Launalækkanir og skattahækkanir í stað uppbyggingar heimila og atvinnulífs

Stefna ríkisstjórnarinnar er að koma í ljós. Launalækkanir og skattahækkanir í stað uppbyggingar heimila og atvinnulífs. Stefnan ber í sér efnahagslegan dauða. Munum því væntanlega sjá fólksflótta sem á sér ekki hliðstæðu frá tímum Vesturferða. Spennandi væri að sjá skoðanakönnum um fylgi ríkisstjórnarflokkana. Það stefnir í vonda stjórn. Því miður.

Ekki útilokað að hæstu laun ríkisstarfsmanna lækki

Útrás og einangrun Sverris Jakobssonar

"Það er ekki undarlegt að minnimáttarkennd sæki iðulega að smáþjóð eins og Íslendingum. Hitt er merkilegra að birtingarmynd hennar virðist iðulega vera belgingur og yfirgengilegt mont."

Þannig birtist hinn sæmilegasti pistill hins snjalla sagnfræðings Sverris Jakobssonar - "Útrás og einangrun" - á visir.is í dag.

Eins og svo oft áður þá kemur Sverrir smellinni þjóðfélagsgagnrýni sinni á framfæri í alveg "brilljant" pistli.

"Tímabundinn skyndigróði var enda talinn til marks um séríslenskt hugvit sem aðrar þjóðir deildu ekki með okkur. Þetta átu svo ráðamenn þjóðarinnar hver upp á fætur öðrum. Þannig varð til hugtakið „útrás" sem staðfesti draumsýn Íslendinga..." ritar Sverrir.

Þótt við Sverrir séum ósammála um eitt og annað í pólitík - þá er ég dyggur lesandi pistla hans - og ótrúlega oft sammála hnittnum skrifum hans. Reyndar eðlilega oft afar ósammála - enda maðurinn oft með skrítnar skoðanir eins og einkennir yfirleitt alvöru vinstri menn. 

En endilega lesið pistilinn "Útrás og einangrun" - og aðra pistla Sverris. En ekki samt falla í þá gryfju að eltast við vinstrið hjá honum um of - þátt hann sé frábær penni!

Árni Páll leiði þverpólitíska samninganefnd við ESB sem utanríkisráðherra

Árni Páll Árnason sem utanríkisráðherra getur leitt þverpólitíska samninganefnd þar sem allir flokkar eiga fulltrúa í viðræðum við Evrópusambandið. Það er rétt að Samfylkingunni er ekki einni treystandi til að fara í aðildarviðræður við ESB. Slík þverpólitísk samninganefnd er lausnin.

Árni Páll Árnason er rétti maðurinn til að leiða slíkar viðræður fyrst Samfylkingin er við stjórnvölinn. Hann er ekki einungis með mikla og góða þekkingu á Evrópusambandinu og Evrópumálum, heldur hefur hann gegnum tíðina starfað með mörgum ráðherrum úr mismunandi flokkum og þannig sýnt að hann getur unnið á þverpólitískan hátt.

Þar að auki er Árni Páll vel tengdur í Brussel þar sem hann starfaði um árabil hjá NATO fyrir íslensku utanríkisþjónustuna.

Að sjálfögðu yrði utanríkismálanefnd lykilaðili í vinnslu samningsmarkmið. Þar þarf að ná niðurstöðu um samingsmarkmiðin - niðurstöðu sem Samfylkingin getur eðli málsins ekki ráðið ein þar sem Samfylkingin er ekki í meirihluta í nefndinni.

VG verður því að gefa utanríkismálanefnd fullt svigrúm til að ganga frá samningsmarkmiðum á forsendum þeirra fulltrúa sem þar eru - án þess það hætti stjórnarsamstarfinu.

Kemur ekki til greina

Munið jafnrétti kynjanna í skipan seðlabankastjóranna!

Það er vonandi að hæfnisnefnd um embætti seðlabankastjóra og aðstoðarseðlabankastjóra muni eftir jafnréttisstefnu ríkisstjórnarinnar við valið. Þetta tvíeyki á að sjálfsögðu að vera kona og karl. Eða karl og kona.

Jónas Haralz leggur mat á hæfi bankastjóra

Loksins eitthvað af viti frá viðskiptaráðherra!

Loksins kom eitthvað af viti frá viðskiptaráðherranum - sem hefur verið eins og álfur út úr hól í umræðunni um skuldastöðu heimilanna undanfarið. Djörf vaxtalækkun er löngu - löngu tímabær.

Ítreka samt enn tillögu mína um að Lilja Mósesdóttir taki við sem viðskiptaráðherra.

Myndi fagna djarfri vaxtalækkun

VG á heiður skilið

VG á heiður skilið fyrir að leggja ekki stein í götu aðildarviðræða við Evrópusambandið þótt flokkurinn sé á móti slíkri aðild. Alþingi mun nú taka ákvörðun um aðildarviðræður.

Það má ljóst vera að meirihluti er á Alþingi fyrir aðildarviðræðum. Stefna Samfylkingar er skýr. Stefna Framsóknarflokksins er skýr. Aðildarviðræður.  Borgarahreyfingin hefur talað fyrir aðildarviðræðum og einnig einstakir þingmenn Sjálfstæðisflokksins einnig.

Við megum því búast við að Íslendingar óski eftir aðildarviðræðum við Evrópusambandið strax á vorþingi. Það er ljóst að aðildarviðræður munu ekki taka langan tíma. Því er raunhæft að kosið verði um aðildarsamning að Evrópusambandinu samhliða sveitarstjórnarkosningum vorið 2010.

Það eina sem er áhyggjuefni er það hvort Samfylkingunni sé treystandi að verja hagsmuni Íslendinga í aðildarviðræðunum sem væntanlega verða á forræði Samfylkingarinnar en ekki VG. Best hefði verið að Framsóknarflokkurinn leiddi aðildarviðræðurnar með skynsömum samningsmarkmiðum sínum.

Við skulum vona að VG tryggi að hagsmunum Íslands verði borgið í viðræðunum.

Eftirfarandi atriði ættu að liggja til grundvallar aðildarviðræðunum:

• Skýr og einhliða úrsagnarréttur, sem er þegar viðurkenndur í aðalsáttmála ESB, verði hluti
  aðildarsamnings.
• Staðfest verði að Íslendingar einir hafa veiðirétt innan íslenskrar fiskveiðilögsögu og að fiskveiðistjórnun verði áfram innanríkismál Íslendinga, enda styðjist hún við reglur ESB um stöðug hlutföll, nálægðarreglu og Lúxemborgarsamkomulagið. Ísland verði sjálfstæður aðili að samningum um flökkustofna.
• Fæðuöryggi þjóðarinnar verði tryggt og viðurkennd nauðsyn á sérstökum ákvæðum vegna fámennis þjóðarinnar.
• Viðurkennt verði að íslenskur landbúnaður sé heimskautalandbúnaður.
• Framleiðsla og úrvinnsla íslenskra búfjárstofna verði tryggð ásamt sérstöðu og hreinleika íslenskra búfjárstofna.
• Staðfest verði að vegna aðstæðna á Íslandi og fámennis þjóðarinnar hafi Íslendingar varanlegan rétt til að setja lög um forgangsrétt manna með lögheimili og fasta búsetu á Íslandi til að eiga ráðandi hlut í jarðeignum, lóðum, fasteignum og atvinnufyrirtækjum, enda styðjast slík ákvæði við núgildandi reglur á Álandseyjum, Möltu, Azoreyjum og víðar innan ESB.
• Í upphafi viðræðna verði gerður stöðugleikasamningur við Evrópska seðlabankann sem tryggi stöðugt gengi íslensku krónunnar þar til Íslendingar taka upp evru.
• Tekið verði tillit til stöðu íslensks efnahagslífs við umbreytingu peninga- og gjaldeyrismála á Íslandi.
• Ákvæði verði um varðstöðu um íslenska þjóðmenningu, þjóðtungu og þjóðhætti á Íslandi. Íslenska verði viðurkennt sem eitt hinna opinberu tungumála ESB.

 

 

ESB-málið til Alþingis

Ábyrgðarhlutur hjá Steingrími J. að hafna niðurfærslu lána

Það er rangt hjá Steingrími J. að niðurfærslur lána myndi fara með stofnanir eins og Íbúðalánasjóð og lífeyrissjóðina. Aðgerðaleysi stjórnvalda og greiðsluverkfall gæti hins vegar farið með Íbúðalánasjóðs, lífeyrissjóðina og ríkisbankana.

Steingrímur J. ætti að fara í grunnkúrs í hagfræði til Lilju Mósesdóttur. Mætti taka Jóhönnu Sigurðardóttur með sér.

Varar við örþrifaráðum

Lilju Mósesdóttur viðskiptaráðherra í stað Gylfa Magnússonar

Það væri góður leikur hjá ríkisstjórninni að gera hagfræðinginn Lilju Mósesdóttur viðskiptaráðherra í stað Gylfa Magnússonar. Lilja gerir sér greinilega betur grein fyrir stöðu mála á vinnumarkaði en Gylfi sem virðist í algerri afneitun um raunverulega stöðu mála.

Lilja vill niðurfærslu skulda vegna íbúðalána og Lilja vill ýta undir atvinnu með því að fjölga þeim fyrirtækjum sem hafi kost á að ráða fólk af atvinnuleysisskrá og fái atvinnuleysisbæturnar í meðgjöf til að byrja með.

Gylfi lætur hins vegar sem allt sé í himnalagi og heldur því fram að flestir geti staðið undir skuldbindingum sínum. Hann ætti að tala við einhverja meðal hinna 17 þúsunda sem nú gengur um atvinnulaus og ná ekki endum saman.

PS. Það sem er ennþá verra er að Gylfi - og reyndar Jóhanna líka - tuða sífellt um greiðsluaðlögun sem valkost - en greiðsluaðlögun er ekki enn orðin raunhæfur valkostur fyrir illa stödd heimili þar sem reglugerð með frumvarpinu hefur ekki verið endanlega útfærð.

Einkennandi fyrir ríkisstjórnina. Það er ekki enn búið að ganga frá reglugerð um endurgreiðslu virðisaukaskatts vegna viðhalds þótt lögin séu að verað 2 mánaða gömul!

 

Fleiri fái að ráða í bótavinnu

Samningsmarkmið aðildarviðræðna við ESB í stjórnarsáttmála?

Fréttir herma að VG hyggist gefa eftir í Evrópumálunum og samþykkja að farið verði í aðildarviðræður við Evrópusambandið. Það er jákvætt. En það verða að vera skýr samningsmarkmið í slíkum aðildarviðræðum - samningsmarkmið sem best væri að kæmu fram í stjórnarsáttmála.

Eftirfarandi atriði ættu að liggja til grundvallar aðildarviðræðunum:

• Skýr og einhliða úrsagnarréttur, sem er þegar viðurkenndur í aðalsáttmála ESB, verði hluti
  aðildarsamnings.
• Staðfest verði að Íslendingar einir hafa veiðirétt innan íslenskrar fiskveiðilögsögu og að fiskveiðistjórnun verði áfram innanríkismál Íslendinga, enda styðjist hún við reglur ESB um stöðug hlutföll, nálægðarreglu og Lúxemborgarsamkomulagið. Ísland verði sjálfstæður aðili að samningum um flökkustofna.
• Fæðuöryggi þjóðarinnar verði tryggt og viðurkennd nauðsyn á sérstökum ákvæðum vegna fámennis þjóðarinnar.
• Viðurkennt verði að íslenskur landbúnaður sé heimskautalandbúnaður.
• Framleiðsla og úrvinnsla íslenskra búfjárstofna verði tryggð ásamt sérstöðu og hreinleika íslenskra búfjárstofna.
• Staðfest verði að vegna aðstæðna á Íslandi og fámennis þjóðarinnar hafi Íslendingar varanlegan rétt til að setja lög um forgangsrétt manna með lögheimili og fasta búsetu á Íslandi til að eiga ráðandi hlut í jarðeignum, lóðum, fasteignum og atvinnufyrirtækjum, enda styðjast slík ákvæði við núgildandi reglur á Álandseyjum, Möltu, Azoreyjum og víðar innan ESB.
• Í upphafi viðræðna verði gerður stöðugleikasamningur við Evrópska seðlabankann sem tryggi stöðugt gengi íslensku krónunnar þar til Íslendingar taka upp evru.
• Tekið verði tillit til stöðu íslensks efnahagslífs við umbreytingu peninga- og gjaldeyrismála á Íslandi.
• Ákvæði verði um varðstöðu um íslenska þjóðmenningu, þjóðtungu og þjóðhætti á Íslandi. Íslenska verði viðurkennt sem eitt hinna opinberu tungumála ESB.

Lýðræðislegt stjórnlagaþing á dagskrá?

Það verður spennandi að sjá hvort VG og Samfylking setji lýðræðislegt stjórnlagaþing á dagskrá í nýjum stjórnarsáttmála eða hvort leiðtogar flokkana láti forræðishyggju sína og embættismannakerfisins verða ofan á.

Það hlýtur að verða persónulegur ósigur Jóhönnu sem gegnum tíðina hefur ítrekað lagt til stjórnlagaþing ef hún lætur andstæðinga lýðræðislegs stjórnlagaþing innan Samfylkingarinnar verða ofaná. Þá er hætta á að forræðishyggjuhluti VG verði tregur í taumi.

 

Stjórnarsáttmáli í smíðum