Ánægður með Ólaf Ragnar - fyrst Kristjáns Eldjárn nýtur ekki lengur við!

Hinn eiginlegi forseti Íslands verður ávallt í mínum huga herra Kristján Eldjárn. Á sama hátt og herra Sigurbjörn Einarsson er ávallt í mínum huga biskup Íslands. En ég er ánægður með Ólaf Ragnar sem forseta - fyrst Kristjáns Eldjárn nýtur ekki lengur við.

Ég er líka ánægður með að Ólafur Ragnar haldi áfram sem forseti Íslands - því ég sé engan sem gæti tekið við þessu virðulega embætti og gegnt því með sama sóma og Ólafur Ragnar. Hvað þá eins og Kristján Eldjárn.

Hins vegar væri fróðlegt að vita hverjir voru búnir að setja sig í framboðsstellingarnar...

Býður sig fram til endurkjörs

Athugasemdir

[jon sig (IP-tala skráð) 1.1.2008 kl. 15:58]

Nú Baldur og Ástþór

[Brjánn Guðjónsson, 1.1.2008 kl. 19:00]

Já, Ástþór og Leoncie

[Guðrún Vala Elísdóttir, 2.1.2008 kl. 01:28]

ómögulegt að segja. en fer ekki að koma tími á konu?

[Þorvarður Goði Valdimarsson (IP-tala skráð) 2.1.2008 kl. 10:36]

Ótrúlegt hversu sterka ímynd Kristján Eldjárn hefur haft í gegnum árin og aldirnar. Ég var bara polli þegar hann var forseti, en einhvern veginn situr hann í höfði mínu sem forseti Íslands. Vigdís var líka mikill brautryðjandi og kom Íslandi á kortið í útlöndum svo um munaði. Ég man þegar Ólafur bauð sig fyrst fram þá voru skoðanir mínar á honum ansi litaðar af fávisku minni í pólitík og hann settur í samband við hitt liðið.

Síðan hefur hann hreinlega blómstrað í hlutverki forseta og landi og þjóð til mikils sóma.

Fer ekki að koma tími á konu? Ég vil sjá Svandísi Svavarsdótttur sem forseta eftir 30 ár, hún á heilmikið eftir í pólitík og verður örugglega fín sem forseti á seinni árum. Þannig að mín vegna er hægt að hinkra eftir henni.

[Markús frá Djúpalæk, 2.1.2008 kl. 20:36]

Við erum greinilega af sömu kynslóð, Kristján Eldjárn er forsetinn og Hr. Sigurbjörn Einarsson biskupinn. Enginn hefur komist með tærnar þar sem þeir höfðu hælana. Mikið hefur þó verið reynt til þess.