Hillary seig - en spái enn Edwards sigri

Það er ljóst að forkosningar demókrata í Bandaríkjunum verða spennand! Frábær árangur hjá Hillary að koma svona sterk til baka þegar öll nótt virtist úti. Að sama skapi áfall fyrir Obama í ljósi umfjöllunar fjölmiðla sem nánast voru búnir að bóka sigur hans - þótt þessi árangur hans hefði verið talinn góður fyrir aðeins viku síðan.

Ég er enn á því að John Edwards muni vinna langhlaupið. Hins vegar yrði það gott fyrir Bandaríkin að konan Clinton eða blökkumaðurinn Obama sigri.

Nú segist Odinga leiðtogi stjórnarandstöðunnar í Kenýa að hann sé frændi Obama. Ekki viss um að það verði Obama til framdráttar í Bandaríkjunum!

Clinton vann í New Hampshire

Athugasemdir

[pth (IP-tala skráð) 9.1.2008 kl. 11:15]

Það er nú heldur langsótt að kalla þetta "áfall" fyrir Obama. Ég held að flestir hafi tekið yfirburðasigur hanns í Iowa "with a grain of salt", eins og þeir segja. Við sjáum nokkuð greinilega á vali Iowa Repúblíkana á Huckabee, að mál þar eru ekki endilega rökrétt né gefur fylkið mjög jafna sneiðmynd af bandarísku þjóðinni. New Hampshire er hins vegar nokkuð blandað fylki þó það sé tiltölulega fámennt. Þar eru að finna bændur, háskólabæi, borgarsvæði og einnig úthverfi Boston svæðisins. Það eina sem vantar er 'ekki-hvíta' kjósendur. Það að jafn reynslulítill frambjóðandi, eins og Obama hafi náð að halda sér í slagnum í þessu fylki er ekki ósigur. Ég spái því að Edwards muni halda þessu út um sinn, til að sjá hvernig fer í heimafylki hans, Suður Karólínu en að hann muni svo detta út fljótlega eftir það. Þá er spurning hvort Clinton eða Obama fái fylgi hans. Ég tel miklar líkur á því að stór hluti þess muni ganga til Obama.

[Kristján Magnús Arason, 9.1.2008 kl. 18:56]

Hahaha   Ég held nú að Iowa sé ekkert fjær því að vera sneiðmynd af bandarísku þjóðinni en New Hampshire.  Annars er Iowa líklega með þeim frjálslyndari af miðvesturríkjunum en New Hampshire með þeim íhaldssamari af ríkjunum í Nýja Englandi.

Og hvers vegna var ekki "rökrétt" fyrir Repúblikana í Iowa að velja Huckabee?  Mér fannst það alveg rökrétt fyrir það ríki, rétt eins og mér fannst það nokkuð rökrétt að Repúblikanar í New Hampshire skyldu velja McCain.

Annars get ég ekki séð fyrir mér að Edwards vinni hjá Demókrötum.  Hann gat ekki einu sinni hjálpað Kerry til að vinna sitt heimaríki (S-Karólínu) í síðustu forsetakosningum.