Ögmundur talar á kjarnyrtri íslensku

Ögmundir Jónasson talar nú á kjarnyrtri íslensku - og hefur ýmislegt til síns máls. Nú þekki ég gamla kennarann minn úr samtímasögunni í sagnfræðinni. Ég er ánægður með hann. En hvað segir Jóhanna? Ætlar hún að þegja þunnu hljóði? Má ekki hnýta í flokksfélaga Samfylkingarinnar - Gordon Brown?

Heimslögregla kapítalismans

Athugasemdir

[G. Valdimar Valdemarsson, 8.5.2009 kl. 17:00]

Ögmundur talar nú bara í frösum til heimabrúks en lyppast svo niður þegar til kastana kemur.   Hann er hluti af verkalýðshreyfingunni sem eru stærsti fjármagnseigandi á Íslandi og hefur tekið sér stöðu með fjármagnseigendum gegn fólkinu í landinu.

Ögmundur á ekki að bíða til haustsins með að segja af sér formennslu í BSRB, þar er varaformaður sem á að taka við.   Í dag er hann fulltrúi fjármangseigenda í ríkisstjórninni en ekki fulltrúi fólksins.

[Stefán Benediktsson (IP-tala skráð) 8.5.2009 kl. 17:06]

GB er ekki félagi í Samfylkingunni og öllum frjálst að hnýta í hann að vild en það er ekkert kjarnyrt við þá Barbabrellu að tala illa um AGS en starfa með þeim á fullu. Það minnir meira á persónu úr Pilti og Stúlku: "sáuðið hvernig ég tókann piltar"

[Aliber, 9.5.2009 kl. 09:14]

Get ekki sagt að ég sé sammála þér þarna Hallur.

Ég fæ raunar ekki betur séð en að Ögmundur sé alveg jafn yfirlýsingarglaður og Gordon Brown þegar hann talar um að AGS hafi verið fenginn af erlendum lánadrottnum til að herða upp á skrúfurnar o.s.frv.

Það er í raun grafalvarlegt að íslenskur ráðherra láti svona samsæriskenningar út úr sér og ég ætla bara rétt að vona að þetta viðtal verði ekki þýtt fyrir erlenda fjölmiðla.