Lausnin og svarið er Sigmundur Davíð og Framsókn!

"Efnahagshrunið, óðaverðbólgan, gengisþróunin, atvinnuleysið og markaðs-hrunið er að koma mjög hart niður á þeim sem síst skyldi og minnsta ábyrgð bera, þ.e.a.s. heimilunum í landinu, segir í yfirlýsingu frá stofnfundi Hagsmunasamtaka heimilanna"

Lausnin og svarið er Sigmundur Davíð og ung Framsókn nýrra tíma sem Framsóknarmenn kusu með hjartanu og gerðu þannig upp við möguleg mistök fortíðar.

Það vita það allir sem vilja vita að það er fyrst og fremst aðgerðarleysi og klúður núverandi staðnaðar ríkisstjórnar Samfylkingar og Sjálfstæðisflokks sem sett hafa okkur í þjóðargjaldþrot, þótt gamla Framsókn eigi þar einhverja sök fyrir mistök í lagaumhverfi íslenskra fjármálastofnanna.

Framsókn hefur gert upp fortíðina og gefið tóninn með nýja, unga og öfluga forystu á sama tíma og aðrir flokkar, Samfylking, Sjálfstæðisflokkur og Vinstri grænir hanga enn með gamla liðið og standa getulaus frammi fyrir þjóðinni.

Það þarf ferska Framsókn til að bjarga þjóðinni.

Já, lausnin og svarið er Sigmundur Davíð og ung Framsókn nýrra tíma sem Framsóknarmenn kusu með hjartanu og gerðu þannig upp við möguleg mistök fortíðar.

Inntökubeiðni í Framsókn nýrra tíma

Heimili að verða gjaldþrota

Athugasemdir

[Hörður B Hjartarson, 19.1.2009 kl. 00:56]

 Venju samkvæmt hefur það ekki staðið í þeim "heiðursmönnum" að vanda sig við að segja sannleikann , og ekki hefur nú spillingin verið við völd þar aldeilis ekki , að maður tali ekki um að þar fer f(l)okkur þar sem ætíð hefir ríkt einurð um alla hluti . Já ekki spurning ég kysi framsókn ef ég vildi fara til helvítis .

[Hallur Magnússon, 19.1.2009 kl. 01:02]

Hörður!

Viltu ekki setja upp lesgleraugun þín og lesa bloggið mitt aftur - ekki með fordómum heldur sanngirni!

[hilmar jónsson, 19.1.2009 kl. 01:04]

Hallur trúarsannfæring þín minnir á Heimdellinga á kaldastríðsárunum. Eða er þetta örvænting ?

Framsóknarflokkurinn á að mínu mati jafn mikið erindi við þjóðina og minkur við hænsnabú.

[Guðrún Jónína Eiríksdóttir, 19.1.2009 kl. 01:10]

Því miður varð ég fyrir vonbrigðum með Valgerði þegar hún sagði að þetta bankahrun væri ekkert framsókn að kenna. Fyrsta skrefið hjá (nýrri framsókn) er að þeir gömlu viðurkenni það sem þeir gerðu rangt. Og framsókn var í stjórn í mörg ár (með Davíð) og þeir leyfðu þeim ríku að verða ríkari og fátæku fátækari.  Vonandi stendur Sigmundur Davíð sig frábærlega vel og kemur framsókn aftur á blað.

[Guðrún Jónína Eiríksdóttir, 19.1.2009 kl. 01:12]

Ég er ekki flokksbundin af neinum flokki(hef samt aldrei kosið Dið)

[Hallur Magnússon, 19.1.2009 kl. 01:14]

Guðrún.

Þú ættir að lesa alla ræðuna - ekki fyrirsagnir fjölmiðla.

Valgerður sagði einmitt að möguleg mistök í lagasetningu hefðu verið gerð "...á vakt okkar "  (lesist Framsóknar).  Hins vegar gat hún ekki - eðli málsins vegna - tekið ábyrgð á mistökum á mistök ofan - sem núverandi ríkisstjórn hefur gert.

Finsnt þér sanngjarnt að hún taki á sig alvarleg mistök Samfylkingar og Sjálfstæðisflokks á undanförnum mánuðum?

[Hörður Már Karlsson (IP-tala skráð) 19.1.2009 kl. 01:21]

Hallur við sama heygarðshornið ekki viðurkenna neitt. Er þetta góð byrjun á nýjasta kennitöluflakkaranum framsóknarflokknum.

[Gunnar Th. Gunnarsson, 19.1.2009 kl. 01:22]

Ég vil sjá VG stjórna landinu eftir næstu kosningar. Græna framboðið mun verða við stjórnvölinn í nokkra mánuði, en þá springa þeir á limminu. Þá verður kosið að nýju og bjartir tímar verða með Sjálfstæðisflokknum og "Nýju Framsókn".

[Svanfríður Lár, 19.1.2009 kl. 01:54]

Skiptir máli hvað flokkurinn heitir. Eiga þeir ekki allir sök á því hvernig fyrir þjóðarbúinu er komið. Og mun eitthvað breytast á meðan fjölskyldu- og klíkupólitík er hér við völd? Vonandi er framsóknarþingið ávísun á það sem koma skal hjá öllum flokkum. Hallarbylting og ferskir vindar.  Til hamingju Framsóknarmenn.

[Níels Sigurður Þorvaldsson Dreki #36, 19.1.2009 kl. 02:19]

Ég er alveg viss um að þetta verði til að styrkja Framsóknaflokkinn í framtíðinni því þetta er það sem þjóðin hefur verið að kalla eftir semsagt nýtt blóð. Sjálfstæðismenn mættu taka þá til fyrirmynda og losa sig við nokkra æðstu stjórnendur í flokknum hjá sér, sérstaklega þennan sem er í Seðlabankanum og stjórnar eins og Einræðisherra sjálfstæðisflokknum bak við tjöldin    Þetta á einnig við um alla hina flokkana nýtt og ferst blóð á Alþingi og þjóðin verður sáttari en hún er í dag.

[Baldvin (IP-tala skráð) 19.1.2009 kl. 03:42]

Þú ert að djóka er það ekki?

Kjósa mafíuna sem leiddi þetta allt saman yfir okkur ásamt Sjálftökuflokknum?

Hvar eru peningarnir sem stolið var úr brunabót-samvinnutryggingum... sem flokksfélagar í Framsókn stálu?

[Sigurveig Eysteins, 19.1.2009 kl. 04:36]

 þetta er ekki að virka Hallur..... ég er ansi hrædd um að fólkið í landinu hafi eitthvað meira en gullfiskaminni,  þó það hafi virkað ágætlega fram að þessu,  ekki lengur,  bara af því að þið eruð ekki búin að vera í stjórn í nokkra mánuði, nýjan flokk, ykkur getur ekki verið alvara, þetta er allt sama liðið.

[Þorsteinn Sch Thorsteinsson (IP-tala skráð) 19.1.2009 kl. 08:02]

"Lausnin og svarið er Sigmundur Davíð og ung Framsókn nýrra tíma..."

Ég átti ekki von á þessu svari frá ESB sinna eins og þér, en ég hefði haldið það væri New World Order Tyranny-ið, Elítan í ESB og núna EU Calls For 'New World Governance'

Og hérna endilega þá bið ég að heilsa Committee of 300 (eða þessum 300 ríkustu fjölskyldum heims) Já New World

Order Tyranny-inu og allri Central Banks elítunni Rockefeller og Rothschild

liðinu sem ræður ríkjum bakvið tjöldin í ESB. 

[Þorvaldur Guðmundsson, 19.1.2009 kl. 08:55]

Framsóknarflokkurinn er svona eins og Pamela Anderson sem lætur pumpa aðeins í brjóstin varirnar og rasskinnarnar og lætur strekkja á krumpuðu skinninu og heldur síðan að nú muni hún leika stórkostlega í næstu bíómynd. En aumingja Pamela verður bara áfram Pamela = lélegur leikari.

[Guðrún Jónsdóttir, 19.1.2009 kl. 09:40]

Sigmundur Davíð er fínn, til hamingju með nýja formanninn en ef þið viljið ná inn í næstu kosningum þá viðurkennið þið/þeir sem voruð við völd og báruð ábyrgð. Losið ykkur við þá/þær sem landsmenn vilja ekki sjá og þá fyrst fer framsókn að rísa upp úr öskunni

[Heiða B. Heiðars, 19.1.2009 kl. 10:19]

"möguleg" mistök??

Heldurðu virkilega að svona frasar verði ykkur til framdráttar? Ég veit ekki hvað það er sem þarf að gerast til þess að Framsóknarflokkurinn...gamall eða nýr.... komist í námunda við það að vera í takt við þjóðina.
Framsóknarflokkurinn sem hefur alið af sér menn eins og Finn Ingólfsson og Ólaf Ólafsson getur ekki talað um "möguleg" mistök og ætlast til þess að fólk taki "nýjungarnar" trúanlegar

[han. (IP-tala skráð) 19.1.2009 kl. 10:40]

Hvaðan kemur þessi ungi piltur Sigmundur Davíð Gunnlaugsson ?

Hverra manna er hann ?

Tengist hann hvergi spillingu ?

Eru engir aurar að baki honum ?

Bara forvitni að vestan.

[Guðmundur M. Skúlason (IP-tala skráð) 19.1.2009 kl. 10:42]

Það er alveg ótrúlegt hvað fólk lifir í fortíðinni. Framsókn er að stíga það skref sem var orðið nauðsynlegt bæði í framsókn sem og öllum íslenskum stjórnmálum! Ef að fólki finnst það slæmt að framsókn stígi þetta stóra skref í að rífa upp þjóðina á ný þá held ég að sá einstaklingur eigi eftir að sökkva með núverandi ríkisstjórn neðar í svaðið. Breytinga var þörf og það var það sem þjóðin vildi og þar erum við framsóknarmenn í forystu sama hvort bitrir sjálfstæðismenn og aðrir líkar betur eða verr. ég held að það sé skinsamlegra að vera í flokki sem framkvæmir það sem þjóðin vill frekar en flokk sem lætur gömlu svikarana stjórna í einu og öllu í grasrótinni þó þeir viðurkenni ekki að þeir hafi nein áhrif! Sem er bara bull !!!

[Gunnar Th. Gunnarsson, 19.1.2009 kl. 11:00]

Sigmundur var eitt sinn fréttamaður á ríkissjónvarpinu og fór svo í nám erlendis. Faðir hans er (var?) nokkuð stöndugur stjórnandi í stórfyrirtæki, ef ég man rétt. En skiptir það einhverju máli? Þurfa menn að vera ættlausir til þess að taka þátt í pólitík?

Á tortryggnin að ná út yfir gröf og dauða?

[Jón Tynes (IP-tala skráð) 19.1.2009 kl. 11:24]

Ég óska Framsókn til hamingju með nýja forustu. Ljóst er að "flokkseigendafélagið" á ekkert lengur. Nýja forustan verður strax að taka afstöðu gegn fjármálahátterni margra þekktra framsóknarmanna og skýra þjóðinni frá því. Verkin verða að tala, annars heldur draugagangurinn áfram.  

[Heiða B. Heiðars, 19.1.2009 kl. 11:40]

Tja Gunnar... ég veit ekki.
Stjórnandi í mjög svo stöndugu fyrirtæki sem heitir Kögun. Hvernig æxlaðist það svo að Gunnlaugur Sigmarsson eignaðist það fyrirtæki?

[Baldur Hermannsson, 19.1.2009 kl. 11:47]

Það var massíf framsóknarspilling í kringum föður hans, sem var þingmaður framsóknarflokksins - þetta er staðreynd en hitt er líka staðreynd að menn eiga ekki að gjalda föðurhúsanna.

[Sigríður B Svavarsdóttir, 19.1.2009 kl. 11:55]

Til hamingju Hallur með nýja forustu framsóknarmanna.  Nú vona ég að Sigmundur verði fylgin sér og lýti fram á við.. láti ekki spillingu fyrri tíma hafa áhrif á sig, og nái að mynda nýja sýn til framtíðar. Ég treysti á heiðarleika hans og virðingu fyrir landsbyggðinni í heild, og mun fylgjast spennt með.  Þið höfðu kjark til breytinga fundagestir.. vei fyrir ykkur..

[Sigurður Þórðarson, 19.1.2009 kl. 15:11]

Ég kann vel við Simma.

[Sigurveig Eysteins, 19.1.2009 kl. 16:22]

Ótrúleg bull skrif,  Guðmundur M. Skúla  skrifar: lætur gömlu svikarana stjórna ???  Var það ekki framsókn og sjálfstæðið ??? hvað manstu langt ???  Framsókn ber jafn mikla ábyrgð og sjálfstæðið, það eru þeir sem setu okkur á hausinn. Haldið þið virkilega að fólk sjái ekki í gegnum þetta, nýjan flokk hvað ???  þetta er aumkunarverð tilraun hjá ykkur Framsóknarmönnum, farið þið svo ekki bara í stjórn með sjálfstæðinu aftur ??? sumir eru gjörsamlega blindir og læra ekki af reynslunni, eru stöðugt að ganga á sama vegginn. Ég er ekki flokksbundin, þoli bara ekki spillingu og óheiðarleika, sem er í öllum flokkum.

[itg (IP-tala skráð) 19.1.2009 kl. 18:59]

Hallur, við þurfum ekki framsóknarflokkinn til að bjarga okkur.  Við munum lifa þrátt fyrir hans atbeina.

En þetta með möguleg mistök..haha.  Vitið þið ekki hvort þið gerðuð mistök?.  Voru bara allir sofandi?.

[Einar Sigurbergur Arason, 21.1.2009 kl. 01:52]

Lýðræðið ræður. Framsóknarflokkurinn er fólkið í flokknum. Það sýndi í verki að það var ekki sátt við þennan tíma sem Framsókn beygði til hægri. Margir framsóknarmenn vilja gömlu gildin, samstarf, félagshyggju ..

Samt skrifa hér margir eins og þeir sjái þetta ekki. Þeir halda að Framsókn sé valdaklíkan í flokknum. Þessi valdaklíka átti sér sitt upphaf, og sveigði flokkinn til hægri í tíð Halldórs Ásgrímssonar. Nú er búið að kveða þessa valdaklíku gersamlega niður.

Þeir sem sjá þetta ekki, ættu að panta tíma hjá augnlækni. Og hlífa okkur hinum við bullinu sínu þangað til þeir eru búnir að hressa upp á sjónina.

Mistök eða möguleg mistök? Klárlega gerðu framsóknarmenn mistök, en þeir sem báru ábyrgð á þeim mistökum eru horfnir úr brúnni. Leyfið okkur grasrótinni að njóta sannmælis; við gerum meiri kröfur en svo að líða þetta áfram.

[Gunnar Th. Gunnarsson, 21.1.2009 kl. 02:39]

Sigmundur olli mér vonbrigðum á ÍNN hjá Ingva Hrafni. Frekar fálmkenndar tillögur sem byggjast á því er virðist að ganga með betlistaf í hendi.