Ósanngjörn gagnrýni á umhverfisráðherra vegna álbræðslu í Helguvík!

Umhverfisráðherra átti engra kosta völ annað en að staðfesta umhverfismat fyrir álver í Helguvík! Það vita allir hver hennar persónulega skoðun er - hún hefði viljað koma í veg fyrir byggingu álvers - en lagalega getur hún það ekki. Því er gagnrýni á hana vegna þessa ósanngjörn!

Nú stefnir allt í álver á Bakka. Umhverfisráðherra og ríkistjórnin verða því að taka afstöðu til þess hvert losunarkvóti okkar á að fara. Helguvík eða Bakka - því núverandi kvóti er ekki nægur. Þá hefur ráðherrann sagt að Ísland eigi ekki sækjast eftir auknum losunarkvóta!

Ég hef ekki legið á þeirri skoðun minni að álver á Bakka eigi að vera í forgangi - frekar en álbræðsla í Helguvík. Bæði vegna byggðarlegra sjónarmiða - en ekki síður vegna þess að álverið á Bakka er að vinna hráefni - á meðan álbræðslan í Helguvík er einungis bræðsla - ekki úrvinnsla áls.

Sjá einnig á eldri bloggum mínum:

Losunarkvótan til álvers á Bakka eða í álbræðslu í Helguvík? 

og

Sópa Suðurnesjamenn nauðsynlegu álveri á Bakka út af borðinu? 

VG harmar ákvörðun umhverfisráðherra

Athugasemdir

[Haraldur Bjarnason, 4.4.2008 kl. 13:29]

Flott....þarna er kominn grundvöllur fyrir nýrri skoðanakönnun, Hallur. - Nú seturðu upp góðan, leiðandi texta og smellir á skoðanakönnun um hvert losunarkvótinn eigi að fara......

[Gísli Baldvinsson (IP-tala skráð) 4.4.2008 kl. 15:28]

Við erum að verða oftar og oftar sammála Hallur! Hvað er á seyði?

[Hallur Magnússon, 4.4.2008 kl. 18:54]

Haraldur!

Ertu nokkuð að missa húmorinn?

Gísli!

Þú ert að breytast í Framsóknarmann!

En án gríns - góða helgi!

[Sigurgeir Jónsson, 5.4.2008 kl. 21:28]

Þú ræður sem betur fer ekki stefnu Framsóknarflokksins Hallur .Hvað þá að þú að ráðir stefnu ríkisstjórnarinnar.Jón Sigurðsson fyrrverandi formaður Framsóknarflokksins sagði á fundi kjördæmissambands Framsóknarflokksins í suðurkjördæmi haustið 2006 að ekkert í lögum gæti stöðvað álver í Helguvík.Enginn í flokknum dró orð hans í efa fyrir kosningarnar 2007.Þar fyrir utan hafa Þingeyingar sagt að þeir séu ekkert á móti álveri í Helguvík.Ég veit heldur ekki um neinn suðurnesjamann sem er á móti álveri á Húsavík,fyrir utan það fólk sem vill ekkert álver.En auðvitað átt þú að halda þig við fleira en húnæðismálin, þótt einhver kvenmaður hafi sagt annað í sjónvarpi fyrir stuttu.