núverandi aðstæður.

Ráðuneytisstjóri hugsanlega innherji

Athugasemdir

[Hörður (IP-tala skráð) 19.11.2008 kl. 10:30]

    Ja launalaust.

[Hallur Magnússon, 19.11.2008 kl. 10:44]

Hörður.

Baldur á að sjálfsögðu að halda launum þegar hann tekur sér leyfi. Ég geng út frá því að heiðursmaður eins og Baldur brjóti ekki vísivitandi lög um innherjaviðskipti. En þótt svo væri - þá væri hann saklaus þar til sekt sannast.    Ef Baldur hefur brotið lög - þá tekur hann út refsingu þegar þar að kemur. En ef ekki - þá er óverjandi að hann fái ekki greidd laun sín á  meðan rannsókn fer fram. 

En Baldur á að sjáflsögðu - eðli málsins vegna - að taka sér frí þar til botn er kominn í málið og hann hefur verið hreinsaður af þessum grunsemdum.

[Birna Dis Vilbertsdóttir (IP-tala skráð) 19.11.2008 kl. 11:54]

Auðvitað og svo eiga x stjórar bankana ekki að vinna þarna á ofurlaunum áfram.Er verið að verðlauna þá fyrir að koma okkur á hausinn?Og þeir stjórnmálamenn sem hvöttu til sölu bankana,þeir ættu að axla ábyrgð og fara í LAUNALAUST FRÍ.

[Guðrún Vestfirðingur (IP-tala skráð) 19.11.2008 kl. 14:07]

Þetta er allt að verða svoddan sorgarsaga, maður er hættur að trúa einum né neinum og svo er allt að verða vitlaust í flokkunum sjálfum og þar af einn  í dauðateygjunum. Næst ætti að kjósa menn en ekki flokka

[Nína S (IP-tala skráð) 19.11.2008 kl. 16:25]

Það bendir allt til þess að maðurinn hafi notfært sér innherjaupplýsingar og ef hann hefur ekki döngun í sér til að segja af sér, þá er lítið vit í því að "senda" hann í launaleyfi, þ.e. pakka honum inní bómull, þá er betra að láta manninn bara sitja þar til mál hans hefur verið rannsakað. Hann er í annarri stöðu en venjulegt launafólk, því er bara sagt upp hér og nú. Þannig er það nú hér á landi, hversu óréttlátt sem það er.

[Gunn (IP-tala skráð) 19.11.2008 kl. 16:59]

heyr heyr,  þetta er eitt af mörgum dæmum en maðurinn er ráðuneytisstjóri og eftir höfðinu dansa limirnir. Spillingin startar á toppnum.  Gefum honum rauða spjaldið.