Helblá frostrós í stað rauðrar kratarósar?

Frostrósirnar breiðast nú yfir fasteignamarkaðinn á sama tíma og vorið leggst yfir höfuðborgarsvæðið og hinn fallegi græni litur er að verða allsráðandi.  Ef jafnaðarmenn í ríkisstjórninni fara ekki að taka sig á - þá mun fallega rauða kratarósin falla í frostinu - og í stað hennar kemur nýtt tákn Samfylkingarinnar - hin helbláa frostrós!

Fasteignamat ríkisins staðfestir að fasteignamarkaðurinn er að nálgast frostmark. Útlán Íbúðalánasjóðs voru 20% lægri fyrstu fjóra mánuði ársins en fyrstu fjóra mánuði ársins í fyrra. Bankarnir eru nánast horfnir af markaði.

Það þýðir ekki fyrir stjórnvöld að setja sjónaukan fyrir blinda augað. Það er kominn tími til aðgerða svo fasteignamarkaðurinn frjósi ekki alveg - með ófyrirsjáanlegum afleiðingum.

Meira um þetta í pistlunum:

Kalár í fasteignatúnum eða tími Jóhönnu kominn sem vorboðinn ljúfi?

Hálfsannleikur hjá Jóhönnu um fasteignalánamarkaðinn! 

Kaupsamningum fækkar um 61,4%

Athugasemdir

[Gísli Baldvinsson (IP-tala skráð) 9.5.2008 kl. 22:34]

Þú veist betur Hallur.  90% lánahugmynd Dagnýjar Jónsdóttur, þandi verðbólguna. Það varð íbúðarveisla langt umfram lánþol. Þess vegna kom skellur en þetta mun rétta sig við. Þú getur alveg verið málefnalegri en þetta Hallur.

[Hallur Magnússon, 9.5.2008 kl. 22:47]

Gísli!

Hvað ertu að tala um?

[Davíð (IP-tala skráð) 10.5.2008 kl. 01:02]

Þetta má alveg frjósa,þá getum við unga fólkið loksins farið að kaupa á EÐLILEGU verði, við komandi kynslóð sem erum á kaupskónum virðumst alveg gleymast ..........Og ég vorkenni fólki ekkert sem keypti á uppsprengdu verði jafnvel með 100% fjármögnun, þetta er þeirra heimska ég er búin að bíða í 2.ár í litlu herbergi...... og safna................Minn tími er að koma .....NIÐUR MEÐ ÍBÚÐAVERÐ!!!!!!!!!!!!!