Veruleikafirrt ríkisstjórn fjallar um meðhöndlun úrgangs

Jón Bjarnason sem ráðherra er himnasending fyrir andstæðinga ríkisstjórnarinnar. En dagurinn í dag undirstrikar að til valda er komin veruleikafirrt ríkisstjórn sem áttar sig ekki á að engan tíma má missa í baráttunni gegn efnahagshruninu.

Það er kannske lýsandi að ríkisstjórnin setur á oddinn meðhöndlun úrgangs frekar en efnahagsmálin. Með sama áframhaldi þá er hætt við að aðalviðfangsefni efnahagsmálanna verði einmitt meðhöndlun úrgangs. Íslenskt efnahagslíf mun þurfa að meðhöndla eins og geislavirkan úrgang ef ríkisstjórnin rankar ekki úr rotinu.

Veruleikafirrtur grátkór

Athugasemdir

[Baldur Hermannsson, 20.5.2009 kl. 20:23]

Nei Hallur, Jón er ekki himnasending fyrir nokkurn mann, ekki einu sinni svarna fjendur ríkisstjórnarinnar. Það er ferlegt að sitja uppi með slíkan mann í ríkisstjórn. Það ætti ekki að gleðja nokkurn Íslending.

[Sigurjón Þórðarson, 20.5.2009 kl. 21:34]

Er ekki rétt að láta reyna á karlinn Jón áður en hann er úthrópaður en ég bind vonir við að hann auki veiðiheimildir á þorski svo um muni en það er eina vitið.

Ég hlustaði í dag á umræður um fyrningu aflaheimilda og mér blöskraði vanþekking Framsóknarmannanna sem tóku þátt í umræðunni um sjávarútvegsmálin s.s. um árangur kvótakerfisins.  Einar K. hélt þarna sömuleiðis sérkennilega ræðu gegn betri vitund. 

Borgarahreyfingin, mætti ekki á svæðið.  Spurningin er hvort að þjóðinni á þingi sé nokkuð kunnugt um að nálægt önnur hver króna sem þjóðin utan þings aflar vegna vöruútflutnings komi úr sjávarútvegi?

[JR (IP-tala skráð) 20.5.2009 kl. 21:59]

Hallur !

Ekki er allt sem sýnist hjá ykkur framsóknarmönnum !

Eitt af þeim málum sem þið eruð að gagnrýna er eitthvað mesta hagsmunamál fyrirtækja sem vinna í kæliiðnaðinum !

Þetta er mál hér : http://www.althingi.is/altext/137/s/0003.html !

Vegna laga frá ESB mega íslensk kælifyrirtæki ekki vinna innan ESB svæðisins !

Þarna er verið að búa til lagaumhverfi fyrir þessi fyrirtæki , og síðan með reglugerðum í framhaldi !

Þið verðið að kynna ykkur málin áður en þið sprengið ,,fýlubombur"  inn á þingi !

Það versta er að fjölmiðlafólk er svo vitlaust að það étur alla vitleysuna upp eftir ykkur !

[Þór Jóhannesson, 20.5.2009 kl. 22:03]

Eini úrgangurinn sem þarf að meðhöndla er arfleið veruleikafirrtra hægriplebba úr Framsókn og Sjálfstæðisflokki. Hvar þjóðin á að eyða þessum úrgangi er vandinn og því eru auðvaldsplebbar eins og þú - Hallur - vaðandi uppi með svona rugl á bloggsíðum landsins! Farðu að átta þig á því að ALLT slæmt sem gerst hefur fyrir þessa þjóð gerðist á vakt þinna manna og lærðu að skammast þín fyrst þú kannt ekki að segja skilið við spillingarflokkinn þinn.

Hægri stefna = HRUN og ATVINNULEYSI

ALDREI gleyma því!

[Guðmundur Andri Skúlason, 20.5.2009 kl. 23:09]

og vinstri stjórn virðist standa fyrir hrun og aðgerðaleysi.

En ætli ég verði ekki dæmdur sem auðvaldsseggur og veruleikafyrrtur hægriplebbi fyrir að segja það..

Varðandi Þjóðina á þingi Sigurjón, þá má benda á að þó Borgarahreyfingin hafi ekki mótað stefnu í sjávarútvegsmálum þá gerum við okkur alveg grein fyrir því hvaðan útflutningstekjur þjóðarinnar koma. Við getum líka alveg talað um sjávarútveg, kvótakerfi og það sem því er tengt, jafnvel málefnanlega.

Við ættum kannski að setjast yfir það á einhverri bryggjunni með kaffi og kleinu og ræða þessi mál með hagsmunaaðilum í stað þess að treysta Jóni Bjarna fyrir þessu. Hann skildi þetta ekki á framboðsfundum og ég held að hann skilji þetta ekkert frekar nú.