Flensuskratti og óþekktarormar tóku völdin!

Flensuskratti og óþekktarormar tóku völdin á blogginu mínu á föstudaginn langa! Þegar ég kveikti á tölvunni til að láta móðan mása varð skjárinn eins og ljósaskilti í Las Vegas. Vírusvörninn æpti á móti mér: Vírussýking og tölvuormar á ferð!

Ég beit mig í vörina fyrir að hafa ekki uppfært vírusvarnarforritið - því nú verð ég að sjá um það sjálfur - get ekki lengur stólað á tölvusnillingana í Íbúðalánasjóði þá Gústa og Sigga!

Þannig slökkti ég bara á tölvunni og  fór með fjölskylduna á skíði í Bláfjöllum - í frábæru veðri! Enn einn stórkostlegur dagur í Bláfjöllum. 

Dagurinn í gær fór í að lækna flensuna og elta uppi óþekktarormana. Það hefur vonandi tekist!

En í öllum látunum hef ég steingleymt tímamótablogginu á föstudaginn langa - sem átti að lesast af alþjóð af andakt! 

Það er í góðu lagi!  Maður á  nefnilega að njóta friðhelgi páskanna og sinna fjölskyldunni. Ekki vera að rífa kjaft framan í alþjóð!

Gleðilega páska!

Athugasemdir

[Birgir Þór Bragason, 24.3.2008 kl. 08:17]

Hey sæll og blessaður. Fáðu þér Apple. :D víruslaust :)

[Sigurður Árnason, 25.3.2008 kl. 09:51]

var þetta ekki eðlileg afleiðing af bloggi síðustu viku ? hahahaha

[Hallur Magnússon, 25.3.2008 kl. 10:58]

Siddi!

Ég sagði að gallharðir andstæðingar þess að ræða við ESB myndi beita öllum ráðum til að koma í veg fyrir þjóðaratkvæðagreiðslu ... en að reyna að þagga niðrí mér svona datt mér ekki í hug!!!