Skynsamleg Framsóknarmennska ergir Björn Bjarnason!

Skynsamlega Framsóknarmennska virðist ergja Björn Bjarnason - þennan ágæta stjórnmálamann sem ég ber mikla virðingu fyrir. Honum gremst sú staðreynd sem ég hef ítrekað bent á að Barack Obama forsetaframbjóðandi Demókrata í Bandaríkjunum er í raun gegnheill Framsóknarmaður!

Þá ergir það Björn að forsvarsmenn Samtaka atvinnulífsins og forsvarsmenn ASÍ haga sér eins og Framsóknarmenn þessa dagana - eins og ágætur formaður Framsóknarflokksins Guðni Ágústsson benti á í grein í gær.

Reyndar verð ég að leiðrétta Guðna minn smá - aðiljar vinnumarkaðarins eru nefnilega sammála um að króna sé búin að vera - og vilja taka upp Evru. Að vísu er meirihluti Framsóknarmanna sammála þessu - en harður minnihluti flokksins er á annarri skoðun. Framsóknarmenn eru klofnir í afstöðunni til Evru - líkt og allir aðrir flokkar - utan Samfylkingar - sem ganga myndi í Evrópusambandið hvernig sem aðildarsamningar litu út!

Staksteinar Morgunblaðsins fjallar um þetta ergelsi Björns í sunnudagsblaðinu í dag.

Barack Obama er gegnheill Framsóknarmaður!

Athugasemdir

[IG (IP-tala skráð) 14.9.2008 kl. 17:00]

Í fyrsta lagi er ekkert til sem heitir 'skynsamleg framsóknarmennska'. Það er ekkert skynsamlegt við að hafa í gegnum tíðina makað krókinn á skattpeningum landsmanna. Barack Obama er ekki gerspilltur stjórnmálamaður sem er gjörsamlega opinn í báða enda og hefur allar skoðanir og engar. Þ.a.l. getur hann ekki verið Framsóknarmaður...

[Hallur Magnússon, 14.9.2008 kl. 18:30]

IG!

Alveg er það yndislegt hvað skynsamleg framsóknarmennska fer í taugarnar á þér! Eru verkir með þessu?

Bullið í þér um meinta spillingu framsóknarmanna umfram aðra stjórnmálamenn er náttúrlega ekkert annað en bull.

"Heyrumst" væntanlega aftur á blogginu mínu bráðlega. Þangað til:  hafðu það sem allra best!

[Eiður (IP-tala skráð) 14.9.2008 kl. 20:37]

Ég held  Hallur, að þetta  ergi  ekki nokkurn mann. Mönnum  finnst þetta hinsvegar bráðfyndið. Ég man  svo langt að  Framsóknarmenn héldu því  fram  -  í  fúlustu alvöru  alvöru   að John Fitzgerald  Kennedy   væri    Framsóknarmaður. Nú er  Barack Obama  Framsóknarmaður.  Framsóknarmenn sögðu  líka í gamla daga  að Tíminn, málgagn flokksins,  sem  bændur fengu sent  hvort  sem  þeir  vildu  eður ei , væri "The  Times of Iceland". Mogginn birti mynd  af þessu á bréfsefni  blaðsins.  Margir  hlógu þá og ég verð að  segja  eins og  er  að mér  finnst þetta meinfyndið , og  bera vott um..... ja  , ég veit eiginlega ekki hvað!

Eigum  við að segja  sérkennilega kímnigáfu,  eða  enga kímnigáfu.