Spennandi haust fyrir Framsóknarmennina Obama og Guðna!

Ætli það sé tilviljun að Framsóknarmaðurinn Guðni Ágústsson hefji fundarherferð sína sama dag og Framsóknarmaðurinn Barack Obama hefur formlega kosningabaráttu sína fyrir forsetakosningarnar í Bandaríkjunum - en Demókratar hefja í dag flokksþing sitt þar sem Barack verður formlega valinn frambjóðandi þeirra!

Allavega er ljóst að fundirnir í kvöld eru báðum Framsóknarmönnunum mikilvægir. Obama stefnir á Hvíta húsið sem forseti og verður því að standa sig vel þessa daga á flokksþinginu og á haustdögum ef hann ætlar að verða forseti!

Guðni stefnir á að endurreisa fylgi Framsóknarflokksins og verður að standa sig vel á Borgarnesfundinum í kvöld og á haustdögum ef hann ætlar að auka fylgið og halda formennskunni í flokknum.

Þetta verður erfitt en spennandi haust - bæði fyrir Framsóknarmanninn Obama og Framsóknarmanninn Guðna!

Þing demókrata hefst í dag

Athugasemdir

[Bjarni Kjartansson, 25.8.2008 kl. 13:03]

Ekki er ég viss um, að bændur í Miðríkjunum vilji telja Obama til sinna flokksmanna.

Það hafa hingað til aðallega verið Kratar sem eru að uppveðrast vegna ,,kosningasigra þeirra´manna" í útlandinu en ekki Framsóknarmenn.

Bíð eftir að BJarni Harðar taki undir þetta svífr í þér, þá mun ég vita, að Framsókn er loks orðið að öngvu.

Miðbæjaríhaldið

Telur sinn flokk einstakann í röð stjórnmálaflokka og öngvir á erlendri grundu komist nálægt honum að verðleikum.