Löngunin að kefla mann og annan

Ég skal viðurkenna að það hafa komið stundir þar sem ég hef hugsað hvort ekki væri rétt að Vilhjálmur talaði minna. En að þvinga manninn til þess að þegja - í krafti fjármagns - það er náttúrlega galið.

Þetta kemur mér ekki alveg á óvart - ég var sjálfur ekki mjög vinsæll hjá stóru bönkunum þegar ég varði Íbúðalánasjóð með kjafti og klóm - og benti á veikleika í útlánaþenslu bankanna og gagnrýndi Seðlabankann fyrir aðgerðarleysi og rangar ákvarðanir sem nú hafa komið okkur um koll.

Ég er viss um að bankarnir hefðu viljað sjá okkur báða keflaða á tímabili.

En maður á að segja það sem manni finnst!

Vildu Vilhjálm Bjarnason burt

Athugasemdir

[Benedikt Sigurðarson, 9.2.2009 kl. 09:07]

Gagnrýni og opin umræða er bæði samfélagsleg, lýðræðisleg og efnahagsleg nauðsyn.    Látum aldrei þagga niður í okkur . . . .

[EE (IP-tala skráð) 9.2.2009 kl. 09:08]

Fyllilega sammála.

EE elle

[Ketill Sigurjónsson, 9.2.2009 kl. 09:59]

Já. Rétt eins og stráksinn sagði í Cheerios-auglýsingunni hér í Den!

[Gísli Tryggvason, 9.2.2009 kl. 11:16]

Sammála; maður á að segja það sem manni finnst - líka um svonefnda verðtryggingu.