Kjósum í vor - aðildarviðræður við ESB í sumar - innganga um áramót!

Við verðum að kjósa í vor vegna efnahagsástandsins. Alþingismenn verða að fá endurnýjað umboð til að geta tekist á við efnahagsmálin með stuðningi þjóðarinnar. Notum tækifærið og kjósum samhliða um það hvort við eigum að ganga til viðræðna við Evrópusambandið.  Það er að myndast breið pólitísk sátt um það eftir að VG opnuðu málið.

Hefjum aðildarviðræður í sumar ef sú tillaga verður samþykkt.

Þá getum við kosið um niðurstöðuna í haust - og gengið í Evrópusambandið um áramót samþykki þjóðin það í þjóðaratkvæðagreiðslu.

Það er ekki eftir neinu að bíða - og það eru ekki mörg málin sem þarf að semja um - flest liggur þegar fyrir. En málin sem þarf að semja um eru stórmál fyrir okkur - en væntanlega ekki eins mikilvæg fyrir ESB.

Ísland gæti keppt um að verða 28. ríki ESB

Athugasemdir

[Baldvin Jónsson, 10.12.2008 kl. 10:44]

Hallur, ertu ekki að láta glepjast af ESB umræðunni núna?  Geturðu talið upp fyrir mig 3 atriði sem að bæta hag okkar með því að ganga í ESB að Evrunni undanskilinni?

Ég hef ekki trú á því....

[Fannar frá Rifi, 10.12.2008 kl. 10:57]

Baldvin. ESB og evran er svo góð fyrir bankanna og fjármálafyrirtækinn.

Síðan má ekki gleyma að meðan við eyðum allri orkunni í ESB umræðuna þá geta þeir sem settu landið á hausinn grafið yfir allt samann á meðan engin fyglist með þeim. 

[Arnar Geir Kárason (IP-tala skráð) 10.12.2008 kl. 11:02]

Hallur ég er sammála þér með kosningarnar í vor.  Það sem mótmælendur hinsvegar hafa verið að öskra á eru kosningar STRAX.  Það eru aðallega 2 ástæður fyrir því að kosningar þurfa að fá að bíða.  1. Það gefur núverandi stjórn tækifæri til að takast á við þau verkefni sem eru fyrir höndum. 2. Það gefur komandi ríkisstjórn og kjósendum tíma til að setjast niður og plana hvað það vill gera.
Við verðum engu bættari með því að setja inn einhverja apaketti í einhverju oforsi og tel ég að mótmælendur þurfi flestir að draga djúpt andann og telja upp á 10.

Annars tek ég heilshugar undir með Baldvin.  Nefndu fyrir mig 3 atriði sem bæta hag okkar við inngöngu í ESB.  Þú mátt telja gjaldmiðilinn með mínvegna ef þú telur það vera kost.

[Baldvin Jónsson, 10.12.2008 kl. 11:05]

Arnar Geir, mótmælendur hafa verið þér sammála heyrist mér. Það eru aðeins stjórnarandstöðuflokkarnir sem með illa tímasettri vantrauststillögu byrjuðu þessa umræðu um kosningar strax.

Mótmælendurnir hafa flestir frá upphafi verið að kalla eftir yfirlýsingu um kosningum í vor.

[Haraldur Hansson, 10.12.2008 kl. 11:22]

Fannar: Sniðugt (fyrir mig) að sjá kommentið þitt í ljósi þessarar færslu.

Hallur: Samkvæmt áliti Framsóknar frá því í mars í fyrra er meginforsendan fyrir ESB umræðum "langvarandi jafnvægi og stöðugleiki í efnahagsmálum." Er ekki þessi meginforsenda horfin með bankahruninu?

- eða: Hafa formannskiptin í Framsókn haft afgerandi áhrif á stefnu flokksins í málinu? (Í þessu felst ekki gagnrýni á að menn breyti afstöðu sinni, bara efnisleg spurning.)  

[Guðrún Vestfirðingur (IP-tala skráð) 10.12.2008 kl. 11:28]

Að kjósa í vor, hvern eigum við að kjósa ? Ég veit ekki um neinn allavega ekki þá sem eru á þingi núna.

[Einar Áskelsson (IP-tala skráð) 10.12.2008 kl. 11:32]

Ef ásættanlegir samningar nást um t.d. stjórn fiskveiða og lögsögunnar og orkuauðlinda, hvaða 3 atriði myndu mæla á móti því að ganga í ESB?

[Pétur K Hilmarsson (IP-tala skráð) 10.12.2008 kl. 11:33]

Hvenær ætla menn að opna augun.

Nokkrar ástæður.

1. Aðild að seðlabanka Evrópu gerir gjaldeyrisskiptin yfir i Evru ódýrari þar sem við getum skipt krónunum fyrir evrur, auk þess að fá hlutdeild í hagnaði af seðlaútgáfu.
2. Aukið traust fyrir erlenda fjárfesta.  Ef menn hafa ekki tekið eftir því þá er Ísland orðið að Nígeríu norðursins.  Útlendingar þora ekki að koma með peninga hingað til fjárfestinga.  Með fullri aðild að Evrópusambandinu fæst aukið traust þar sem menn munu treysta því að reglur sambandsins munu gilda hér.
3. Samtrygging og öryggi.  Evrópusambandið styður með styrkjum ýmis verkefni eins og samgönguframkvæmdir ofl. í fátækari löndum sambandsins.  Við skulum átta okkur á því að við búum á mörkum hins byggilega heims og ýmsir fleiri slæmir hlutir en fjármálakreppa geta gerst eins og við þekkjum úr okkar sögu t.d. þrálát hafísár og risaeldgos.  Ef við erum innan Evrópusambandsins þá höfum við ákveðin rétt á hjálp eins og við munum hjálpa öðrum.
4. Áhrif á ákvaðranatöku.  Við tökum núna við ca 70% af löggjöf sambandsins án þess að hafa nokkur áhrif.  Fyrir nokkrum árum munaði litlu að það yrði samþykkt innan sambandsins að banna notkun fiskmjöls við fóðurgjöf.  Þetta hefði haft mikil áhrif á okkar fiskimjölsiðnað.  Þó að við séum smáþjóð þá hefðum við samt áhrif.  Áhrif lítilla ríkja eru innan sambandsins hlutfallslega miklu meiri en stórþjóða enda kvartar kanslari Þýskalands reglulega yfir þessu ægivaldi smáríkja (sem flest aðildarríkin eru).

[Loftur Altice Þorsteinsson, 10.12.2008 kl. 11:38]

ESB heldur, að nú sé bara eftir að draga þorskinn Ísland á land, en það skal ekki verða. Menn ættu að kynna sér hvernig Liðhlaupanum frá Arkansas - Bill Lewinski Carter, með hjálp IMF tókst að flæma frá völdum Suhartu forseta Indónesíu. Ekki það að ég hafi haft dálæti á Suharto, en er ekki handbragðið hið sama, sem við þekkjum frá Gordon Bulldog Brown og ESB ?

Undan ESB-skrímslu getum við komist, með Myntráði og gjaldmiðili sem studdur er við US Dollar. Hér má lesa um útfærsluna: http://altice.blog.is/blog/altice/entry/731502/

[Einar Sigurbergur Arason, 10.12.2008 kl. 12:12]

Hallur: Ertu þá ekki að meina fyrri þjóðaratkvæðagreiðslu af tveimur, sbr. hugmynd Framsóknar og VG um tvöfalda þjóðaratkvæðagreiðslu?

Mér er efst í huga að ef við sækjum um aðild þá þarf að vera breið pólitísk sátt, ekki bara á þingi, heldur við þjóðina.

Annað sem mér dettur í hug í þessu sambandi er þörfin á góðri sátt innan Framsóknar um þessi mál. Mér virðist landslagið vera þannig að annars vegar er stór hópur sem vill eindregið í aðildarviðræður og telur sig vera í meirihluta innan flokksins. Er það kannski. Hins vegar eru flokksmenn sem eru tortryggnir, og eflaust eru margir þeirra tengdir landbúnaði og sjávarútvegi. Á meðal þeirra er trúlega tryggasta fylgið sem flokkurinn hefur átt. Hann gæti nánast þurrkast út á SV-horninu - ef allt fer á versta veg - en hann gerir það ekki á landsbyggðinni meðan hann á þar tryggt fylgi. Erum við að rugga bátnum í því efni?

Miklu skiptir með næsta formann að hann reynist hæfileikaríkur mannasættir. Að við öll teljum hann ganga erinda okkar, það verði ekki bara annar armurinn í ESB-hugmyndinni sem finnst hann vera sinn maður.

[Þorgils Hlynur Þorbergsson (IP-tala skráð) 10.12.2008 kl. 12:50]

Sæll Einar. Það er áhugavert að lesa þetta blogg og vangaveltur um ESB. En mikið óskaplega þykir mér leiðinlegt að sjá þegar talað er um að formaðurinn gangi erimda okkar... auðvitað rekur hann erindi okkar, hann er erindreki okkar. Enginn getur gengið erinda annarra en sjálfs sín, af eðlilegum ástæðum. :-)

Kær kveðja, Þorgils Hlynur.

[Loftur Altice Þorsteinsson, 10.12.2008 kl. 13:03]

Menn ættu aðeins að staldra við og hugsa málið. Að minnsta kosti 100 lönd eru í nákvæmlega sömu stöðu og við, hvað varðar vanda af vanþróuðu hagkerfi, sem ekki ræður við sveiflur á gengi gjaldmiðilsins. Vanþróað hagkerfi merkir, að þessi þjóðfélög fá yfir sig holskeflu af verðbólgu, ef gjaldmiðillinn lækkar.

Til samanburðar getum við litið til Dollara-svæðisins, sem ekki haggast þótt Evran hreyfist, sem er þó nærst-stærsta myntsvæðið. Þessu má líkja við olíu-tunnu (Ísland) og olíu-skip (Dollara-svæðið), á úfnu úthafi. Blasir ekki við, að þessum vanþróuðu hagkerfum er nauðsyn að binda gjaldmiðil sinn við olíu-skipið og það tryggilega?

Eini kostur okkar Íslendinga er að tengja gjaldmiðil okkar við Dollar, með beinni upptöku hans, eða á þann frábæra hátt sem Myntráð leyfir.

Dollar Strax !

[Sigurður Hrellir, 10.12.2008 kl. 13:11]

Hallur, hér erum við allavega sammála.Ósköp leiðist mér hvað fólk gefur sér það fyrirfram að ekki náist sanngjarn aðildarsamningur við ESB. Ef Ísland þyrfti að afsala sér einhverjum fiskveiðiheimildum í framtíðinni (sem er ekki fullreynt), hvað fengist þá í staðinn? Það er eins og fólk vilji ekki hugleiða það. Það væri hægt að útbúa langan óskalista sem kæmi á móti því sem við legðum til. Svo snýst ESB líka um samtryggingu og frið í álfunni sem er vissulega hagur okkar eins og allra hinna.

Íslendingar eru upp til hópa svo illa haldnir af mikilmennskubrjálæði að þeir trúa því enn að þeir séu öðrum þjóðum fremri á flestum sviðum.

[Baldvin Jónsson, 10.12.2008 kl. 13:52]

Friðarstefna ESB er hernaðarlegs eðlis Sigurður Hrellir, er það friður sem við viljum taka þátt í?

Ég er sammála því að aðildarviðræður eru besta leiðin til þess að fá svör, en um leið og skýr svör liggja fyrir þarf málið í þjóðaratkvæðagreiðslu.

Ég vil horfa á þetta allt saman án glýgjunnar sem virðist svo oft fylgja þessari ESB umræðu. Nú m.a.s. eru Samtök Fjárfesta orðin svo heit fyrir ESB að þau buðu Göran Persson til Íslands til þess að sannfæra okkur.

[Arnar Geir Kárason (IP-tala skráð) 10.12.2008 kl. 14:00]

Baldvin, það er allt í lagi að fara í aðildarviðræður og láta þjóðina kjósa.  Þeas ef að þjóðin fær upplýst það sem í boði verður og það sem við getum gert.   Ég myndi vilja sjá það gert þannig að aðildarviðræðunum yrði sjónvarpað beint til allra landsmanna.

Án þess að baugsmiðlar setji sinn stimpil og fari að mata fólk af einhverri vitleysu.  Þeir hafa gert nóg af því hingað til.

[Sigurður Hrellir, 10.12.2008 kl. 14:28]

Ég er reyndar mjög hissa á því hvernig mörg stór samtök og málsmetandi menn virðast vera búnir að mynda sér skoðun á samningi sem enn hefur ekki verið ræddur eða gerð nein drög að (eftir því sem ég best veit).

Baldvin, ég veit að ESB er ekki alltaf til fyrirmyndar í hernaðarlegu tilliti en það er vissulega ákveðin huggun í því að erkifjendur innan Evrópu séu núna í sama liði. Við erum þó allavega sammála um það að fara í aðildarviðræður og sjá hverju þær skila. Að sjálfsögðu á að fella þann dóm fordómalaust í þjóðaratkvæðagreiðslu.

[Jón Logi Þorsteinsson, 10.12.2008 kl. 15:04]

Svo best ég veit er ekki búinn til samningur fyrir sérhvert ríki, heldur fær ríkið eingöngu eitthvað ákveðið svigrúm í tíma til að ganga að regluverki ESB.

Það er ekkert um það að ræða að Ísland verði undanskilið þessu og hinu, t.d myndi sjávarútvegsstjórnin fara til Brussel.

Evru myndum við ekki fá fyrr en að við uppfyllum skilyrði seðlabanka Evrópu um styrk og stöðugleika í vissan tíma, og það gæti orðið langt í það.

Bendi þó á að það eru 11 ríki með evruna án þess að vera í ESB, þar af 6 án samþykkis ESB. ESB hefur sem sagt leyft upptöku evru án aðildar, en það hefur líka verið orðað að refsiaðgerðum yrði hugsanlega beitt væri sú leið farin.

Mér líst alltaf betur og betur á Dollarahugmyndina....

[Kári Sölmundarson, 10.12.2008 kl. 16:15]

Er ekki Óli frá Reini nýbúinn að segja að það taka eitt ár að klára samning, síðan þurfum við að kjósa um hann tvisvar, síðan þurfa öll hin löndin 27 að samþykkja líka.  Sambandsinnar verða að fara að læra að telja!

Ferlið tekur 2-3 ár ef við fáum flýtimeðferð

[Theódór Norðkvist, 10.12.2008 kl. 16:30]

Enginn Íslendingur með sjálfsvirðingu vill inngöngu í ESB, mafíu sem beitti Ísland fjárkúgun og hótunum vegna fáeinna glæpamanna sem rændu sparifjáreigendur í Bretlandi.

[Óðinn Þórisson, 10.12.2008 kl. 20:05]

Ríkisstjórnin er með nefnd í málinu og Sjálfstæðisflokkurinn er líka með nefnd að vinna málið.
Hvað meira viltu ?

[Torfi Hjartarson (IP-tala skráð) 10.12.2008 kl. 20:11]

Það var lagið - kosningar ekki seinna en í vor og þjóðaratkvæðagreiðsla um ESB í kjölfarið.

Látum ekki glepjast af hræðsluáróðri útgerðarmanna (lesist: gjafakvótaaðalsins) sem vill halda áfram að ryksuga sjóinn og fjárhirslur bankanna (lesist: veðsetning kvótans). Sameign þjóðarinnar er ekki til staðar lengur og því til lítils að hæpa upp einhvern þjóðernisrembing. Fyrnum kvótann og bjóðum út veiðileyfi til útgerðarmanna hvar svo í heiminum þeir búa í stað þess að halda að hygla örfáum einstaklingum á kostnað fjöldans. Eru ekki Íslendingar að veiða á fullu í lögsögu ESB svo hvað eru menn að vilja upp á dekk?

Þannig að ekki er sjávarútvegurinn vandamálið.

Aðalfyrirstaðan er að koma efnahagsmálunum á lygnan sjó þannig að við uppfyllum skilyrði um efnahagslegan stöðuleika.

[Séra Jón (IP-tala skráð) 11.12.2008 kl. 00:16]

Spurt er: Er mikið vit í stjórnarandstöðu sem getur ekki skammlaust tímasett eina vantrausttillögu rétt?

Svarið: Nei

[Einar Sigurbergur Arason, 11.12.2008 kl. 03:51]

Séra Jón: Góð gagnrýni hjá þér. Gagnrýni = rýna til gagns, herða viðkomandi til að bæta eitthvað.

Stjórnarandstaðan hefur gert ýmislegt gott, og haldið uppi þarfri gagnrýni á stjórnina. Að því leyti hefur hún staðið sig vel. En hún má bæta sig í því að stinga upp á raunhæfum og heildstæðum lausnapakka. Í rauninni væri það skynsamlegt að gera slíkt áður en maður tekur gjallarhornið og hrópar: "Kjósa sem fyrst!" Þjóðin er að leita logandi ljósi að þeim sem geta sefað okkur og upplýst og dregið fram stefnu sem vekur traust.

Vantrauststillagan átti rétt á sér en ekki tímasetningin á því hvenær ætti að kjósa. Það er glórulaust að kjósa fyrr en með vorinu. Einhvern tíma á tímabilinu apríl til desember á næsta ári finnst mér rétt að verði kosið. Og ef seinna en í vor, þá þarf stjórnin að koma með góð rök fyrir því af hverju að bíða.

[Einar Sigurbergur Arason, 12.12.2008 kl. 03:48]

Jón Frímann: Það verður betri sátt í þjóðfélaginu með því að hafa tvöfalda þjóðaratkvæðagreiðslu. Fyrri kosninguna væri hægt að hafa samhliða þingkosningum og þá væri hún einföld í framkvæmd - þú færð tvo kjörseðla, einn fyrir Alþingi og einn fyrir ESB-viðræður.

Ef við gerum þetta hinsegin þá verða alltaf háværar raddir sem segja að það átti ekkert að fara í þessar viðræður. Fyrir utan að flas er sjaldnast til fagnaðar. Ef við hugsum bara um flýtinn þá eykst hættan á hroðvirkni. Þetta er eins og sá sem er orðinn örvæntingarfullur um hvort hann nái í einhvern maka til að giftast, hann smellir sér svo á eina sem hann er búinn að vera með í tvo mánuði. Heldurðu að það séu mörg slík hjónabönd sem endist út ævina?

ESB-aðild er ekki hugsuð til að vera skyndikynni. Ef við göngum inn, þá ætlum við að vera þar til langframa. Þess vegna þurfum við að aðgæta þetta vel áður en við samþykkjum samning.