Fjármálaráðuneytið spáir verðleiðréttingu í stað hruns Seðlabankans!

Spá Fjármálaráðuneytisins um lækkun fasteignaverðs er að mínu mati nærri lagi en spá Seðlabankans sem telur að raunlækkun húsnæðisverðs verði 30% á þessu tímabili, en ekki 15% eins og Fjármálaráðuneytið telur.

Seðlabankinn virðist gera ráð fyrir óðaverðbólgu og að hvorki bankinn né stjórnvöld geti haft neina stjórn á efnahafslífinu. Vonandi er það ekki svo.

Einn þáttur sem ekki er tekið tillit til í spám um þróun húsnæðisverð er sú staðreynd að lánaþurrð verður ekki alger á fasteignamarkaði - almenningi mun að öllum líkindum standa til boða evrulán erlendra fjármálastofnanna á þokkalegum kjörum - og að þrátt fyrir harða andstöðu bankakerfisins og einstakra stjórnmálamanna gegn Íbúðalánasjóði - þá verður sjóðnum varla lokað í ástandi sem þessu.

Reyndar ættu stjórnvöld að beita Íbúðalánasjóði til að ná mjúkri lendingu í efnahagslífið - og skera banka og heimili úr gálga hinna óheftu fasteignatryggðu lána bankanna, sbr. bloggið mitt:

Íbúðalánasjóður bjargvættur heimila og bankakerfis?

Spá 15% lækkun fasteignaverðs

Athugasemdir

[Sigurður Árnason, 15.4.2008 kl. 11:21]

Ég hef skilið það eins og fleiri að Seðlabankinn geri ráð fyrir atvinnuleysi og auknum greiðsluerfiðleikum til að ná niður fasteignaverði.

[Eysteinn Jónsson (IP-tala skráð) 15.4.2008 kl. 11:23]

Ég er hjartanlega sammála þér, hlustaði á þig í útvarpinu í morgun, þetta er hárrétt hjá þér !

Hvernig fer fólk að því að fá erlend lán hjá erlendum fjármálastofnunum ?

[Gísli Baldvinsson (IP-tala skráð) 15.4.2008 kl. 11:48]

Það sem er slæmt við svona meðaltalstölur að þær eiga illa við hér á Akureyri.

[Stefán (IP-tala skráð) 15.4.2008 kl. 12:36]

Miðað við það hve ört fasteinaverð lækkar núna í nágrannalöndum okkar og miðað við spár um gífurlegt atvinnuleysi framundan hér, þá fyndist mér 30 % fasteignaverðslækkun hér alls ekki fjarri lagi.

[Baldvin Jónsson, 15.4.2008 kl. 14:12]

Hallur, hvar getur almúganum staðið til boða erlend lántaka?

Veit sem er að bankarnir lána ekki krónu, evru né sent í erlendu þessa dagana, væri hins vegar meira en til í að endurfjármagna núna í erlent.

[Hallur Magnússon, 15.4.2008 kl. 14:24]

... almenningi mun að öllum líkindum standa til boða evrulán erlendra fjármálastofnanna á þokkalegum kjörum!

Í síðustu viku boðaði Alianz slík lán - og ég veit til þess að fleiri aðiljar hafa verið að skoða málin. Við verðum bara að bíða og sjá!

[Johnny Bravo, 15.4.2008 kl. 15:55]

15% raun lækkun er reyndar spá um hækkun miðað við yfir 15% verðbólgu á þessum 30 mánuðum.

[Óskar Þorkelsson, 15.4.2008 kl. 17:27]

þú varst góður á bylgjunni í morgunn :) en mikið er ég hræddur um að ég lendu utanveltu í þessu íbúðabrölti.. fæ ekki lán til íbúðarkaupa svo mér sýnist vegurinn til evrópu sé æ meir freistandi fyrir mig... 3 ár á klakanum hefur fært mig nokkur ár tilbaka.

[Gunn (IP-tala skráð) 19.4.2008 kl. 22:04]

Þvílikt bullshit!  Að halda það að einhver erlend lánastofnun með viti kemur og lánar ofurskuldsettum Íslendingum í ofmetinni krónu á ofmetnum fasteignamarkaði, hehe... það má einnig trúa á jólasveinin eða páskahéran...

Markaðsverð ræðst af framboði og eftirspurn en er ekki ákveðið í Seðlabankanum eða  í Fjármálaráðuneytinu.  Verð ræðst af rauntekjum fólks, framboði af lánsfé og vöxtum.  Það er enginn spurning um að markaðsverð húseigna í dag er stórlega ofmetin.  Vextir koma til með að verða geysilega háir og hækka, vegna minnkaðs framboðs af lánsfé.  Kaupgeta almennings kemur til með að verða stórlega skert vegna gengisfalls krónunnar.  Kæmi mér ekki á óvar að fasteignamarkaðurinn myndi falla mikið meira en 30% í raungengi.  Þetta gerðist í Noregi fyrir 20 árum þá féll hann milli 40-60% á 2 árum.

Margir hafa hag af að halda verðinu uppi þar á meðal bankarnir sem hafa veð í þessu.  Við sjáum hvað gerist eftir 2 ár.  Held að spá Seðlabankans sé nær raunveruleikanum.

[Hallur Magnússon, 20.4.2008 kl. 10:57]

Gunn!

Vittu til - það eru erlendir fjármagnseigendur sem eru reiðubúnir að koma á markaðinn - já fleiri en Alianz sem hefur boðað slík lán!