Björgvin styrkir stöðu Steingríms J. sem forsætisráðherraefnis!

Björgvin Guðmundsson styrkti verulega stöðu Steingríms J. sem forsætisráðherraefnis í mögulegri vinstri stjórn með því að setja aðildarviðræður að Evrópusambandinu sem ófrávíkjanlegt skilyrði Samfylkingar fyrir stjórnarsamstarfi við VG.

VG þarf því ekki að verða stærri en Samfylking - sem vel gæti orðið - til þess að fá forsætisráðherraembættið fyrir Steingrím J. VG getur sett það sem skilyrði ef flokkurinn samþykkir að fara í aðildarviðræður.

O-listi fengi fjóra

Athugasemdir

[Evreka (IP-tala skráð) 21.4.2009 kl. 11:34]

Þetta er fráleit túlkun, enda er Steingrímur á fínum stað í fjármálaráðuneytinu og ekkert bendir til þess að hann ætli að fara að krefjast forsætisráðuneytis. Þetta ítrekaði hann síðast hjá Sölva á Skjá einum um helgina.

Auk þess skiptir það miklu minna máli heldur en málefnið sjálft. Það verður að fara í aðildarviðræður við Evrópusambandið og það sem allra, allra fyrst. Hvernig raðað verður í ráðherrastóla skiptir minna máli.

Annars var þessi "yfirlýsing" Björgvins G. engin frétt, hann hefur sagt þetta sama margsinnis í þinginu, á pressan.is og víðar. Það sama sagði Árni Páll í gær og jafnvel sjálf Jóhanna, bæði í zetunni á mbl.is og á ársfundi Seðlabankans sl. föstudag. Svo halda fréttemenn og bloggarar að Björgvin hafi verið að segja eitthvað nýtt...

Atli Gísla var hinsvegar mun harðari gegn ESB umsókn heldur en mörg flokkssystkini hans. Og það er auðvitað ekki boðlegt af honum að segja að flokkarnir séu sammála um að vera ósammála um þetta - því þeir eru alls ekkert sammála um það!

Mestu skiptir að Samfylkingin er að taka eina rétta kúrsinn; þeir sem vilja að Ísland sæki um aðild að Evrópusambandinu einfaldlega VERÐA að kjósa Samfylkinguna. Atkvæði á aðra flokka vinna beinlínis gegn því markmiði.

Það er nú eða aldrei, loks er kosið um aðild að Evrópusambandinu :)

[Gísli Ingvarsson, 21.4.2009 kl. 11:50]

Þetta lá alltaf fyrir. Steingrímur mun fara fram á að VG verði í forystu stjórnar sem sendir fullrtúa til aðildarviðræðna. Steingrímur er ekki neinn kjáni. Utanríkisráðherran verður frá Samfylkingunni til að tryggja að þeir hafi diplómatíska forystu í málinu. Hvernig ætti þetta annars að gang upp. Jóhanna hefur fengið sinn tíma uppfylltan og verður held ég ekki einbeitt í að halda áfram með forsætisráðuneytið. Ef VG vill ekki taka þátt í aðildarumsókn eru þeir búinr að mála sig út í horn með Sjallanum og það er ekki nein óskastaða að lenda í þeim félagsskað eftir kosningar.

[Magnús Bjarnason (IP-tala skráð) 21.4.2009 kl. 12:05]

Ég held að þetta sé ekki rétt greining hjá þér. Ég held að þetta auki líkur á stjórnarsetu Framsóknarflokksins í næstu kosningum. Þannig að Björgvin G. gæti verið að skaffa ykkur stjórnarsetu!

Ef síðustu kannanir eru réttar þá eru líkur á S-B-O meirihluta. Það eru þeir flokkar sem eru tilbúnir í aðildarviðræður við ESB. Þannig að ef VG eru harðir á Píningsdómi sínum, þá gæti það vel skilað þeim aftur í stjórnarandstöðu.

Þannig ef Framsókn nær að veiða atkvæði frá munaðarlausum íhaldsmönnum sem ekki geta  hugsað sér samfó, þá eru líkur á stjórnarsetu ykkar. 

[Gísli Baldvinsson (IP-tala skráð) 21.4.2009 kl. 12:08]

Varlega Hallur! Síminn hjá þér gæti hringt á laugardagsnótt!

[Marteinn Unnar Heiðarsson, 21.4.2009 kl. 12:41]

ESB

Manni er farið að gruna að sambó hafi lofað ESB ráðherrunum eitthvað og þegið mútur styrki frá ESB í staðin og sama má sega um formenn ASÍ og marga aðra sem lofa ESB í hástert allavega er þetta fólk ekki að hugsa um hag þjóðarinnar það er einhverjar skrýtnar kendir þar að baki!!!!Afhverju vill þetta fólk ekki ræða um Dollar sem gengi fljótar fyrir sig og ekki þarf að láta fullveldi landsins á móti einsog sambó og ASÍ vilja gera.Það þarf ekki að fara í aðildarviðræður við vitum um 98% reglunum og hvað við fáum en það eru þessi 2% sem eru aðalmálið og allt snýst um .Það er nóg að senda 2 fúlltrúa þarna út til Brussel með eitt bréf sem í stendur þetta er það sem við viljum halda að fullu hér semsagt fiskimiðin-landbúnaðurinn-og okkar dýrmæta orka og náttúra og hvað viljið þið gera?ekki einfaldara.Og svarið verður stutt og laggott frá ESB farið bara heim aftur við höfum ekkert við ykkur að tala.Muna bara að kjósa ekki þennan spyllinga flokk sem vil afsala okkar sjálfstæði.

[Hallur Magnússon, 21.4.2009 kl. 23:31]

Gísli!

Ég verð á Hótel Borg!