Neyðarlög á Seðlabankann!

Það verður að setja neyðarlög á Seðlabanka Íslands. Aðalabankastjóri Seðlabankans tók botnlokuna úr íslenska bankakerfinu fyrir 10 dögum síðar með hrikalegum efnahagslegum afleiðingum fyrir Ísland. Í stað þess að taka við björgunalínum sem til staðar eru til að draga skútuna að landi  - þá situr hann glaðhlakkalegur í stýrishúsinu og bíður þess að skútan sökkvi!

Þjóðin hefur gefið Geir Haarde forsætisráðherra andrými til þess að taka á egnahagsvandanum og bankakrísunni. Geir reynir að róa. En það er ekki hægt með núverandi áhöfn í Seðlabankanum.

Geir verður því að leggja fram frumvarp um neyðarlög sem kveða á um að setja bankastjóra og núverandi bankastjórn Seðlabankans frá - og að ráðinn verði einn, faglegur bankastjóri sem hefur traust erlendis og innanlands. Núverandi bankastjórar eru rúnir öllu trausti.

Ég veit að stjórnarandstaðan mun aðstoða stjórnina við að koma slíku frumvarpi með methraða í gegnum þingið. Þjóðarhagur er í húfi!

Brown hótar aðgerðum

Athugasemdir

[Eyþór Laxdal Arnalds, 8.10.2008 kl. 09:42]

Hér er ég þér hjartanlega ósammála Hallur.

[Hallur Magnússon, 8.10.2008 kl. 09:43]

Þú hefur fullan rétt á því!

[Heimir Lárusson Fjeldsted, 8.10.2008 kl. 09:44]

Hingað til hef ég haft mikla trú á þér Hallur en þessi ummæli þín um seðlabankastjóra fylla hug minn efasemdum um réttmæti álits míns.

Mér þykir afstaða þín öfgakennd og ekki til þess fallin að laða viðskiptavini að fyrirtæki þínu Spesíu.

Það er svo mikil einföldun á staðreyndum að saka Davíð Oddsson um hrun spilaborgar útrásaglapráðanna að jaðrar við barnaskap.

[Guðmundur Ásgeirsson, 8.10.2008 kl. 09:58]

Það sem Davíð Oddsson gerði í Kastljósi í gærkvöldi voru ekkert minna en FOKKING landráð! Hann er að leiða okkur út í milliríkjadeilu, þessir menn verða að fara frá, allir með tölu! NÚNA!

Mætum á Austurvöll kl 12:00 og sýnum viljann í verki! Burt með fasismann úr íslenskum stjórnmálum.

[Heimir Lárusson Fjeldsted, 8.10.2008 kl. 10:08]

Nú gerast menn stóryrtir, eins gott að vera maður orða sinna.

[Brjánn (IP-tala skráð) 8.10.2008 kl. 10:17]

Teljiði nú uppá 10 og róið ykkur niður, það er deginum ljósara hvað er í gangi, 'islenska ríkið er ekki að fara að gangast við þessari ábyrgð afþví að þessir reikningar icesave eru komnir í söluferli og því losa þeir ríkið og almenning við þennann bagga, ég spai því að í þessari viku , jafnvel í dag verður búið að selja icesave til einhvers bresk banka. Annars merkilegt hvað fólk er að ráðast á slökkvuliðsmennina í þessu starfi, hvar er gagnrýnin á þá sem komu íslensku þjóðina í þessi vandræði, þá sem skuldsettu bankana á við 55 falda þjóðarframleiðslu????? Eru menn ekki að taka frekar vitlausna pól í hæðina gagnvart þeim sem þeir vilja hengja?

[Gísli Baldvinsson (IP-tala skráð) 8.10.2008 kl. 10:18]

Það verður að segjast að Davíð talaði mannamál sem GHH á erfitt með. En. . . hann er snillingur að snúa málum sér í hag og tókst það vel. Margt sem hann sagði var áhugavert og skýrði myndina.

[IG (IP-tala skráð) 8.10.2008 kl. 10:25]

Algjörlega er ég sammála. Davíð Oddson og Geir með dyggri aðstoð Björgvins G og Össurar hafa tekið sig til og slátrað í sameiningu trúverðugleika Íslands. Þetta gerðu þeir með aðgerðinni gagnvart Glitni fyrir rúmri viku síðan. Það setti af stað keðjuverkun sem sér ekki fyrir endan á hvar mun stoppa. Það er ótrúleg heppni að maður skildi átta sig á hvað myndi gerast í kjölfarið og prísa ég mig sælan að hafa selt öll hlutabréfin mín í Landsbankanum strax eftir að Davið varpaði kjarnorkusprengjunni.
Svo einfalt er það. Það á að setja Davíð í fangelsi fyrir landráð!

[Magnús Bjarnason (IP-tala skráð) 8.10.2008 kl. 10:29]

En það var það sem hann sagði ekki sem skýrði myndinna en meira. Ég hef ekki skilið það tak sem Robert Mugabe hefur á þjóð sinni, nú skil ég það. Davíð Oddson nær á einhvern hátt að dáleiða þjóðina og er í raun eins og flautuleikarin í Gríms-ævintýrunum. Hann kom okkur í þessi vandræði og nú telur hann sig það mikið ofurmenni að hann geti lagað allt aftur. Menn með slíka komplexa á að koma frá völdum hið fyrsta, Hallur þú hefur lög að mæla.

[Finnbogi Marinosson (IP-tala skráð) 8.10.2008 kl. 10:32]

Hæ Hallur - hæ þið öll

Bjartsýni brýtur böl.

Getum við ekki hugsað - talað - bloggað - lifað samkvæmt þessu og látið á það reyna hvort ekki sé eitthvað til í því sem "leyndarmálið" boðar ? Það kostar ekkert. Það er eingin áreynsla fólgin í því (nema fyrir þá sem púa á jákvæðar tilraunir) og við þurfum ekki að breyuta lífstíl okkar á nokkurn annan þann hátt en að vera - jákvæð.

prufum og sjáum hvort skútan breytir ekki um stefnu og fer al sigla undan vindi og í átt að sólu.

Rock on

[Marinó G. Njálsson, 8.10.2008 kl. 10:42]

Sammála Halli.  Yfirlýsing Davíðs um að láta eigi lánadrottna Glitnis og Landsbankans sitja uppi með 85-95% tapsins óbætt er svo fáránleg að það er líklegast að leggja Kaupþing á hliðina í þessum töluðum orðum. Maðurinn er gangandi hryðjuverk.

[Thor Svensson (IP-tala skráð) 8.10.2008 kl. 10:51]

Er thad svo ad vid høfum ekki adra hæfa menn til ad leysa ur thessum malum? Mer finnst allaveg hreint atakanlegt ad vid latum brennuvargana sløkkva eldinn og na ad fela sønnunargøgnin um leid. Thad getur engin med godri samvisku sagt ad rikistjornin og sedlabankastjori eigi ekki akvedna søk a hvernig mal eru i dag. Er folki kannski bara allveg sama? Ef svo er tha er okkur ekki vidbjargandi :-(

[G. Valdimar Valdemarsson, 8.10.2008 kl. 10:59]

Ég held nú að bankamálaráðherrann ætti líka að fara í langa fríið.  Maðurinn mætir á blaðamannafund og þar er heimspressan mætt og beinar útsendingar úr landi.  Það á að ræða bankamál á viðsjárverðum tímum, en þegar kemur að erlenda hluta fundarins gengur hann út.  Hann þarf að fara á starfsmannafund.   Þetta er svo hrópandi rangt mat á stöðunni að ég er nánast orðlaus. 

Björgvin á að segja af sér.

[Magnús Sigurðsson, 8.10.2008 kl. 11:17]

Látum okkur dreymi það er það eina sem við getum gert eins og stendur.  Höldum okkur heima því annars eigum við á hættu að verða handrukkuð ef við förum erlendis auk þess sem kretitkortin okkar virka ekki nema á afarkjörum.

[Hallur Magnússon, 8.10.2008 kl. 11:22]

Heimir!

Það kann að vera að stíllinn hjá mér sé hvass. En ég segi það sem mér finnst. Ég meira að segja áskil mér rétt á að hafa rangt fyrir mér á stundum. Á sama hátt og áskil ég mér rétt til þess að skipta um skoðun.

Ekki gleyma því að ég hef oft gagnrýnt til dæmis flokksformann Framsóknar á hvassan hátt!

Ef þetta verður til þess að einhverjir sniðganga ráðgjafafyrirtækið Spesíu - og mig - þá verð ég bara að lifa við það. Ég mun ekki haga málflutningi mínum á þann veg að þegja um það sem mér finnst af ótta við það að vera sniðgenginn og missa tekjur. Ég segi það sem mér finnst.

Hvað varðar ráðgjöfina - þá held ég að allir þeir sem hafa leitað til mín - geti staðfest  að sú ráðgjöf hefur verið gefin af heilindum og af fullri hollustu við viðskkiptavini. Á sama hátt og hér - þá segi ég viðskiptavinum mínum það sem ég tel rétt og hvað mér finnst. Það getur stundum verið nöturlegt - en það er þó heiðarlegt. Mínir viðskiptavinir hafa metið það við mig - en þeir ráð líka hvort þeir fara að mínum ráðun eða ekki.

Á sama hátt hef ég unnið mín verkefni af hollustu og heilindum við þá sem ég hef verið að vinna fyrir - hvort sem það hafa verið viðskitaavinir Spesíu, Íbúðalánasjóður, norski húsbankinn, félagsmálaráðuneytið eða  Hornafjarðarbær. Það geta samstarfsmenn mínir vottað.

Það sama á við samstarfsfólk mitt annars staðar.

Ég er í samstarfi við Sjálfstæðisflokkinn í Reykjavíkurborg sem varaformaður velferðaráðs. Þar á ég afar gott samstarf við Sjálfstæðiskonuna Jórunni Ósk Frímannsdóttur formanns ráðsins og ég bakka hana upp af fullum krafti og heilindum. Við erum ekki alltaf sammála - og ég tala skýrt um mínar skoðanir - og í framhaldi náum við lendingu sem við stöndum saman um.  Það sama á við aðra í velferðarráði.

Svona er ég bara - og ætla ekki að breyta því.

Þannig að eflaust eigið þið eftir að sjá aftur hvassa gagnrýni á menn og málefni - jafnvel þótt það geti skaðað viðskiptalega hagsmuni mína.

En Heimir - takk fyrir umhyggjuna í ábendingunni.

Kveðja

Hallur

[Þórður Runólfsson, 8.10.2008 kl. 11:32]

Að sjálfsögðu er það erfitt fyrir okkur öll að horfast í augu við mistökin sem við höfum gert á liðnum árum.

Þetta er bara sama gamla sagan um að leggja fram veð og sá sem við lánum veðið misnotar það.

Verðum að sýna hér kjark til að takast á við þetta en ekki varpa því á komandi kynslóðir til greiðslu.

Nú verður hver að bjarga sjálfum sér því efnahagskerfi heimsins er að hruni komið.

Fleiri lönd eiga eftir að fylgja okkur áður en langt um líður.

Í svona aðgerðum duga stundum ekki fræðingar en þörf er á góðum ráðgjöfum.

[Heimir Lárusson Fjeldsted, 8.10.2008 kl. 16:39]

Þakka hreinskilið og greinagott svar Halllur.

Ég hef sem formaður Eirðar aðstandendafélags fylgst með þér vettvangi velferðarmála og er áhugasamur um að sjá hvort þú standir ekki undir þeim væntingum sem ég greei til þín.

Mér sýnist þú á góðri leið.