Stútaði Davíð Oddsson krónunni?

Krónan er ónýt. Það sjá allir. En var það Davíð Oddsson sem stútaði krónunni?

Förum aðeins yfir sviðið:

1. Davíð Oddsson kom í veg fyrir að íslensku bankarnir gerðu upp í evrum.

2. Davíð Odsson þráaðist við að stækka gjaldeyrisforða Íslands

3. Davíð Oddsson rústaði tiltrú á veðum íslenska bankakerfisins með því að hunsa veð Glitnis

Ætli þessi atriði hafi styrkt krónuna eða veikt hana?

 

Gjaldeyriskreppa á Íslandi?

Athugasemdir

[Skaz, 2.10.2008 kl. 18:45]

Það væri mjög mikil kaldhæðni ef að satt reynist...sé DO fyrir mér þegar við komum núna á hnjánum til ESB um inngöngu og nokkrar Evrur...

[Hólmdís Hjartardóttir, 2.10.2008 kl. 18:54]

sekur

[Óskar Þorkelsson, 2.10.2008 kl. 19:08]

DÓ er bara stórslys í íslensku efnahagslífi.

umm já hann er sekur 

[Gunn (IP-tala skráð) 2.10.2008 kl. 19:27]

Þetta er ekki rétt.  Stórkostleg einföldun á okkar málum.   Tel hérna að Þarna kemur fram grundvallarveikleiki íslenska hagkerfisins.  Bankarnir hafa þanist om of og fjárhagslegur grundvöllur hefur ekki verið til staðar til að bæta gráu ofan á svart eru þeir stærri en íslenska hagkerfið getur ráðið við.  Bankarir hafa gríðarlegar skuldir og velta þeim undan sér.  Núna er mjög sérkennilegar ástæður í alþjóða fjármálum og alþóðlegur fjármagnsskortur.  Bara í dag studdu seðlabanki Noregs kerfið með 71 miljarði Nkr þeas 1.400 miljarða Íkr og sænski seðlabankinn studdi sitt bankakerfi með 60 miljörðum Skr sem er um 1000 miljarðar íslenskar.  Auk þess hafa þeir bestu fánlegustu lánalínur við Seðlabanka Bandaríkjanna og Evrópska seðlabankan.  Norka ríkið hefur eins og við vitum gríðarlega sjóði og er væntanlega það land sem best er búið í heiminum undir krísu.  Þeir hafa upplifað bankakrísu fyrir 20 árum og eru staðráðnir að hindra það með öllum ráðum.

Við Íslendingar erum mjög illa settir og það er greinilegt að fjármagnsskorturinn hefur fyrst neitt Glitni á hnéin og væntanlega Landsbankan og Kaupþing.  Gjaldeyrisvarasjóðir eru magrir og mikilvægt að þeir tapast ekki og þetta setur öllum björgunaraðgerðum skorður.  Þeir geta ekki leyft sér það sem hinir geta.  Til viðbótar hefur tiltrú á krónunni brostið og það má segja að þeir sem hafa skitið á krónuna hafa skitið í eigið hreyður því þessi umræða veikir krónunna.
Nei við erum hér í stórum vandræðum og að kenna yfirtöku Glitnis/DÓ/Baugi/Jón Ásgeir er eins og hvert annað bull álíka raunhæft eins að við gætum tekið upp Evru.  Fall krónunnar er afleiðing vandræða okkar en ekki orsökin.

[Barton (IP-tala skráð) 2.10.2008 kl. 19:50]

Það væri eitthvað geysilega ljóðrænt og fallegt við það ef Davíð Oddsson yrði maðurinn sem gerði út um krónuna og ýtti að lokum Íslandi inn í ESB. Hann myndi svo enda ferilinn sem útibússtjóri Evrópska seðlabankans á Íslandi.

[Jóhannes H (IP-tala skráð) 2.10.2008 kl. 20:33]

Islenska "útrásin" voru mistökin,  ekki DO, Ríkisstjórnin eða Seðlabankinn.  Íslenska útrásin var spilaborg sem var byggð upp af pappírspeningum með undirstöður úr erlendum lánum.  Um leið og áhrif undirmálalánskreppunar í BNA verða víðtækari, þá dregst fjármagn saman.  Aðilar sem voru áður fúsir til að leggja peninga í ákveðin fyrirtæki hætta því og fara að draga saman seglin.  Um leið og þeir gera það, þá bresta undirstoðir spilaborganna (erlent fjármagn) sem veldur því að spilaborgirnar byrja a hryngja hver á fætur annarri, og þær draga með sér aðra hluti í okkar efnahag,  þar með Krónuna.

[Friðjón Steinarsson (IP-tala skráð) 2.10.2008 kl. 20:48]

Það er alveg klárt , að Davíð stútaði krónunni.Hann stútaði líka þjóðinni, gerði þetta eins og þjófur um nótt, hulinn myrkri. Klárlega einhver messti skemmdarvargur í íslenskri velferðarsögu og maður á kolröngum stað, í Seðlabankanum.Hann telur sig þó samt enn hafa vald ráðherra og gerir sér ekki grein fyrir því að þjóðin er sem betur fer, fyrir löngu búin að fá nóg af honum, þó að enn séu því miður nokkrir sem trúa á hann í blindni, líkt og menn gera í einræðisríkjum í blindri trú á einræðisherra. Það er fyrir löngu komið nóg af íslenskri frjálshyggju og græðgi og kannski orðið of seint.

Friðjón

[Ásgrímur Hartmannsson, 2.10.2008 kl. 20:53]

Stutt svar: já.

Það *var* ekkert að þessum banka... 

[adolf (IP-tala skráð) 2.10.2008 kl. 22:56]

Það sem stútaði Glitnir voru ,eigendurnir t.l.d krafa um lán til Stoðar til að kaupa Baug fyrir tuttugu og fimm miljarða ,og gleymið því ekki að bankastjóri Glitnis fór í seðlabanka því honum blöskrað frekjan í Jóni Ásgeir sem leit á bankann sem sín einkabanka hafið það hugfast og hættið þessu bulli og svo er óheimilt að veðsetja skuldabréfin í Noregi og það var það eina sem þeir voru ekki búnir að veðsetja upp í rjáfur kv Adolf sem veit allt  

[haraldurhar, 3.10.2008 kl. 00:44]

   Tek undir allt er þú segir um Seðlabankastjórann Davíð Oddson, en þú gleymir  stýrivöxtunum er hafa valdið ómældum skaða.  

   Það er öllum augljóst að með yfirtöku á Glitnir hefur hann valdið þjóðarbúinu stórfelldum skaða,  má þar nefna veðrýrnun stórra sem smárra hluthafa Glitnis, sem hafa leitt til stórfelldra marginkalla, og niðurskift á veðskulda stórra hluthafa í Glitnir, og það eitt hefur leitt til 100 milljarða útlánatapi Lánastofnanna, auk þess sem niðurskifaðir  voru um ca. 7 % nær eða allir peningamarkaðsjóðir landsmanna.  Þeir gleymdu þessu bæði Davíð og Geir er þeir töluðu um að verja inneignir sparenda í Glitir.  Það sem er þó sýnu verst er vantrú erl. banka og fyrirtækja á ísl. peningastjórnun Seðlabankans, og hefur leitt til lokunar lánalína og sérstakrar varúðar fjármagnseigenda erlendis.

   Það er hreint ótrúlegt að upplifa þvílíka vitleysu 2008, að Seðlabanki láni ekki gegn veði banka sem á við lausafjárvanda að stríða, það á að eitt að meginhlutverkum Seðlabanka að leysa lausafjárstöu bankanna, og hugsað til þess að banki í lausafjárvandræðum þurfi ekki að efna til brunaútsölu til þess að ná sér í lausafé.

[Hallur Magnússon, 3.10.2008 kl. 08:36]

Halldóra!

Mikill er máttur orðs míns!

Sannleikurinn er hins vegar sá að íslenska hagkerfið er of lítið til þess að halda uppi sjálfstæðri mynt. Það er ekki flóknara en það. Staðan krónunnar væri ekki betri ef ég hefði haldið kjafti um þess augljósu staðreynd.

Staðreyndirnar eru hins vegar svo augljósar að það er með ólíkindum að vel gefinn maður eins og Davíð Oddsson skuli ekki sjá þær. Auðvitað er ástandið ekki einum manni að kenna. En sumir hafa bara meira vægi en aðrir!

[Gunn (IP-tala skráð) 3.10.2008 kl. 11:09]

Er í raun sammála þér Hallur hvað varðar gjaldmiðilinn en það tekur minst 4-5 ár og það verður að ná sveiflunní úr hagkerfinnu áður.  Það að taka upp annan gjaldmiðil er ekki "quick fix" á okkar vandræðum og mikilvægt að ekki skíta út krónunna á meðan þannig að við gerum okkur lífið erfiðara. Það að við sameinumst stærra hagkerfi hefur bæði kosti og galla þetta verður að vega og meta kalt og yfirvegað en ekki láta hræðslu og ótta stjórna för.  Við værum ekki betur stödd núna ef við hefðum tekið upp Evru í óþökk evrópska seðlabankans sem ég álít algjöran glannaskap.  Við getum þó alla vega prentað krónur það er einnig vert að merkja sér.    Að hefja aðildarumræður við Evrópubanadalagið er rétt en það leysir ekki okkar vanda á næstu 4-5 árum.  Mér finnst þessi umræða um Evru núna fá of mikið pláss núna.  Vantar meiri umræðu hvað er hægt að gera í þessari stöðu sem við erum komin í, þar sem býr hópur stórskuldara á eyju í Atlandshafi og núna er komið að skuldadögum og alþjóðleg fjármagnskrísa.

[Gunn (IP-tala skráð) 3.10.2008 kl. 16:34]

GAME OVER !  hjá "íslensku" bönkunum, annað er í raun og veru kraftaverk.  Tiltrúin erlendis á íslensku efnahagslífi er farin við erum að sökkva.
Ansi hræddur um að við komum til að upplifa argentínskt efnahagsástand með gjaldeyrisskömmtun og fjölda gjaldþrot með dómínó áhrifum.  Harða lendingin er orðin brotlending.
Algjört hrun á eftir að verða á húseignamarkaði, með gríðarlegu falli á húsnæðisverði, 50-60% fall á næstu mánuðum. Við fáum hóp öreiga, fólks sem er stórskuldugt og á minna en ekki neitt vegna hruns á fasteignamarkaði.   Fjöldagjaldþrot og atvinnuleysi vofir yfir. 

Financial Times FT.com í dag 3/10 "Today’s 2750 basis point spread on Kaupthing’s credit default swaps speaks to deep uncertainty not just about one Icelandic bank, but the very economic future of this volcanic island on the mid-Atlantic ridge." .... er orðið 5000 núna.

Bloomberg, Bloomberg.com i dag: 3/10 "The cost of insuring against a default by Iceland's government and the three banks has surged to a record, credit- default swaps show. Glitnir, Kaupthing Bank hf and Landsbanki Islands hf have the worst creditworthiness among European lenders, according to the swaps. ``The focus now is clearly on Iceland as a country risk,'' said Mikko Ayub, Helsinki-based head of investment product sales at Nordea Bank AB. "
"That view is shared Bill Blain, who produces a daily market report for bond broker KNG Securities LLP in London. ``The whole market is more nervous than ever on Iceland,'' he said. ``For the first time even normally positive commentators have doubts about the competency of the system.''

Fyrirsagnarnir í Noregi er að Íslensku bankarnir eru fallnir sjá: http://e24.no/makro-og-politikk/article2690963.ece (takið eftir það eru tvær auglýsingar frá Kaupthing Bank á síðunni enda hafa þeir verið að dæla norskum sparifjárkrónum inn í kerfið)
"..det er «game over» for de islandske bankene, sier Herleif Håvik, sjef for rente- og kredittgruppen i Carnegie til E24."
Væntanlege er fólk byrjað að taka pening út úr íslensku bönkunum erlendis og raun ekki ekki skrítið.  Niðurstaðan er óumflýanlegt fall. Skrítið að hlutabréfin í bönkunum á Íslandi ekki eru byrjuð að falla er orðinn verðlaus pappír að mínu mati.  Þetta verður naglinn í kistu erlendrar bankastarfsemi frá Íslandi.
Þetta verður okkar "legacy" í Evrópu. "Aularnir" frá eldfjallaeyjunni sem héldu þeir gætu eitthvað í "buisness"....   Núna erum við stórskuldugir "aular" á lítilli eyju úti í Atlandshafi.

Stórnmálamennirnir voru í farþegasætinu og höfðu lítil áhrif og gátu og geta lítið annað gert en að bjarga leyfunum af því sem bjarga varð.  Sök þeirra er sú að þeir höfðu of lítil afskipti og eftirlit  af fjársýslunni og leyfðu þessu að þróast svona.  Það hafa verið gerð stórfeld hagfræðileg mistök. Stór er einnig sök íslenskra fjölmiðlanna (sem sumir hafa verið í höndum þessara aðila) er að vera allt of lítið gagnrýnir og raun látið vera að birta mikilvægar fréttir og nánast verið málpípur þessara aðila.  Allmenningur sjálfur ber einnig mikla sök á þvi hvernig komið er á fyrir þeim að setja sig í þessar ótrúlegu skuldir er algjört brjálaði og af þjóðernislegum barnaskap gleðjast yfir þessari vitleysu. 
Stærst er ábyrgð fjármálamanna sem stóðu hér á bak við og hætt öllu til og sýnt of litla varfærni og  komið sér og okkur  í þessi þrot.  Við getum náttúrulega kennt alþjóðafjármálakerfinu um að hrinda öllu þessu af stað men við vourm tekin með buxurnar á hælunum. 
Væntanlega verður mikð þingað á fundarherbergjum um helgina, það verða fjöldagjaldþrot tilkynnt í næstu viku.   Það er barnaskapur að kenna Seðlabankanum, Ríkisstjórninni um þennan atburð en væntanlega mun Geir taka á þessu pólitíska ábyrgð og segja af sér eftir skamman tíma. ...  

[Gunn (IP-tala skráð) 3.10.2008 kl. 19:49]

Áhugavert viðtal við Jón Daníelsson professor í London Scool of Economics í kvöldfréttum og Speglinum í kvöld.

http://dagskra.ruv.is/streaming/ras1/?file=4426334/8http://dagskra.ruv.is/streaming/news/?file=4437647

Hans skoðun er að Seðlabankinn átti engan annan kost en að yfirtaka Glitni sem er í raun gjaldþrota og eina sem Glitnir getur lagt af mörkum eru vonlaus veð.

Áróður stjórnar Glitnis og stærstu hluthafa hefur verið viðstöðulaus. Auðvitað vilja stjórnvöld og Seðlabankans ekki koma fram með sannleikan þar sem það myndi grafa undan bankanum.... Oft má kyrrt liggja. Sannleikurinn kemur fram um síðir.

Kanski Davíð er ekki vondi maðurinn en sjórn Glitnis sem á skilið þann heiður?