Er ekki kominn tími til að skipta um fleiri en Tryggva Þór?

Er ekki kominn tími til að skipta mun fleiri en Tryggva Þór - fyrrum svokallaðan efnahagsráðgjafa forsætisráðherra sem nú hefur verið kastað frá borði.

Útlendingar virðast ekki taka mark á Seðlabankanum ef marka má eftirfarandi klausu úr fétt af visir.is:

"Fiskútflutningsfyrirtækið Ögurvík hefur ekki fengið greiðslur fyrir afurðir sínar í Bretlandi þótt Ögurvík sé komið að aðgang að safnreikingi í Seðlabanka Íslands. Westminster Bank í Bretlandi tekur ekki mark á þessum reikningi."

Enn vandamál á gjaldeyrismarkaði

Athugasemdir

[Ár & síð, 16.10.2008 kl. 12:09]

Það er nú svolítill munur á því að flýja frá borði eða vera kastað frá borði, ekki satt?
Matthías

[G. Valdimar Valdemarsson, 16.10.2008 kl. 12:14]

Mattías hvað veistu sem við vitum ekki?

[Finnbogi Marinosson (IP-tala skráð) 16.10.2008 kl. 12:40]

Sæll Hallur

 Hvernig væri nú að tala um eitthvað annað en "efnahagsmál" og ræða t.d. landsleikinn ?  Hann var hræðilegur og Eiður Smári liðinnu til skammar. Comment anyone ?

Finnbogi

[Hallur Magnússon, 16.10.2008 kl. 12:42]

:)

Mér og strákunum fannst hins vegar gaman!

[Ár & síð, 16.10.2008 kl. 13:26]

Valdimar, það þarf ekki mikla íhugun til að átta sig á því hvort er líklegra. Við verðum nefnilega að draga okkar eigin ályktanir. Menn segja hvort eð ekkert opinberlega þannig að hér ganga gróusögur eins og ku hafa gerst í austantjaldsríkjunum forðum daga þegar fólki var ekkert sagt sem skipti máli.
Matthías

[Karl Ólafsson, 16.10.2008 kl. 17:03]

Tryggvi Þór hefur e.t.v. lagt til að skipt yrði út mönnum í bankaráði og yfirstjórn Seðlabankans :-) Þar með hefur þeim orðið ljóst, honum og Geir H.H. að þeir gætu ekki átt frekara samstarf, eins og sá síðarnefndi orðaði það við fréttamann í gær.

[Gunn (IP-tala skráð) 17.10.2008 kl. 09:19]

Sæll Hallur:

Það er ekki tekið mark á okkur lengur í heimi fjármálanna.  Það virðist augljóst að bakhlið íslenska bankakerfisins er ekki eins blómleg eins og margir hafa haldið og full af veðsettu "lofti" og ónýtum veðum. Tel ég að fullyrðing Gordons Browns er nærri sanni, Ísland er í raun næstum gjaldþrota.

Það eru væntanlega gríðarleg átök bak við tjöldin milli stjórnmálamanna, hagsmunaaðila um hvað á að gera.  Íslendingar verða að hafa trúverðuga áætlun um hvernig þær komast út úr þessu efnahagsástandi annars verða ráðin af okkur tekin.  Þetta er ekki öfundsvert hlutskipti og hér þarf að koma með margar og óvinsælar aðgerðir.

- Við þurfum núna að koma á jafnvægi á viðskiptahallan það verður núna auðvelt. Við höfum ekki gjaldeyri til að borga fyrir meira en það sem við flytjum út og það er "brútalt".  Þetta verður væntanlega viðloðandi næsta árið.

- Við þurfum að ná jafnvægi á ríkissjóð og það verður núna geysilega erfitt.  Tekjustofnarnir eru hrundir.  Skatttekjur einungis af Kaupþingi voru í fyrra tvöfalt hærri en kostnaður við Landspítalann. Fall krónunnar veldur því að lyf og annar búnaður verða ákaflega dýr. Það verður að standa vörð um heilbrigðiskerfi og menntakerfi.  Auk þess bætist kostnaður við bankanna.  Fjármagnstekjuskattur, tekjuskattstekjur á eftir að hrynja auk þess skattur af fyrirtækjum.  Þetta veldur því að það þarf að verða stórfeldur niðurskurður á nánast öllu stjórnkerfinu.  Það er væntanlega um 50% niðurskurður

Að ímynda sér það að það sé hægt að halda uppi þúsundum vellaunaðra bankamanna í atvinnubótavinnu er gjörsamlega út í hött.  Það er hagstæðara að gera þetta að einum einföldum banka.  Við þurfum varla fleiri en 1200 manns til að vinna að fjármálakerfinu á Íslandi en mér skilst að þar starfi milli 5000 - 6000 manns. Get ekki séð að það sé nein þörf á greiningardeildum og fleiri öðrum deildum.  Í raun væri hægt að leggja niður annan bankann Landsbankann eða Glitni get ekki séð að það sé hlutverk ríkisins að halda lífi í þessum.  Núna þurfum við ódýran banka, einhvers konar "Bónus" banka með lágum rekstrarkostnaði og hagræðingu.  Vitrænt kerfi sem byggjast á innlánum og útlánum og sem minnstum vaxtamun.  Þeir sem missa vinnuna geta komist í ummönnunarstörf, kennslu eða fundið sér annað að gera. Það verður ekki nein erlend bankastarfsemi frá Íslandi næstu áratugina. Það er sagt að um 60.000 manns í fjármálageiranum missi vinnuna á næstunni einungis í London og á Norðurlöndum er fólk tekið að flæða frá fjármálageiranum út í aðra starfsemi þannig að þetta er alþjóðlegt. Undirritaður tekur undir það að þetta er í raun nauðsynlegt.  Það hafa á undanförnum árum allt of margir farið í nám í fjármálageiranum.  Vil ég telja það nánast vonlaust fyrir fólk frá Íslandi að fá vinnu í fjármálageira annarra landa með þann stimpil að hafa unnið hjá Kaupthing, Glitni eða Landsbankanum.  Væntanlega ekki nema afburða fólk sem getur það flestir aðrir verða að finna sér annað að gera.

Það sem fer virkilega í taugarnar á mér þegar umræðan fer gjörsamlega fram úr almennri skynsemi.  Þegar stjórnmálamenn eins og Jóhanna Sigurðardóttir segir að ríkið ætli að niðurgreiða skuldir landsmanna og nefnir sérstaklega myntkörfulán.  Ætlar ríkið að fjármagna þetta með erlendum lánum?  Við höfum ekki lengur lánstraust og gengisálag ríkisins er komið yfir 1000 punkta.  Það á að segja fólki sannleikan og ekki koma með þetta bull.  Auðvitað getur ríkið ekki gert neitt til að hjálpa fólki það er mikið heiðarlegra að segja að þeir vilji hjálpa en það er væntanlega lítið sem er hægt að gera.  Fólk sem hefur komið sér í þessar skuldir verður að koma sér frá þeim.  Þetta þýðir að fólk missir eignir, verður gjaldþrota etc. Það er leitt og súrt en það er sannleikurinn sár sem hann nú er.
Það fagna allir vaxtalækkunum, krónan er hvort eð er í "klósettinu" og bara eftir að sturta niðr.  Vandamálið er núna að verðbólgan kemur til að verða geysilega há og þá borgar það sig ekki lengur að spara og þá erum við komin í gamla gírinn með verðbólguþjóðfélagið. 

[Hallur Magnússon, 17.10.2008 kl. 10:25]

Gunn

Takk fyrir afar vandaða færslu að venju.

Ég get tekið undir lungan úr því sem þú setur þarna fram.