Sammála formanni Heimdallar - þjóðstjórn í Reykjavík!

Mikilvægt skref í átt til þjóðstjórnar allra flokka í borgarstjórn Reykjavíkur var tekið með grein Erlu Óskar Ásgeirsdóttur formanns Heimdallar í Mogganum í morgun. Slík þjóðstjórn undir forystu ópólitísks borgarstjóra sem sóttur er út fyrir hóp núverandi borgarfulltrúa er eina leiðin til að endurheimta trúverðugleika borgarsjórnar Reykjavíkur.

Í slíkri þjóðstjórn fengju allir flokkar formennsku í einni meginnefnd borgarinnar, en að öðru leiti yrði heildarfulltrúaskipting í nefndum borgarinnar í takt við fjölda borgarfulltrúa hvers flokks þar sem Sjálfstæðisflokkur og Samfylking hefðu að sjálfsögðu flesta fulltrúa, en jafnframt tryggt að minni flokkarnir fái aðkomu að nefndum.

Ég verð að hrósa Erlu Ósk Ásgeirsdóttur formanni Heimdallar fyrir grein hennar og þá útrétta hönd til sátta sem greinin óneitanlega er. Vænti þess að félagar hennar - borgarfulltrúar Sjálfstæðisflokksins - séu reiðubúnir að fylgja orðum hennar og ganga til liðs við fulltrúa núverandi minnihluta um að vinna sameiginlega að hagsmunum borgarbúa. Slík samvinna hlýtur að þýða þjóðsstjórn.

Í greininni segir Erla Ósk:

Það er löngu tímabært að stjórnmálamenn í borginni beini sjónum sínum aftur að málefnum borgarinnar og vinni saman að hagsmunum borgarbúa.

Dýrmætur tími hefur farið til spillis þar sem einblínt hefur verið á það hver skipar borgarstjórastólinn og hvort viðkomandi passi í hann.

 Það er lykilatriði að nú horfi borgarfulltrúar Reykvíkinga allir sem einn fram á veginn og vinni saman að eflingu Reykjavíkurborgar...

...Nú er tækifæri til þess að láta verkin tala.

Já borgarfulltrúar! Látið verkin tala, myndið þjóðstjórn í Reykjavík og ráðið utanaðkomandi ópólitískan borgarstjóra til að leiða borgina út þetta kjörtímabil!

 

Athugasemdir

[Hallur Magnússon, 25.3.2008 kl. 11:37]

Ég vildi ekki setja það í pistilinn minn beint - en ég hef tillögu um öflugan, ópólitískan borgarstjóra sem er með mikla stjórnunarreynslu í opinbera geiranum.

Magnús Pétursson fyrrverandi forstjóra Ríkisspítala.

[Kjartan Pétur Sigurðsson, 25.3.2008 kl. 11:54]

Hljómar vel :)

[Heimir Lárusson Fjeldsted, 25.3.2008 kl. 13:04]

Þarf ekki að velja óumdeildan mann Hallur ef af verður?

[Hallur Magnússon, 25.3.2008 kl. 13:20]

Ég þekki engan óumdeildan - en bakgrunnur og hæfni Magnúsar er óumdeild - ekki satt?

[Árni Gunnarsson, 25.3.2008 kl. 14:11]

Hvort er þetta "útrétt sáttahönd" eða beiðni um aðstoð,- neyðarkall?

Margir eru þeirrar skoðunar að núverandi borgarstjórnarmeirihluti hafi verið stofnaður í flaustri utan um kjánaskalega friðun þriggja húsa við Laugaveg. Þegar svo kom að því að takast á við rekstur borgarinnar og stefnumörkun til framtíðar, versnaði staðan til muna. Núna veit enginn hver næstu verkefni muni verða og í fáum orðum sagt þá muna borgarbúar ekki aðra eins tíma í stjórn þessa sveitarfélags.

En ef þetta yrði veruleikinn þá gætu D lista fulltrúarnir tekið sér hvíld í leiðtogabaráttunni og farið að kíkja á málefni borgarinnar. Það er hins vegar spurning hvort þessi tillaga á að kallast eitthvað annað en neyðarkall meirihluta sem sér ekki fram á að geta gengið óstuddur?

[Árni Gunnarsson, 25.3.2008 kl. 14:14]

ath.....í flaustri utan um kjánalega friðun...

[Óskar Þorkelsson, 25.3.2008 kl. 16:47]

Ég mundi styðja Magnús enda þekki ég hann bara af góðum verkum.

[IG (IP-tala skráð) 25.3.2008 kl. 16:56]

Er hann ekki Framsóknarmaður...? Var hann ekki rekinn fyrir incompetance frá Ríkisspítölunum?

[Hallur Magnússon, 25.3.2008 kl. 19:05]

IG

Nei, hann er ekki Framsóknarmaður.

Nei, hann var ekki rekinn fyrir "incompetence" frá Ríkisspítölum - enda afar hæfur stjórnandi.

[G. Valdimar Valdemarsson, 26.3.2008 kl. 14:40]

Hallur minn....  nú ég ekki sammála þér ... sjá http://gvald.blog.is/blog/gvald/entry/485587

[Soffía Sigurðardóttir, 27.3.2008 kl. 10:16]

Dagur B. Eggertsson verður næsti borgarstjóri Reykjavíkur. Veðja?