Fellum IceSave snarleg og tökumst á við Hollendinga í aðildarviðræðum að ESB

Við eigum að fella IceSave samningana snarlega - enda eru þeir baneitraðir eins og flestum ætti að vera ljóst. Við verðum að standa í fæturna nú þegar við erum á leið í aðildarviðræður við Evrópusambandið. Ef við látum undan hótunum Hollendinga vegna IceSave - þá getum við gleymt að ná ásættanlegum samningum við Evrópusambandið.

Málstaður Hollendinga er vondur. Þeir munu ekki geta haldið hótunum sínum til streitu.

Það er miklu vænlegra að ganga að nýju til samninga um skuldbindingar okkar með reisn í aðdraganda aðildarviðræðna - heldur en að hefja slíkar viðræður svínbeygð með vondann samning í höndunum.

Annars er umfang aðildaviðræðnanna þannig að það væri rétt að skipa sérstakan ráðherra Evrópumála án ráðuneytis til að halda úti aðildarviðræðum við Evrópusambandið.

Rétti maðurinn í það embætti væri Framsóknarmaðurinn Jón Sigurðsson.

Meira um það í pistlinum: Sérstakan ráðherra Evrópumála!

 

Þrýst á Íslendinga

Athugasemdir

[fair play (IP-tala skráð) 22.7.2009 kl. 10:59]

Childish....to say the least....

[Hallur Magnússon, 22.7.2009 kl. 11:19]

Ertu svo viss um það "fair" play?

Reyndar barnalegt að þora ekki að skrifa undir nafni

[Haraldur Hansson, 22.7.2009 kl. 12:10]

En þú gleymir einu Hallur. ESB og IceSave eru algjörlega óskyld mál. Þau eru ekkert tengd. Steingrímur segir það og Össur segir það líka, svo það hlýtur að vera satt.

En EF við trúum því augljósa, en ekki Össuri, þá voru stóru mistökin að samþykkja ESB umsókn án þess að klára IceSave fyrst.

[Gunnlaugur Ingvarsson (IP-tala skráð) 22.7.2009 kl. 12:14]

Það er stórhættulegt að blanda þesum tveimur málum saman í aðildarviðræðunum.

Útúr því kæmi ekkert annað en óskapnaður þar sem okkur væri talin trú um að við ættum enga aðra kosti en ganga inní ESB.

Ég sé þetta landráðhyski koma heim veifandi svona landráðasamningi og "allt fyrir ekkert" rugl eins og hér um árið.

[Jón Baldur Lorange, 22.7.2009 kl. 16:02]

Hallur, það er sjálfhætt í þessum óundirbúna ESB leiðangri um hættulegar Icesave slóðir ef Hollendingar beita neitunarvaldi gegn aðild Íslands. ,,ESB-ævintýrið" sem þið framsóknarmenn berist eina mesta ábyrgð á (sbr. NEI Sivjar og Guðmundur við tillögu um að þjóðin fengi að hafa fyrsta og síðasta orðið í ESB) virðist því á enda áður en það hófst. 

Þannig er nú það Hallur.

[Páll Blöndal, 23.7.2009 kl. 01:35]

Ofdekraðir ESB andstæðingar á moggablogginu
http://pallblondal.blog.is/blog/pallblondal/entry/918743/

[Jón Gunnar Bjarkan, 23.7.2009 kl. 02:43]

Við eigum að nota þessa Icesave samninga sem leverage á ESB í aðildarviðræðunum, en ekki þeir á okkur. Við erum búinn að snúa þessu máli algerlega á haus. ESB ríki vilja að við greiðum þessar skuldbindingar(og ég er sammála) en þessir vextir og að Bretar og Hollendingar fái helminginn af eignum bankans er langt frá því að vera sanngjarnt. Þessi niðurstaða kemur út úr tvíhliða viðræðum Íslendinga við Hollendinga og Breta en ekki viðræðum íslendinga og ESB. Ég yrði alveg stórundrandi ef að norðurlandaþjóðirnar og fleiri, til dæmis pólland og frakkland, taki ekki upp hanskann fyrir okkur varðandi skilmála samninganna. Nú er líka búið að ganga frá öllum málum hvað varðar Þjóðverja svo þeir ættu ekki að vera úrillir.

Hvort það eigi að fella samninginn eða ekki er ég ekki svo viss um, myndi bara setja hann í frystinn þangað til að kemur að aðildarviðræðum. 

[Jón Gunnar Bjarkan, 23.7.2009 kl. 03:41]

By the way Hallur, ég er sammála þér um Jón Sigurðsson. Hann gæti verið réttur maður í starfið.

[Hallur Magnússon, 23.7.2009 kl. 12:09]

Vil benda ykkur á góðan pistil Friðriks Jónssonar friðargæsluliða í Kabúl:

http://fridrik.eyjan.is/2009/07/icesave-3-valkostir.html