Ríkisstjórnarflokkabankar frekar en ríkisbankar?

Mér virðist allt stefna í að bankarnir verði ríkisstjórnarflokkabankar frekar en ríkisbankar! Á tímabili stefndi í að aðstoðarmenn ráðherra bæði Samfylkingar og Sjálfstæðisflokks yrðu lykilmenn í stjórnum hinna nýju banka.

Jón Þór Sturluson hafði hins vegar vit á að ganga úr skaftinu á síðustu stundu!

Þóra er formaður Nýs Glitnis

Athugasemdir

[Þórbergur Torfason, 12.10.2008 kl. 21:24]

Þetta er gamalkunnugt mynstur. Við þetta höfum við búið undanfarna tæpa tvo áratugi Hallur.

[Hallur Magnússon, 12.10.2008 kl. 21:31]

Hélt menn hefðu lært!

[Jón Ingi Cæsarsson, 12.10.2008 kl. 21:34]

Mér finnast þessar athugsemdir þínar "Hall"ærisilegar.  Ríkisstjórn er að skipa bráðabirgðastjórnir til að bjarga málum... þú ert að verða svo leiðinlega vinstri grænn   Kannski verður þú bara í einhverri þeirra nýju stjórna sem taka við bönkunum í vikunni..þessar sem núna starfa verða aðeins í nokkra daga.

[Rauða Ljónið, 12.10.2008 kl. 21:41]

Sæll.  Hallur það er horfið aftur til fortíðar,  en sumir eru skinsamari en aðrir,  ég á til dæmis bæði flokkskírteinin en orðin gömul en duga samt í þessa banka, nú er bara að slá á þráðinn til mín vanti þig fyrirgreiðslu.

Kv. Sigurjón Vigfússon

[Guðmundur Ásgeirsson, 13.10.2008 kl. 01:41]

Þetta er hraðbyri að þróast út í einhverskonar fasisma, þar sem ríkisvaldið og atvinnulífið renna saman í eitt. Hjálp! Hjálp! Þetta boðar ekkert gott.

[Guðmundur Ásgeirsson, 13.10.2008 kl. 01:44]

Nýji Landsbanki, Nýji Glitnir..... NýFasismi!

P.S. Á morgun ætla ég að verða skuldlaus, þegar ég stofna nýja kennitölu á nafninu Nýji Guðmundur.

[Kristbjörg Þórisdóttir, 13.10.2008 kl. 06:06]

Sammála þér Hallur.

Þetta er ekki góð byrjun. Vonandi endurskoða menn þetta þegar ráðið verður endanlega og farið eftir fagþekkingu, reynslu og hæfni umsækjenda alveg óháð flokkslínum eða kyni. Þjóðin á það inni að fá hæfasta fólkið þarna inn og nóg er nú til af hæfu fólki hér á landi. Þetta er nýtt tækifæri sem ekki má klúðra.

[Hallur Magnússon, 13.10.2008 kl. 07:43]

Jón Ingi.

Ég hef ekki áður verið kenndur við VG! Hins vegar margoft við Sjálfstæðisflokkinn - reyndar ekki undanfarna daga enda gagnrýni mín á þann flokk verið áberandi - og enn oftar við Samfylkinguna!  Ég á bara eftira ð vera tengdur við Frjálslyndaflokkinn hér á blogginu!!!  Er náttúrlega flokksbundinn Framsóknarmaður eins og þú veist,

En það er hins vegar áberandi hvað Samfylkingin er viðkvæm fyrir því þegar bent er á hvernig þau annars ágætu reglhlífasamtök hafa á stuttum tíma gengið langt í að koma flokksgæðingum sínum fyrir í kerfinu hér og þar - með skipulagsbreytingum og jafnvel nýjum nöfnum á oðinber ráð - bara til þess að koma sínum fyrir. Enda er Samfylkingin arftaki Alþýðuflokksins sem var duglegur í slíku á sinni tíð.

Þjóðsagan segir að Framsóknarflokkurinn hafi verið svona - en ljóst að sá flokkur fellur illilega í skuggann af Samfylkingu og Sjálfstæðisflokk hvað þetta varðar - enda var Framsóknarflokkurinn duglegastur í að skipa annarra flokka kvikindi í stóla og stöður - þar til Valgerður tók fyrir pólitískar veitingar í utanríkisþjónustunni - sem Ingibjörg Sólrún tók reyndar upp aftur! (Sighvatur Björgvinsson, Svavar Gestsson, Guðmundur Árna Stefánsson, Þorstein Pálsson og fleiri og fleiri og fleiri!)

Það hefur nefnilega komið á daginn að Samfylking er fylking um stóla - ráðherrastóla og opinberar stöður. Enda lítið orðið um ýmis stefnumál - vegna ástar á ráðherrastólum.