VG hefur vonandi vit fyrir Samfylkingunni

VG hefur vonandi vit fyrir Samfylkingunni í efnahagsmálum - en eins og menn vita er Samfylkingin út á túni í þeim málaflokknum. Málefnahópur VG er búinn að taka mikilvægt skref með því að leggja til leiðréttingu á vöxtum og verðbótaþáttum lána.

Það er Framsóknarleiðin - sem er náttúrlega rétt leið - en Jóhanna getur ekki einhverra hluta vegna sætt sig við hana.

Vonandi fer Jóhanna samt að sjá ljósið.

Málefnahópur VG vill lækka höfuðstól lána

Athugasemdir

[mercury (IP-tala skráð) 8.5.2009 kl. 09:40]

Já það ætla ég að vona að Jóhanna sjái ljósið, ég er hrædd um að ég fari að missa alla virðingu fyrir þessari annars góðu konu ef hún heldur áfram að vera eins og stöð m... í þessum íbúðarlánamálum.

[þórður (IP-tala skráð) 8.5.2009 kl. 09:53]

Ég er fyrir löngu búin að missa allt álit á þessari konu..,,Jóhönnu.  Mér finnst hún ekki hafa komið fram af heilindum.

[Sigurður M Grétarsson, 8.5.2009 kl. 10:25]

Það vantar alveg í þessa ályktun að taka fram hver eigi að borga fyrir þessar niðurfellingar. Við erum væntanlega að tala um nokkur hundruð milljarða króna. Það er ansi stórt gat í ályktuninni.

[ThoR-E, 8.5.2009 kl. 10:28]

Þetta eru falskar tölur Sigurður .. verðtryggingin er búin að pumpa upp einhverjar fjárhæðir .. sem eru falskt fé.

Það þarf að leiðrétta lánin og það þarf að gera það strax.

Mitt lán var 11 milljónir fyrir 3 árum .. og ég er búinn að borga af því síðan .. það stendur í tæpum 15 milljónum í dag .. samt fékk ég ekki krónu meira út á lánið.

Bara rugl. Það er verið að ræna fólk.. með leyfi ríkisstjórnarinnar.

[Magnús Sigurðsson, 8.5.2009 kl. 11:15]

Nú skal öllu til kostað að koma endurreysn bankakerfisins yfir á almenning.  Þar eru skuldarar íbúðarhúsnæðis sérstaklega álitlegur markhópur. 

Það er réttlætismál að færa niður höfuðstól almennra íbúðalána um 20% vegna forsendubrests sem ríkið sjálft er ábyrgt fyrir.

Fólk sem vel getur ráðið við sínar skuldbindingar ætti að taka sig saman og fara fram á skuldalækkun upp á 40% vegna vísitöluhækanna lána og lækkunar eignaverðs, að öðrum kosti boða til greiðsluverkfalls.  Það eru þeir sem ekki eru ofurseldir ógninni sem geta ráðið úrslitum um það hvernig þessi mál þróast.

[Sigurður M Grétarsson, 8.5.2009 kl. 12:33]

AceR. Þessar tölur eru ekki falskari en það að ef lánin eru lækkðu þá þarf einhver að borga brúsan. Það verða aðallega skattgreiðendur og greiðsluþegar lífeyrissjóða, sem taka þann skell.

Magnús. Þú verður að útskýra betur hvernig þú telur að til standi að endurreysa bankakerfið á kostnað almennings. Ég veit ekki til þess að það standi til.

[ThoR-E, 8.5.2009 kl. 13:02]

Já Sigurður það má vera ... en það þarf að finna einhverja leið til þess að heimilin í landinu fari ekki í þrot.

Leiðrétta þarf þetta óréttlæti.

Það þarf bara að afnema verðtrygginguna á einhverjum tímapunkti..

Með allt þetta lærða fólk í fjármálageiranum, seðlabankanum, ríkisbönkunum..... sem eru með þessi ofurlaun ... það er auðveld leið að skella öllu yfir á heimilin í landinu .. og telja þá málið leyst.

Það er aum lausn.

[Magnús Sigurðsson, 8.5.2009 kl. 13:18]

Sigurður það væri kannski rétt að þú skýrðir það út á kostnað hverra þú telur að gjaldþrota bankakerfi verður endurreistir?  Í ljósi þess sem þú segir í 3. athugsemd; "Það vantar alveg í þessa ályktun að taka fram hver eigi að borga fyrir þessar niðurfellingar."

En ég tel það liggja í augum uppi ef ekki á að koma til leiðrétting á þeim forsendubresti sem varð við hrun gjallmiðils og hækkunar verðbótaþáttar því tengdu, þá er ætlunin er að láta almenning sitja uppi með tjón sem nýtt bankakerfi nýtur góðs af. 

Skuldarar íbúðarhúsnæðis eru svo sérstaklega álitlegur markhópur af þeirri ógnar ástæðu að það er hægt að hafa af fjölskyldum húsaskjólið.

[Elfur Logadóttir, 8.5.2009 kl. 13:28]

Magnús, auðvitað hefur enginn að markmiði að hafa af fjölskyldum húsaskjólið. Þvert á móti þá hefur margt verið gert til þess að tryggja að ekki verði hægt að neyða fólk út úr sínum íbúðum.

Eins og staðan er núna þá mun mjög lítill hluti þeirra sem er í erfiðleikum missa húsnæði sitt á næstu 5 árum. Það er tiltekinn hlutfallslega lítill hópur sem er því miður "handan björgunar," þ.e. eru því miður of illa staddir og of langt komnir í greiðsluerfiðleikaferli til þess að hægt sé að bjarga þeim frá gjaldþroti. Engu að síður er ekki nauðsynlegt að það fólk missi húsaskjólið. Að sama skapi er stærsti hluti þeirra sem eru í, eða sjá fram á greiðsluerfiðleika á næstu 5 árum, með stöðu sem tryggir þeim húsaskjólið þann tíma, að lágmarki.

Það eru einungis þeir sem með röngum ákvörðunum fyrirgera sér réttindin sem þeim hafa verið tryggð, sem bætast í hóp þeirra sem fara í gegnum gjaldþrot og missa þannig húsaskóliið.

Valið er hjá fólkinu sjálfu.

[Jón Tynes (IP-tala skráð) 8.5.2009 kl. 14:00]

Sæll Hallur.

Hér að framan eru athugasemdir um það hverjir eigi að borga fyrir niðurfellinguna. Aðrir tala um húseigendur sem álitlegan markhóp og sv. frv. Það má halda áfram svona leikfimisæfingum í umræðunni. Staðreyndin er hins vegar sú að verulegar líkur eru á að fáir geti, eða vilji, greiða skuldir sínar. Gildir sama hvernig þær eru samansettar. Hvort sem þær eru útbólgnar vegna gengishruns ísl. krónunnar eða innlendrar óðaverðbólgu.

Hver einasti landsmaður er eins og tilhogginn steinn í traustri undirstöðu þjóðarbúsins. Molnar steinninn vegna lélegrar, eða kannski engrar umhirðu þá brestur undirstaðan. Því fleiri steinar sem þannig fer um aukast líkur á að búið hrynur. Eins er það með bankana. Með getu- og viljalausa einstaklinga fær ekki banki þrifist frekar en þjóðfélagið. Svo mega menn stunda hagfræðilega leikfimi fyrir mér. En þeir komast aldrei framhjá þessum einföldu staðreyndum. 

[Magnús Sigurðsson, 8.5.2009 kl. 14:09]

Elfur, það er verið að ræða skuldaleiðréttingu.  Það er óskrifað blað hvað margir missa húsnæði sitt næstu 5 árin, en samt nokkuð ljóst að eign margra mun að engu verða. 

Það er einkennilegt hvað margir sem kenna sig við félagshyggu hafa áhuga á að hneppa íbúðaeigendur í skuldaþrældóm. 

Atvinnusköpun næstu missera felst senilega helst í því að haf tilsjón með þeim sem þurfa greiðsluaðlögun.  Þá hljóta lögfræðingar, viðskiptafræðingar, hagfræðingar og þeir sem áður höfðu vinnu við að selja viðbótarlífeyrissparnaðinn að koma sterkir inn.  

[Elfur Logadóttir, 8.5.2009 kl. 15:02]

Magnús, umsjónarmenn með greiðsluaðlögun eru ekki "tilsjónarmenn" skuldara yfir allan greiðsluaðlögunartímann. Þeir koma greiðsluaðlöguninni á og síðan er starfi þeirra lokið. Skuldarinn gerir rest sjálfur í samstarfi við sinn viðskiptabanka.

Það er heldur ekki rétt að ég hafi einhvern sérstakan áhuga á að hneppa íbúðareigendur í skuldaþrældóm. Það er langt því frá. Ég er hins vegar að reyna að horfa á málin í heild sinni og huga að því hvað áhrif breytingar á höfuðstólum lána hafa á samfélagið og hvort eitthvað myndi við slíkar aðstæður falla á ríkissjóð (sem myndi þ.a.l. hækka okkar skatta). Þess vegna hef ég haldið því fram að því miður sé ekki tækt á þessum tímapunkti að fara í slíkar leiðréttingar en vonandi verði betri aðstæður í framtíðinni sem geri okkur kleift að skoða slíka hluti frekar.

Í millitíðinni er greiðsluaðlögun gott úrræði. Ég er að skrifa bloggfærslu um efnið sem þú ættir kannski að lesa. Þannig gætirðu áttað þig betur á út á hvað úrræðið gengur og hvernig það getur raunverulega hjálpað - og í raun verið það leiðréttingarúrræði sem þú ert að kalla eftir.