Jákvætt hænuskref á húsnæðismarkaði!

Afnám stimpilgjalda hjá fyrstu kaupendum er jákvætt hænuskref fyrir ungt fólk á húsnæðismarkaði! Vandamálið er að þetta hænuskref dugar ungu fólki á höfuðborgarsvæðinu ekki til! Ungt fólk fær nefnilega ekki íbúðalán til að standa undir kaupum á fyrstu íbúð þar sem bankarnir eru hættir að lána og stjórnvöld halda Íbúðalánasjóði í gíslingu með því að takmarka lán sjóðsins við brunabótamat!

Auk þess lækkaði ríkisstjórnin hámarkslánshlutfall Íbúðalánasjóðs úr 90% í 80%. Ekki að það breytti miklu á höfuðborgarsvæðinu þar sem hamlandi áhrif brunabótamatsins verður nánast alltaf til þess að veðhlutfall Íbúðalánasjóðs nær aldrei 80% af kaupverði.

Ofan í kaupið er hámarkslán Íbúðalánasjóðs allt of lágt til þess að fjármagna eðlilega, hóflega íbúð fyrir ungt fólk á höfuðborgarsvæðinu.

Tillögur að raunhæfum aðgerðum er að finna á öðru bloggi mínu: Íbúðalánasjóður til aðstoðar bönkum í sjálfskaparvíti og skuldsettum heimilum? 

Stimpilgjöld af fyrstu íbúð burt

Athugasemdir

[Björn Hróarsson (IP-tala skráð) 2.4.2008 kl. 07:54]

Er mismunun þegnanna eitthvað jákvæð? Er ekki mismunun almennt neikvæð? Af hverju að hygla sumum en ekki öðrum? Ekki að kaupendur að sinni fyrstu íbúð eigi ekki allt gott skilið. Samt er miklu eðlilega, almennt, að niðurfelling gjalda nái til allra en ekki útvaldra. Skrefið því jákvætt í sjálfu sér en allt of stutt ... ætti að ná til allra ... og framkvæmdin .. mismununin .. því  neikvæð.

[Svavar Friðriksson (IP-tala skráð) 2.4.2008 kl. 08:00]

Ánægður með þína skeleggu umræðu um þessi mál. Það er í raun ótrúlegt að ekki skuli vera meira rætt um þessi mál þar sem þetta er einn mikilvægasti málaflokkurinn í öllum samfélögum.  Núverandi ástand er ekki boðlegt fyrir íslenskt samfélag og ég skammast mín fyrir að vera sjálfstæðismaður!

[Haraldur Bjarnason, 2.4.2008 kl. 10:11]

Þetta dugar bara engu ungu fólki, hvorki á höfuðborgarsvæðinu né annars staðar. Það á einfaldlega að leggja þennan furðulega skuldaskatt af. Hann er og hefur alltaf verið óréttlátur og skiptir þá engu hvort fólk er að kaupa sér húsnæði í fyrsta sinn eða ekki.

[Óskar Þorkelsson, 2.4.2008 kl. 13:30]

hmm þýðir þetta þá að ég fái afnám stimpilgjalda á íbúð frá og með 1 júlí ?  Ég ekki íbúð fyrir en átti fyrir nokkrum árum áður en ég flutti út.. eða er bókstaflega meint fyrstu íbúð ?