Óskar Bergsson og Ólafur F. Magnússon sammála um opnun bókhalds borgarfulltrúa!

Borgarfulltrúarnir Óskar Bergsson og Ólafur Friðrik Magnússon eru sammála um að allir borgarfulltrúar upplýsi um öll fjárframlög sem þeir hefðu þegið frá fyrirtækjum og hagsmunatengdum aðilum fyrir síðustu borgarstjórnarkosningar.

Þetta kom fram á fundi borgarráðs í dag þar sem Óskar Bergsson lýsti sig sammála tillögu Ólafs Friðriks sem lögð var fyrir borgarráð og hljóðar svo:

"Borgarráð telur brýna nauðsyn bera til þess að upplýst verði um öll fjárframlög til félaga og einstaklinga innan þeirra framboða sem fengu háa fjárstyrki frá fyrirtækjum og hagsmunatengdum aðilum fyrir síðustu borgarstjórnarkosningar. Borgarráð samþykkir því að beina þeim eindregnu tilmælum til frambjóðenda í prófkjörum fyrir síðustu borgarstjórnarkosningar að þeir opni bókhald sitt þegar í stað."

Tillögunni var vísað til forsætisnefndar.

Það verður athyglisvert að sjá hvort Óskar og Ólafur Friðrik séu einu borgarfulltrúarnir sem telja að allir borgarfulltrúar skuli upplýsa um stuðning sem þeir fengu vegna framboða sinna - eða hvort aðrir borgarfulltrúar séu þeim sammála.

Eðlilega blaðamennska væri að spyrja oddvita allra flokkanna í borgarstjórn um afstöðu þeirra til þessarar tillögu.

Vonandi munu þeir félagarnir ná fram þessari tillögu þannig við fáum upp á borðið þessar upplýsingar frá ÖLLUM borgarfulltrúum.

Sjálfstæðisflokkurinn óttast fólkið í landinu

Ótti Sjálfstæðismanna við vilja fólksins í landinu er brjóstumkennanlegur. Að venju stendur flokkurinn í vegi fyrir því að gerðar verði breytingar á stjórnarskrá sem miða að auknu vægi almennings. Sjálfstæðisflokkurinn vill tryggja að flokkurinn geti tryggt hagsmuni sína - haft vit fyrir þjóðinni.

Það sama má reyndar segja um stóran hluta Samfylkingar og embættismannakerfið.  Á þeim bæjum falla nú krókódílatár yfir því að ákvæði um að þjóðin setji sér stjórnskipan framtíðarinnar sjálf - án atbeina stjórnmálamanna og embættismannakerfisins - sé úr sögunni.

Þarna nær Samfylkingin, Sjálfstæðisflokkurinn og embættismannakerfið saman um að treysta fólkinu ekki fyrir að velja sjálft framtíð sína á lýðræðislegan hátt - nei embættismannakerfið, Samfylkingin og Sjálfstæðisflokkurinn vilja geta "lagað" það sem fólkinu í landinu leggur til að verði framtíðarstjórnskipan gegnum vinnu stjórnlagaþings fólkins.´

Það verður spennandi að sjá hvort Sjálfstæðisflokkurinn mun einnig koma í veg fyrir ákvæði um að í stjórnarskrá verði tryggt að auðlindir Íslands verði í eigu og á forræði þjóðarinna - á sama hátt og Samfylkingin kom í veg fyrir þá tillögur Framsóknarflokksins fyrir síðustu kosningar!

Stjórnarskráin áfram á dagskrá

Brauðmolum kastað til lýðsins!

Umfjöllun um fjármál stjórnmálaflokkanna og greining á því hverjir styrktu þá á árinu 2006 var tímabær og gott að stjórmálaflokkarnir upplýstu hverjir hafa styrkt þá. Óhóflegir styrkir til Sjálfstæðisflokks vekja vissulega athygli þótt þær upplýsingar ættu ekki að koma neinum á óvart. Það kom mér hins vegar á óvart hvað fáir og tiltölulega lágir styrkir voru til Samfylkingar, Framsóknar og VG á árinu 2006.

Þetta er komið upp á borðið og tími kominn til að taka stöðuna í dag og horfa til framtíðar.

Það er gott að byrja leiðangur til framtíðar með því að lesa páskadagsyfirlýsingu Hagsmunasamtaka Heimilanna:

Brauðmolum kastað til lýðsins

• Samkomulagi án aðkomu lántakenda er stríðsyfirlýsing
• Krafa um sanngjarna skiptingu byrða
• Vörn fyrir öll sparnaðarform, ekki bara sum
• Mesta eignaupptaka sögunnar í sjónmáli
• Lýst eftir betri lánakjörum ekki lengingu á því sama
• Bankakerfið fellur, ef gjaldþrotaleiðin verður farin

Hagsmunasamtök heimilanna mótmæla harðlega þeirri ákvörðun stjórnvalda og fjármálafyrirtækja að sniðganga með öllu sanngjarnar og hóflegar tillögur samtakanna um leiðréttingu gengis- og verðtryggðra fasteignalána.  Að sama skapi mótmæla samtökin þeim ólýðræðislegu vinnubrögðum sem liggja til grundvallar samkomulagi stjórnvalda og fjármálafyrirtækja. 

Sjá nánar: „Það glittir bara í löngutöng“

 

Fengu meiri styrki árið 2006

Útreið Framsóknarflokksins í Reykjavík!

Frambjóðendur Framsóknarflokksins í Reykjavík fóru í útreið í góða veðrinu í dag. Það var riðið úr Víðidalnum austur fyrir Elliðavatn þar sem var áð, sungið og pylsur grillaðar! Það var glæsilegur Framsóknarhópur á ferð sem vakti athygli. Fjöldi hestamanna sem áttu leið hjá stigu að baki, fengu sér pylsu og ræddu stjórnmálin.

Þótt þar hafi verið fólk sem áður hefur kosið aðra flokka en Framsókn - þá var ljóst að málflutningur Framsókanrmanna átti greiða leið að hjörtum þeirra felstra - og allar líkur á að Framsóknarflokkurinn fái atkvæði frá sumum þeirra hestamanna sem ekki hafa kosið flokkinn áður.

Enda skilja þeir þörfina á að hafa Framsóknarflokkinn með í ríkisstjórn til að tryggja jarðsamband.

Myndband af útreiðatúrnum er að finna hér.

Ekki mistök að verja stjórnina falli

Þögn Moggans um 30 milljóna styrk FL til Sjálfstæðisflokks einkennandi!

Þögn Moggans um afar vafasaman 30 milljón króna styrk Fl Group til Sjálfstæðisflokksins er einkennandi. Ljóst að Mogginn reynir að þegja skandala Sjálfstæðisflokksins í hel.

Sama má segja um framgöngu Ríkissjónvarpsins - sem reyndi í niðurlagi fréttatímans að draga úr áhrifum þessa hneykslis Sjálfstæðismanna með því að nota ekki eðlilega fyrirsögn um máið eins og td: "FL Group gaf Sjálstæðisflokknum 30 milljónir" en segja þess í stað til að dempa áhrifin á þessu hneyksli:  "Illugi Gunnarsson kannast ekki við 30 milljón króna styrk til Sjálfstæðisflokksins"

En sem betur fer varð fyrri fyrirsögnin á vef RÚV.

Á visir.is má lesa eftirfarandi frétt um málið:

"FL Group styrkti Sjálfstæðisflokkinn um þrjátíu milljónir króna aðeins nokkrum dögum áður en lögum var breytt um hámarksframlög til stjórnmálaflokka. Skattrannsóknarstjóri hefur reikning um þennan styrk meðal annars til rannsóknar."

Einnig viðbrögð Sigurðar Líndal við fréttinni:

„Það er siðferðislega ámælisvert að hagnýta sér lög sem maður sjálfur átti þátt í að samþykkja, þó þau hafi ekki formlega tekið gildi," segir Sigurður Líndal, lagaprófessor við frétt Stöðvar 2 þar sem sagt var frá því að FL Group styrkti Sjálfstæðisflokkinn um 30 milljónir þann 29. desember 2006, aðeins þremur dögum áður en lög um hámarksstyrki til stjórnmálaflokka tóku gildi.

Sigurður segir að lögin hafi verið sett til þess að tryggja heilbrigða stjórnarhætti og þykir það undarlegt að flokkurinn hafi tekið við fjárframlaginu..."

Já, það er ekki sama Jón og séra Jón!

 

 

Aðgerðir miða við minni þörf

Samfylkingarmaðurinn Gordon Brown hunsar Íslendinga

Samfylkingarmaðurinn Gordon Brown lætur sér ekki nægja að ráðast á Íslendinga með hryðjuverkalögunum, heldur hunsar hann okkur Íslendinga. Líka samherja sína í Samfylkingunni - Jóhönnu Sigurðardóttur og Össur Skarphéðinsson.

Hins vegar tók Framsóknarmaðurinn Barack Obama Össuri opnum örmum.  Já, ólíkt hafa útlenskir Samfylkingarmenn og útlenskir Framsóknarmenn að!

Vilja viðbrögð frá Brown

Vonandi fær Íbúðalánasjóður loks heimild til aukinnar fjölbreytni!

Vonandi fær Íbúðalánasjóður loks heimild stjórnvalda til aukinnar fjölbreytni í framboði íbúðalána sinna, en stjórnvöld lögðust lengi vel gegn því að Íbúðalánasjóður veitti viðskiptavinum sínum fjölreyttara val í íbúðalánum en einungis verðtryggð annuitetslán. Ráðherrar í minnihlutastjórninni tala allavega þannig!

Staðreyndin er nefnilega sú að Íbúðalánasjóður vildi á sínum tíma að sjálfsögðu að koma á móts við óskir viðskiptavina sinna um fjölbreyttari valkostir. Verðtryggð lán með jöfnum afborgunum, gjaldeyrisbundin lán, lán með 5 ára endurskoðunarákvæðum og óverðtryggð lán með breytilegum vöxtum.

Stjórnvöld lögðust hins vegar gegn öllum slíkum breytingum - enda undir mikilli pressu frá bankakerfinu um að þrengja kost Íbúðalánasjóðs eins og mögulega væri unnt - helst að koma honum út af íbúðalánamarkaði.

Sem betur fer stóðu alþingismenn í þingflokki Framsóknar gegn aðförinni að Íbúðalánasjóði - annars hefðum við ekki þessa mikilvægi lánastofnun allra landsmanna. En í þeirri varnarbaráttu var ekki unnt að hlustað á óskir almennings og tillögur Íbúðalánasjóðs um fjölbreyttara lánaframboð - nógu erfitt var að verja Íbúðalánasjóð yfir höfuð!

En nú virðist vera orðin breyting á.

Landsbankinn býður óverðtryggð íbúðalán

Álfheiður á móti atvinnutækifærum?

Álfheiður Ingadóttir þingmaður VG virðist vera á móti atvinnutækifærum einmitt nú þegar þeirra er svo sárlega þörf. Sérkennilegt.

Alfarið á móti álverssamningi

Auðlindastefna Framsóknar fellur að áherslum John Perkins!

Það er gott að Framsóknarmaðurinn Obama sé reiðubúinn í samstarf við okkur Íslendinga á sviði jarðhitavinnslu. Þá veit það líka gott hvað Össuri Skarphéðinssyni líður vel með Framsóknarmanninum - vonandi forsmekkurinn að samstarfi Framsóknarflokks og Samfylkingar í ríkisstjórn með VG eftir kosningar.

Jarðhiti er mikilvæg auðlind. Auðlindarmál voru áberandi í Silfri Egils í dag. Það var annars vegar tæpt á þeim hjá hagfræðingnum Michael Hudson sem styður 20% niðurfærsluleið Framsóknar og þau voru aðalþema í máli John Perkins sem lagði mikla áherslu á að við Íslendingar héldum okkar náttúruauðlindum í eigin eigu!

Áhersla John Perkins fellur algerlega að stefnu Framsóknarflokksins í auðlindamálum og skilyrðum sem Framsókn vill setja í aðildarviðræðum við ESB.

Skoðum fyrst markmiðakaflan í samþykkt Framsóknarflokksins í Evrópumálum:

"Markmið:

Að Ísland hefji aðildarviðræður við Evrópusambandið á grundvelli samningsumboðs frá Alþingi sem tryggi hagsmuni almennings og atvinnulífs og þá sérstaklega sjávarútvegs og landbúnaðar.
Þá er fullveldi og óskorað forræði Íslendinga yfir auðlindum þjóðarinnar grundvallarkrafa í þeim viðræðum.
Viðræðuferlið á að vera opið og lýðræðislegt og leiði viðræðurnar til samnings skal íslenska þjóðin taka afstöðu til aðildarsamnings í þjóðaratkvæðagreiðslu í kjölfar upplýstrar umræðu."

 Þarna er grundvallarkrafan óskorað forræði yfir auðlindum þjóðarinnar.

Þessar áherslur - sem falla að áherslum Perkins - eru skýrar í ályktunum um auðlindamál, en auðlindakaflinn hljóðar svo:

"Ályktun um náttúruauðlindir Íslands

Markmið
Að nýta náttúruauðlindir þjóðarinnar af varúð og virðingu og tryggja öllum landsmönnum arð af sameiginlegum auðlindum. Ísland verði sjálfbært í orkunýtingu og staða auðlinda í þjóðareigu verði tryggð.

Leiðir

Efla skal þekkingu á náttúruauðlindum og umhverfi þeirra svo hægt verði að taka ákvarðanir um nýtingu og verndun á grundvelli bestu fáanlegra upplýsinga.
Í stjórnarskrá standi: „Auðlindir Íslands utan eignalanda eru sameign íslensku þjóðarinnar.“ Með auðlindum er átt við nytjastofna á Íslandsmiðum, auðlindir á, í eða undir hafsbotninum utan netlaga og náttúruauðlindir í þjóðlendum.
Auðlindasjóður verði stofnaður og til hans renni þær greiðslur sem greiddar eru fyrir afnot af þeim náttúruauðlindum sem eru í sameign þjóðarinnar. Meginhlutverk sjóðsins verði uppbygging, nýsköpun og framfarir í landinu öllu.
Stuðlað verði að sjálfbærri nýtingu allra auðlinda þjóðarinnar.
Landsvirkjun og dótturfyrirtæki hennar verði áfram í eigu ríkisins.

Fyrstu skref

Efla grunnrannsóknir á náttúruauðlindum og náttúru landsins í tengslum við heildarrannsóknir á náttúru landsins. Lagt verði fram frumvarp um stofnun Auðlindasjóðs. Leitast verði við að styrkja enn frekari rannsóknir á djúpborun og rannsóknir efldar til að leita leiða til betri nýtingar jarðvarma. Áfram verði unnið að útgáfu sérleyfa til rannsókna og vinnslu á olíu og gasi á íslensku yfirráðasvæði."

Áhugi á samstarfi

Íbúðalánasjóður ekki vandinn - heldur græðgisvæðing bankakerfisins 2004-2007

Stærsta vandamál heimilana eru ekki hófleg allt að 90% lán Íbúðalánasjóðs heldur yfirsprengd allt að 100% lán bankanna, bæði verðtryggð og gengistryggð, sem bankakerfið dældi út á árunum 2004-2006 án lánsfjárhámarka. Lán bankakerfisins voru óháð því hvort um fasteignakaup var að ræða eða ekki - hver sem var gat fengið 80% - 90% fasteignalán í banka til þess að fjármagna neyslukapphlaupið - meðan Íbúðalánasjóður lánaði einungis hóflega til kaupa eða bygginga á húsnæði.

Staða almennings gagnvart Íbúðalánasjóði nú er hins vegar vísbending um vandann - vanda sem á rætur í óhóflegri lántöku í bönkunum, verðsprengingu á fasteignum sem varð þegar bankarnir ruddust inn á íbúðalánamarkaðinn árið 2004 með 100% lán - þegar lánshlutfall Íbúðalánasjóðs var einungis 70% og brunabótamat takmarkaði lán Íbúðalánasjóðs.

Vandinn er ekki einungis óhófleg íbúðalán bankanna - heldur bílalánin, fellihýsalánin og sumarbústaðalánin sem bankarnir dældu út og þá gjarnan í erlendri mynt - lán sem nú eru að ganga af heimilunum dauðum. Þar er ekki við hófleg íbúðalán Íbúðalánasjóðs að sakast.

Hins vegar ættu menn að hafa í huga að í Íbúðalánasjóði eru rúmlega 50 þúsund lántakendur - þannig að ef beitt er hundaalókík Seðlabanka og ríkisstjórnarinnar um að allt sé í lagi af því að það er ekki "nema" 40% heimila sem séu yfirveðsett og því tæknilega gjaldþrota - þá er umsókn 1000 lántakenda Íbúðalánasjóðs um greiðsluaðlögun og frystingu lána afar góð staða miðað við efnahagsástandið og fjöldaatvinnuleysið sem við lifum við.

Þá ber að hafa í huga að hjá flestum lántakendum Íbúðalánasjóðs sem óska eftir frystingu - þá er það ekki Íbúðalánasjóðslánið sem er vandamálið - heldur stóraukin greiðslubyrði af bílalánum, fellihýsalánum og sumarbústaðalánum frá bönkunum.

Reyndar er það að einungis 1000 manns hafi sótt um greiðsluaðlögun sönnun þess að lán Íbúðalánasjóðs eru ekki vandamálið - ekki heldur stefna Framsóknarflokksins um 90% hófleg lán Íbúðalánasjóðs sem áttu að taka gildi vorið 2007 - ef efnahagsástandið leyfði það! Sú skynsamlega áætlun fauk út um gluggan í græðgisvæðingu bankakerfisins 2004 - þar sem ekki var hugsað um efnahagsástandið eins og Framsókn lagði megináherslu á í sínum tillögum.

Staðan í dag er þannig að tillögur Framsóknar um 20% leiðréttingu lána og 17 aðrar efnahagstillögur flokksins er eina raunhæfa leiðin út úr vandanum. Það veit Tryggvi Þór - enda styður hann Framsóknarflokkinn í þessum tillöguflutningi - þótt hann sé í framboði fyrir Sjálfstæðisflokkinn!

Yfir 1000 hafa sótt um greiðsluaðlögun