Árni Páll leiði þverpólitíska samninganefnd við ESB sem utanríkisráðherra

Árni Páll Árnason sem utanríkisráðherra getur leitt þverpólitíska samninganefnd þar sem allir flokkar eiga fulltrúa í viðræðum við Evrópusambandið. Það er rétt að Samfylkingunni er ekki einni treystandi til að fara í aðildarviðræður við ESB. Slík þverpólitísk samninganefnd er lausnin.

Árni Páll Árnason er rétti maðurinn til að leiða slíkar viðræður fyrst Samfylkingin er við stjórnvölinn. Hann er ekki einungis með mikla og góða þekkingu á Evrópusambandinu og Evrópumálum, heldur hefur hann gegnum tíðina starfað með mörgum ráðherrum úr mismunandi flokkum og þannig sýnt að hann getur unnið á þverpólitískan hátt.

Þar að auki er Árni Páll vel tengdur í Brussel þar sem hann starfaði um árabil hjá NATO fyrir íslensku utanríkisþjónustuna.

Að sjálfögðu yrði utanríkismálanefnd lykilaðili í vinnslu samningsmarkmið. Þar þarf að ná niðurstöðu um samingsmarkmiðin - niðurstöðu sem Samfylkingin getur eðli málsins ekki ráðið ein þar sem Samfylkingin er ekki í meirihluta í nefndinni.

VG verður því að gefa utanríkismálanefnd fullt svigrúm til að ganga frá samningsmarkmiðum á forsendum þeirra fulltrúa sem þar eru - án þess það hætti stjórnarsamstarfinu.

Kemur ekki til greina

Athugasemdir

[Sigríður Jósefsdóttir, 5.5.2009 kl. 15:44]

Árni Páll er síðasti maðurinn sem er treystandi fyrir því að leiða þessar viðræður.  Hann hefur sýnt sig að þvi að vera allt of heilaþveginn af ágæti ESB. 

[Héðinn Björnsson, 5.5.2009 kl. 15:49]

Ég hef efasemdir um að Árni Páll sé góður maður í að ná málmiðlun í þessu máli enda virðist mér hann bæði óbilgjarn og mjög ofsafenginn ESB-sinni. Hann myndi hinsvegar spila beint upp í hendurnar á okkur ESB-andstæðingunum og því myndum við alveg vera sótt við að hann tæki málið að sér.

[Elfur Logadóttir, 5.5.2009 kl. 15:52]

Sigríður, það er rangt hjá þér. Endalaus áróður um heilaþvott og ESB-blindni er hjákátlegur og dæmir sig í raun sjálfur.

Árni Páll, eins og Hallur segir, hefur reynsluna og þekkinguna - og samskiptahæfileikana - til þess að leiða þetta starf og ég myndi glöð styðja hann til verksins. Loksins vorum við Hallur sammála um eitthvað.

Hins vegar á samninganefndin ekki að vera þverpólitísk. Samninganefndin á að vera faglega skipuð okkar hæfustu einstaklingum í þessum efnum, en þar á flokksskírteini engu að ráða. Þannig gætu bæði Framsóknar- og Sjálfstæðismenn auðveldlega verið skipaðir í slíka nefnd - séu þeir hæfastir á því sviði sem þarf í nefndina. Þeir eiga hins vegar alls ekki - undir engum kringumstæðum - að verja hagsmuni Framsóknar- eða Sjálfstæðisflokka, heldur hagsmuni sameinaðs Íslands, Íslendinga allra.

[Elfur Logadóttir, 5.5.2009 kl. 15:52]

(við Hallur erum annars sammála um mjög margt, bara ekki þegar kemur að stjórnmálum :))

[Hallur Magnússon, 5.5.2009 kl. 16:01]

Elfur.

Þverpólitísk nefnd þarf ekki að vera skipuð þingmönnum eða stjórnmálamönnum - heldur sé um nefndina þokkalega þverpólitísk samstaða.

Utanríkismálanefnd er þverpólísk skipuð þingmönnum sem hlýtur alltaf að leika lykilhlutverk þótt hún sé ekki beint í samnignsviðræðum við ESB.

[Elfur Logadóttir, 5.5.2009 kl. 16:47]

Ég veit það Hallur, og ég var að andmæla því að nefndin ætti að vera þverpólitísk, á þeim rökum að það er ekki flokkapólitíkin sem á að skipta hér máli - þvert á móti ætti að útiloka flokkapólitíkina frá málinu.

Við eigum að velja okkar sterkasta fólk fullkomnlega óháð þeirra pólitísku skoðunum og við eigum að krefjast þess af þeim að það tryggi að þeirra hagsmunagæsla verði aldrei á flokkspólitískum nótum í því starfi sem fyrir liggur. Hagsmunir þjóðarinnar, Íslendinganna sjálfra í nútíð og framtíð, eiga einir að vera leiðarljós samningamannanna.

[Haraldur Hansson, 5.5.2009 kl. 16:49]

Ég gef mér að fyrirsögnin sé hugsuð sem grín.

[Sigurður Sveinsson, 5.5.2009 kl. 16:58]

Eru virkilega engin takmörk fyrir þvælunni sem getur oltið upp úr þér? Árni Páll er örugglega hinn vænsti maður. En hann er samt sem áður forsöngvari í ESB kórnum.  Það eru margir með ekki minni þekkingu á ESB en Árni Páll. En það vill svo til að þeir eru flestir andvígir aðildarviðræðum einmitt vegna þekkingar sinnar.Það liggur ekkert fyrir enn um hvort aðildarviðræður fara af stað enda höfum við öðrum þarfari hnöppum að hneppa núna.

[PMG (IP-tala skráð) 5.5.2009 kl. 18:00]

Besti maðurinn og allt hans fólk !

[Evreka (IP-tala skráð) 5.5.2009 kl. 18:10]

Alveg hárrétt hjá þér, Hallur!

Sumir bloggarar hér eru alltof dómharðir og þekkja greinilega ekki til Árna Páls. Hann sýndi m.a. sem formaður allsherjarnefndar, að hann kann að leiða mál til lykta með breiðri samstöðu, í sátt allra flokka. Ég hvet fólk til að hætta þessum skotgrafahernaði og skoða málið með opnum huga - Samfylkingin hefur heitið því að málið verði unnið í samráði við alla hagsmunaaðila. Við skulum frekar fylgja því eftir, að svo verði gert, en ekki skjóta málin í kaf fyrirfram.

Það er líka fráleitt að telja honum það til vansa að vera sérfróður í Evrópumálum. Auðvitað er það kostur!

 Árna Pál í utanríkisráðuneytið!

[Björn Heiðdal, 5.5.2009 kl. 19:00]

Væri ekki best að "málið" verði í unnið í samráði við þjóðina en ekki hagsmunasamtök ESB sinna eins og Evreka vill.  Þó Árni Páll sé örugglega hin vænsti maður og góður við börnin sín þá er hann óhæfur til að sinna opinberum störfum.  Maður sem segir að lygar og blekkingar séu í lagi til að vernda hagsmuni er rangur maður á rangum stað í svona málum.

[Friðrik (IP-tala skráð) 5.5.2009 kl. 20:04]

Rétt mat Hallur

Árni Páll leiðir Þverpólitiska nefnd sem fer fyrir þessum viðræðum.

Allir vita að Árni Páll er vel tengdur og sérfræðingur í ESB og því fáránlegt að hafna honum fyrir að vera of-hæfur.  Hann er best til þess fallinn að leiða slíka nefnd.  

Magnað hversu vitlaust sumt fólk virðist vera hér.  Árni Páll ræður engu um niðurstöðuna heldur við, kjósendur.  

Vilja menn frekar senda ESB andstæðing til að leiða nefndina með fyrirfram ákveðnar skoðanir, líkt og t.d. Björn Bjarnason, frekar en mann sem veit hversu langt við getum seilst og er líklegastur til að ná sem bestum samningum?

Ég er sammála Halli um að Árni Páll sé langhæfastur til þess að leiða slíka þverpólitíska nefnd.

En við, almenningur og kjósendur, eigum svo síðasta orðið um hvað verður og hvað ekki.

Lýðræðislegt og faglegt.

[Árni Björn Guðjónsson, 5.5.2009 kl. 21:11]

Engvir stjórnmálamenn eiga vera í þessari samninganefnd. Aðeins utanþings menn koma til greina.Eingöngu fagmenn, til dæmis menn úr háskólunum. Fráleitt að senda Árna Pál til samningagerðar.

[HH (IP-tala skráð) 6.5.2009 kl. 00:59]

Árni Páll að leiða samninganefnd !!! HA, HA, Ha þið eruð að djóka maðurinn er algjör grautarhaus þá sá maður í allri umræðunni fyrir kosningarnar. þetta er bara uppblásinn monthani.

[Héðinn Björnsson, 6.5.2009 kl. 01:02]

Spurning hvort við gætum sætt tvíkosningarsjónarmiðin með þeim sem vilja sækja veint um með því að leyfa fólkinu í landinu að kjósa sér fulltrúa í samningarnefndina beint.

[Helgi Kr. Sigmundsson, 6.5.2009 kl. 01:59]

Þetta er auðvitað vandræðalegt mál fyrir komandi ríkisstjórn.  Sjálfstæðismenn hafa boðað tvöfalda þjóðaratkvæðagreiðslu um þetta mál og það er auðvitað ennþá fær leið.  Verði hins vegar farin sú leið að leggja það fyrir þing hvort leita eigi eftir aðildarviðræðum, treysti ég Alþingi til þess að kveða upp úr með þetta.  Þannig virkar lýðræðið og við verðum að búa við það.  Á endanum mun þjóðin verða að greiða um samninginn atkvæði sem betur fer.  Tek undir með Bjarna Benediktssyni um að að ekki komi til greina að veita Samfylkingu ótakmarkaða heimild til samninga um þessa aðils að Evrópusambandinu.  Árni Páll er ábyggilega um margt hæfur maður en hann er vissulega einn af þeim sannfærðu og ekki víst að hann myndi ná samhljómi í þessu máli.

Annars eru þetta góðar og nauðsynlegar vangaveltur hjá þér Hallur eins og svo oft áður.

[Jón Tynes (IP-tala skráð) 6.5.2009 kl. 08:18]

Sæll Hallur.

Ein síðbúin. Maður sem hefur haft undir Hafnarfjarðarkrata í eigi flokki, já það má kíkja á hann