Hefjum öflugar hvalveiðar á ný!

Við eigum að hefja öflugar hvalveiðar á ný! Kjötið getum við nýtt í fóður fyrir hænur og svín og sparað okkur verulegar fjárhæðir í dýrmætum gjaldeyri því hvíta kjötið náttúrlega framleitt fyrst og með innfluttri fóðurgjöf.

Við getum notað lýsið í að knýja hluta skipaflota okkar og sparað þannig olíu.

Við þurfum engar áhyggjur hafa af öfgafullum umhverfissinnum í Bretlandi - því hverju geta bresk stjórnvöld hótað okkur nú eftir efnahagsleg hryðjuverk þeirra í okkar garð?

Gjaldeyri sem við spörum með þessu getum við notað til að uppfylla alþjóðlegar skuldbindingar okkar.

Við vorum sammála um þetta félagarnir í gufuklúbbnum í dag - og það gerist ekki alltaf!

Ísland standi við alþjóðlegar skuldbindingar

Athugasemdir

[Bjarni Harðarson, 16.10.2008 kl. 19:48]

og ég er þér algerlega sammála líka þó ég hafi ekki verið með í gufunni...

[The outlaw (IP-tala skráð) 16.10.2008 kl. 20:31]

Aumingja hvalirnir, hvað hafa þeir gert okkur?

[Jón Aðalsteinn Jónsson, 16.10.2008 kl. 20:43]

Sammála látum Kístján L redda okkur

[Rúnar Sveinbjörnsson, 16.10.2008 kl. 20:45]

Alltaf eru þið Framsóknarmenn jafn skemmtilegir. Nú eiga nokkur kíló eða tonn af hvalkjöti að bjarga efnahagsvandanum, sem þið að stórum hluta komuð á.

[Þorsteinn Siglaugsson, 16.10.2008 kl. 21:16]

Ertu nokkuð fullur, Hallur? Fóðra kjúklinga með hvalketi? Er þá ekki vitlegra að éta hvalketið sjálft?

[Hjálmtýr V Heiðdal, 16.10.2008 kl. 21:28]

Æ æ - „við eigum að hefja öflugar hvalveiðar á ný“. Þessar hugmyndir eru jafnvitlausar og sú pólitík sem hefur verið ráðandi hér í langan tíma. Þetta er vanmáttug reiði - „við skulum sko sýna heiminum...“ Barnalegt.

[The outlaw (IP-tala skráð) 16.10.2008 kl. 21:31]

Tips til Island-2 : Munið eftir at tryggja þessu mót skakkaföllum i stjòrnsyslu ... hm t.d. hjá Lloyds

[Sigurjón Þórðarson, 16.10.2008 kl. 21:58]

Mér líst vel á hvalveiðar en hvers vegna leggurðu ekki til auknar þorskveiðar?