Eru bankarnir að veikja krónuna fyrir árshlutauppgjör?

Eru bankarnir að veikja krónuna fyrir árshlutauppgjör svo 6 mánaða uppgjör þeirra líti betur út en ella? Aulaskapur ríkisstjórnarinnar getur varla verið eina skýringin á þessari skelfilegu stöðu krónunnar!

Ítreka enn og einu sinni að við eigum að taka upp færeysku krónuna!

Gengi krónunnar aldrei lægra

Athugasemdir

[Marinó G. Njálsson, 18.6.2008 kl. 16:40]

Ef árshlutauppgjör bankanna mun aftur bara byggja á gengishagnaði, sem ekki væri til ef við værum með evru, þá held ég að virkilega illt sé í efni.  Þeir gerðu þetta líklegast síðast og því ættu þeir ekki að endurtaka leikinn núna.  Mér finnst þeir þó fara snemma af stað, þar sem ennþá er langt til mánaðarmóta.

[Guðbjörn Guðbjörnsson, 18.6.2008 kl. 19:39]

Nú er ég búinn að skoða bloggsíður allra stærstu blokkhagspekinganna minna - að vísu hefur Egill ekki enn bloggað neitt - og það virðist enginn botna neitt í neinu. Auðsjáanlega eru allir jafn ráðvilltir og ég hvað öll þessi mál varðar.

Það er aðgerðarleysið, sem maður skilur ekki og kemur manni svo á óvart. Ég átti satt best að segja von á því að Geir myndi boða einhverjar aðgerðir í gær, en auðsjáanlega er ekkert í spilunum. Markaðnum líkar auðsjáanlega ekki heldur eða skilur ekki þessi "Laissez-faire" skilaboð ríkisstjórnarinnar.

Ástandið er farið að minna mann óþægilega á æsku manns, unglingsárin og þegar maður var mjög ungur maður - þ.e.a.s. árin 1975-1990.

Það fer um mig hrollur við tilhugsunina eina saman.

[Guðmundur Jónas Kristjánsson, 18.6.2008 kl. 21:11]

Sæll Hallur. Ég vill gera allt annað. Taka upp myntsamstarf við Norðmenn og vísa
í því sambandi til bloggs míns í dag. Þá yrði væntanlega spákaupmennska úr
sögununni, því fáar þjóðir eiga jafn sterkan bakhjall og Norðmenn með sínn
risasterka olíusjóð.

[Þráinn Þrastarsson (IP-tala skráð) 18.6.2008 kl. 21:56]

Já þetta ætti að nægja bönkunum. Í næsta uppgjöri verða verðbæturnar á húsnæðislánin komin vel og hressilega inn og þá hægt að fara að slaka á genginu áður en allt fer til helvítis :)

[Benedikt Sigurðarson, 18.6.2008 kl. 22:07]

Já Hallur.  Ætli það sé ekki nokkuð ljóst að bankar hafa tekið stöðu gegn krónunni alveg frá því í febrúar-mars.  Það varð glöggt með páskavikunni og dögunum eftir páskana og kom fram í árshlutauppgjörum . . . . .

Að djöflast svona á ríkisstjórninni núna "vegna aðgerðaleysis" er ekki sérlega málefnalegt.   Það vita allir að það er ekki til eitthvert eitt svar við vandamálinu; - - og ekki heldur hægt að halda því fram að ríkisstjórnin sem nú situr hafi framkallað ástandið - - ekki einu sinni gert það verra.

Peiningakrísan og lánsfjárkreppan er alþjóðleg - - og innlendi hluti niðursveiflunnar stafar af þeim vanda sem ofurþensla áranna 2003-2007 hefur skapað;    - -auk þess sem hávaxtastefnan og flotkrónubullið - með lánasukki og innstreymi gjaldeyris - - stórframkvæmdum á stóriðju . .og græðgisvæðingu - - sem leidd var af ríkisstjórn Davíðs Oddsonar og haldið áffram af Halldóri Ásgrímssyni og Geir Haarde.

Ekki minnist ég þess að nokkur Framsóknarmaður hafi andæft sukkinu;  - - mannstu ekki eftir  kjörorðinu í síðustu kosningum " . . . . ekkert STOPP" . . . . . ?

[G. Valdimar Valdemarsson, 19.6.2008 kl. 13:00]

Benedikt "og ekki heldur hægt að halda því fram að ríkisstjórnin sem nú situr hafi framkallað ástandið - - ekki einu sinni gert það verra."

Er maðurinn að halda því fram að 20% útgjaldaauki ríkissjóðs í fjárlögum yfirstandandi árs hafi ekki haft nein áhrif ?  Segi og skrifa tuttugu prósent.  Það er kannski tilviljun að það er einmitt sama tala og hagspekingar tala um að þurfi að draga saman um hjá ríkissjóði til að koma á jafnvægi.  Framsóknarmenn vöruðu við þessu frá fyrsta degi og ekki veldur sá sem varar við.

[AK-72, 24.6.2008 kl. 00:19]

Ég hallast að því að svarið við spurningu þinni sé hreint já. Siðferði íslenskra banka og atvinnubraskara þegar kemur að hagsmunum almennings og þjóðarinnar, einfaldega á sama stigi og hjá hópi hýena í kringum hóp af ungabörnum. Það eina sem kemst að hjá þeim, er hversu mikið þeir ná að rífa í sig af græðgi.

Það er spurningin hvort það þurfi ekki í minnsta lagi að aðskilja braskið frá almennri bankastarfsemi með lögum, og koma á strangri löggjöf í tenglsum við viðskiptasiðferði og til að stoppa upp í svona uppgjöra-gengisfellingu á krónunni, sem bankarnir eru að framkvæma þessa daganna líkt og í mars síðastliðnum, og með svo hörðum refsingum að þeir myndu ekki þora því, eða í versta falli að þjóðnýta bankanna. Einhvern veginn verður að taka á þeim og ekki er er verið að slá á puttana á eim með því að taka lán þeim til bjargar án þess að eigendur bankanna leggi fram tryggingar.