Ábyrgð utanríkisráðherra mikil!

Nú ríður á að Íslendingar haldi vel á spöðunum í aðildarviðræðum við Evrópusambandið. Utanríkisráðherra verður nú að sanna að hann ráði við verkefnið. Hagur Íslands byggir á því.

Íslendingar eiga það skilið að niðurstaðan verði sú hagfelldasta sem unnt er og það verði engin vafi á slíku þegar þeir taka afstöðu til inngöngu eða inngöngu ekki.

Íslendingar eiga að fara í viðræður með eftirfarandi að leiðarljósi:

 • Skýr og einhliða úrsagnarréttur, sem er þegar viðurkenndur í aðalsáttmála ESB, verði hluti aðildarsamnings.
• Staðfest verði að Íslendingar einir hafa veiðirétt innan íslenskrar fiskveiðilögsögu og að fiskveiðistjórnun verði áfram innanríkismál Íslendinga, enda styðjist hún við reglur ESB um stöðug hlutföll, nálægðarreglu og Lúxemborgarsamkomulagið. Ísland verði sjálfstæður aðili að samningum um flökkustofna.
• Fæðuöryggi þjóðarinnar verði tryggt og viðurkennd nauðsyn á sérstökum ákvæðum vegna fámennis þjóðarinnar.
• Viðurkennt verði að íslenskur landbúnaður sé heimskautalandbúnaður.
• Framleiðsla og úrvinnsla íslenskra búfjárstofna verði tryggð ásamt sérstöðu og hreinleika íslenskra búfjárstofna.
• Staðfest verði að vegna aðstæðna á Íslandi og fámennis þjóðarinnar hafi Íslendingar varanlegan rétt til að setja lög um forgangsrétt manna með lögheimili og fasta búsetu á Íslandi til að eiga ráðandi hlut í jarðeignum, lóðum, fasteignum og atvinnufyrirtækjum, enda styðjast slík ákvæði við núgildandi reglur á Álandseyjum, Möltu, Azoreyjum og víðar innan ESB.
• Í upphafi viðræðna verði gerður stöðugleikasamningur við Evrópska seðlabankann sem tryggi stöðugt gengi íslensku krónunnar þar til Íslendingar taka upp evru.
• Tekið verði tillit til stöðu íslensks efnahagslífs við umbreytingu peninga- og gjaldeyrismála á Íslandi.
• Ákvæði verði um varðstöðu um íslenska þjóðmenningu, þjóðtungu og þjóðhætti á Íslandi. Íslenska verði viðurkennt sem eitt hinna opinberu tungumála ESB.

 

Samþykkt að senda inn umsókn

Athugasemdir

[Guðmundur St Ragnarsson, 16.7.2009 kl. 14:24]

Ég held að Framsóknarmenn verði að hugsa sinn gang hérna. Flokkurinn er klofinn í herðar niður í þessu máli. Dettur þér í hug eina sek Hallur að utanríkisráðherra ráði við þetta verkefni. Hann er svo slefandi yfir því að ganga inn í ESB að öllum hagsmunum okkar sem þjóðar verður fórnað. Það þarf ekki snilling til að sjá það svona fyrirfram. Ekki er reynslan góð af opinberum íslenskum samninganefndum upp á síðkastið.

[Tómas Ibsen Halldórsson, 16.7.2009 kl. 14:26]

Treystir þú virkilega Össuri til að fara með þetta umboð ?  Ætli Svavar Gestsson verði fulltrúi hans í Brussel, hann mundi hespa þessu af á nótæm, nennir ekki láta þetta hanga yfir sér.

[Sigurður E. Vilhelmsson (IP-tala skráð) 16.7.2009 kl. 14:26]

Óljós tilmæli í greinargerð með þingsályktunartillögu og "leiðbeinandi" þjóðaratkvæðagreiðsla fylla mig ekki sérstöku trausti á þessari málsmeðferð.

Ríkisstjórnin hafði alla möguleika á að mynda breiða samstöðu um þetta mál og ef hugur fylgdi máli með hin svokölluðu "samningsmarkmið" hefði verið hægðarleikur að samþykkja breytingartillögu Vigdísar Hauksdóttur.

Ég er hræddur um að hér sé í uppsiglingu annað Icesave ferli og að þingmenn Evrópusambandsins við Austurvöll finni einhverja leið til að þröngva okkur inn gegn þjóðarvilja.

[Jón Óskarsson (IP-tala skráð) 16.7.2009 kl. 15:13]

Ég er sammála öllum ofangreindum markmiðum og tel að við megum hvergi kvika frá þeim í viðræðunum.  Náist það sem þú telur upp Hallur hér að ofan þá fagna ég því að ganga í ESB

En ég treysti hvorki Össurri né nokkrum öðrum innan Samfylkingar til að halda á þessu máli þannig að markmiðum okkar verði náð.

Ég óttast að skrifað verði undir hvað sem er og síðan að þjóðin verði ekki einu sinni spurð.

Allavega óttaðist Samfylkingin það mjög að farið yrði í tvöfalda þjóðaratkvæðagreiðslu sem hefði þýtt að þjóðin hefði valið (í stað 52,3% þingmanna) hvort farið hefði verið í viðræður og síðan að þjóðin fái að greiða atkvæði um þann samning sem gerður verður.

Ég hefði treyst og treysti þjóðinni til að taka raunhæfa afstöðu í þessu máli.

[Ína (IP-tala skráð) 16.7.2009 kl. 15:40]

Frábær dagur og ég er mjög ánægð með Siv, Birki og Guðmund. Siv hélt reyndar alveg frábæra ræðu á alþingi um ESB í vikunni sem ég hlustaði á. Vildi óska þess að umræður á alþingi væru alltaf svona faglegar eins og ræðan hennar. Birkir er líka alveg frábær og málefnalegur. Þau standa uppúr í þingflokki Framsóknar.

Ég er fullviss um að þetta er jákvætt skref fyrir Ísland.

[Guðbjörn Guðbjörnsson, 16.7.2009 kl. 16:17]

Sjálfstæðisflokkurinn er einnig mjög klofinn í þessu máli, sérstaklega í Reykjavík og í Kraganum.

Ég er hræddur um þetta eigi eftir að hafa afleiðingar fyrir Sjálfstæðisflokkinn og styðja Samfylkinguna enn frekar í Kraganum og í Reykjavík.

Þetta veikir stöðu Þorgerðar - sem var nógu veik fyrir - og veikir einnig stöðu nýkjörins formanns.

Dagar rússneskra kosninga og skoðanakúgunar innan þingflokksins eru liðnir - eða það vonaði maður allavega!

Ragnheiður Ríkharðsdóttir stóð sig eins og hetja! 

[Rúnar Már Bragason (IP-tala skráð) 16.7.2009 kl. 21:06]

Tók virkilega enginn eftir því að Össur hefur þegar talað gegn þessum skilyrðum þegar hann sagði að Íslendingar fengju ekki viðvarandi undanþágu vegna fiskveiða.

Held að þegar upp er staðið fáum við verri niðurstöðu en með Icesave samkomulaginu. Alger hneisa að standa í þessu á þessum tímum.

[Anna Benkovic Mikaelsdóttir, 16.7.2009 kl. 23:10]

Þessa ákvörðun um viðræður hefði átt að taka fyrir 25 árum...en betra seint en aldrei!

Ég mun leggjast yfir samninginn þegar þar að kemur og hika ekki við að krossa við "nei" ef ég tek það best fyrir framtíðina

[Sigurður E. Vilhelmsson (IP-tala skráð) 16.7.2009 kl. 23:27]

Rúnar, Össur sagði að við fengjum ENGA undanþágu, bætti svo um betur og sagði að við þyrftum enga!

[Valsól (IP-tala skráð) 17.7.2009 kl. 10:19]

Mikil rosaleg vonbrigði er Sigmundur Davíð, en vonandi verður hann áfram, þá kannski hverfur þessi flokkur fyrir fullt og allt. Börn klíkustjórnmála stjórna bæði Framsókn og Sjálfstæðisflokknum. Að heyra ummæli föður Sigmundar Davíðs er ömurlegt. Þessi maður einkavæddi til sjálfs síns og varð ofsa ríkur fyrir vikið. Nú talar hann um að kommar séu að bola sér út, þykist greinilega hafa ietthvert sérstakt leyfi til að vera í stjórn fyrirtækisins áfram þrátt fyrir að hafa sett það á hausinn. Klíkustjórnmál og hver sá sem kýs Framsókn og Sjálfstæðisflokk gerir ekkert annað en að viðhalda klíkustjórnmálum á íslandi. Hvernig getur fólk stutt þetta lið, ég skil það ekki?

[Valsól (IP-tala skráð) 17.7.2009 kl. 10:22]

Guðbjörn, ef Sjálfstæðisflokknum auðnaðist sú viska að kjósa Ragnheiði sem formann flokksins, þá ætti Sjálfstæðisflokkurinn möguleika á því að komast út úr því spillingarógeði sem þessi flokkur hefur verið í frá fæðingu. Klíkustjórnmál! Synirnir Sigmundur Davíð og Bjarni Ben eru komnir á þing til að viðhalda klíkustjórnmálum. Hlýða pabba!

[Einar Björn Bjarnason, 17.7.2009 kl. 14:35]

Teningnum kastað - mín skoðun er sú, að hvorir tveggja ESB sinnar og ESB andstæðingar, séu með stórlega íktan málflutning.

Það er allt of mikið gert úr ESB aðild, með öðrum orðum - hún er hvorki endir alls, né er hún upphaf einhvers draumaríkis.

Sannleikurinn er sá, að innganga í ESB sem slík, mun ekki stytta kreppuna neitt, né mun hún lengja hana.

Kreppan mun einfaldlega halda áfram, nánast óbreytt. Það eina sem ég í raun og veru hef áhyggjur af, er sú staðreynd að aðildarviðræður, munu vera mjög krefjandi fyrir okkar litla stjórnkerfi, akkúrat þegar við þurfum á öllum kröftum þess við það að berjast við kreppuna.

Ég hefði því kosið, að við brettum upp ermarnar og sigruðust fyrst á kreppunni, en tækjum svo aðild til skoðunar.

Hver er sannleikur mál:

• enginn stuðningur við krónu, fyrr en eftir að samningar eru um garð, hafa verið staðfestir af öllum aðildarþjóðum, og Íslandi líka - þá getum við sókt um aðild að ERM II - og einungis eftir að aðild að ERM II er formlega um garð gengin, fær krónan +/-15% vikmarka stuðning.
• Þ.e. heildar-skuldir ríkisins, eru 2,5 þjóðarframleiðsla, mun upptaka Evru taka 15-20 ár, cirka.
• menn gleyma því, hvað það þýðir, að Ísland er í EES, nefnilega það, að við erum þegar komin með þann hagnað, fyrir hagkerfið, sem aðild á að færa okku, að stærstum hluta. Það eina stóra sem eftir er, er EVRAN. Fullyrðingar, um annann stóran hagnað, er kjaftæði.
• "The Commission of the European Union - Directorate General for Economic Affairs: : 1. Quarter Report 2009" . Samkvæmt þessari skýrslu, er áætlað að meðalhagvöxtur innan Evrusvæðisins, lækki niður í 0,7% af völdum kreppunnar, og verði á því reiki fyrsu ár eftir kreppu. 

  Potential Growth Stuctural unemployment Investment ratio as percentage of output

  2007  1,8%                   8,7%                                       8,7%

  2008  1,3%                  9,0%                                        9,0%

  2009  0,7%                 9,7%                                         9,7%

  2010  0,7%                10,2%                                        10,2%

Þeir telja að svokallað "lost decade" sé líklegasta útkoman, þ.e. lélegur hagvöxtur um nokkur ár, í kjölfar kreppu, þannig að kreppuárin + árin eftir kreppu, verði cirka áratugur. Þeir telja, að á endanum, muni þó hagkerfi Evrópu rétta úr sér, og ná eðilegum meðal-hagvexti. Þeir, setja þó fyrirvara við þá ályktun, að sú útkoma sé ekki örugg; þ.e.:

"Risks of a permanent downshift in potential growth should not be played down."

Hvers vegna, er ég að tönnslast á þessu? Ástæðan er sú, að væntingar um að umsóknarferli og síðan, aðild - muni redda okkur, eru fullkomlega óraunhæfar ef staðreyndir mála eru hafðar að leiðarljósi.

Höfum staðreyndir að leiðarljósi, þ.e. miðum ekki við ímyndaðar skýjaborgir.

Ef við pössum okkur, og reynum ekki að ljúka aðildarviðræðum, of hratt, þá geta þær gengið fyrir sig, án verulegs skaða - til skamms tíma, meðan þörf er á öllum okkar uppbrettum ermum við það að berjast við kreppuna.

Aðildarviðræður, mega þess vegna taka nokkur ár, þ.s. Evruaðild, fæst hvort sem er, ekki nema eftir að við höfum náð hinum svokölluðum "convergence criteria". Það, getur vart tekið minni tíma en 10 - 15 ár, hugsanlega 15 - 20, þannig að 5 - 6 ár, í aðildarviðræður, ætti ekki að vera nein goðgá.

Kv. Einar Björn Bjarnason

[Haraldur Hansson, 18.7.2009 kl. 10:00]

Ef Nýja Ísland á að vera annað en orðin tóm verður Össur að víkja úr ríkisstjórn. Ferð hans til Möltu og feluleikurinn með skýrslu frá Háskóla Íslands flokkast að mínu mati undir trúnaðarbrest.

Maður sem ekki hefur óskorað traust þings og þjóðar á ekki að leiða mál sem er svona stórt og gæti haft áhrif á það þjóðfélag sem komandi kynslóðir byggja.

[Einar Björn Bjarnason, 18.7.2009 kl. 11:44]

Persónulegar, er ég alveg 100% viss, að hvernig sem þessi samningur mun koma til að líta út, þá mun Össur lýsa yfir sigri og kall hann stórfenglega framtíð fyrir Ísland. Alveg burtséð frá innihaldi eða gæðum.

Munið, að enn tala þau um Icesave samkomulagið sem gott, en þ.s. enn undalegra, að enn tönnslast þau á að skuldastaða ríkisins verði ekki neitt að ráði verri en margra annarra Evrópuríkja - sem á að gefa til kynna, að allt verði í lagi.

Þ.e. einmitt, þeirra fáránlega afstaða gagnvart Iceave samkomulaginu, sem framkallar ugg hjá manni, varðandi þá samninga sem Samfylkingin mun leiða gagnvart ESB.

Vandi Samfylkingarinnar, er sá sami og einstaklingsins, sem ætlar sér að versla á markaði, þ.e. ef kaupmaðurinn sér, að kúnninn er mjög ákafur í vöruna þá fer púttið um kjör kaupmanninum í hag. Með öðrum orðum, ef menn vilja gera góða samninga, þá meiga menn ekki vera um of ákafir og einnig, verða þeir vera til að standa upp frá borði.

Því miður, er ég alveg 100% viss, að samningamenn Samfylkingarinnar, verða með alla þá galla sem ég óttast að þeir hafi. Þannig, er ég miklu meira en 50% viss, að samingurinn verði slæmur.

Því miður, tóks ekki nefndarmönnum, Framsóknarflokksins, að fylgja þeirri stefnu sem ég lagði til við þá, þ.e. að það væri algert grundvallaratriði, að Alþingi stjórnaði samningum við Brussel en ekki Utanríkisráðuneyti. Því miður, þega ákveðið var að mæta - á einhvers konar hálfri leið, var þetta grundvallaratriði gefið eftir: Þannig, varð því miður, nefndar-samkomulagið lítils virði - einmitt vegna þess, að það breytti ekki því að áfram hefur Össur síðasta orðið.

Kv.