Auðlindastefna Framsóknar fellur að áherslum John Perkins!

Það er gott að Framsóknarmaðurinn Obama sé reiðubúinn í samstarf við okkur Íslendinga á sviði jarðhitavinnslu. Þá veit það líka gott hvað Össuri Skarphéðinssyni líður vel með Framsóknarmanninum - vonandi forsmekkurinn að samstarfi Framsóknarflokks og Samfylkingar í ríkisstjórn með VG eftir kosningar.

Jarðhiti er mikilvæg auðlind. Auðlindarmál voru áberandi í Silfri Egils í dag. Það var annars vegar tæpt á þeim hjá hagfræðingnum Michael Hudson sem styður 20% niðurfærsluleið Framsóknar og þau voru aðalþema í máli John Perkins sem lagði mikla áherslu á að við Íslendingar héldum okkar náttúruauðlindum í eigin eigu!

Áhersla John Perkins fellur algerlega að stefnu Framsóknarflokksins í auðlindamálum og skilyrðum sem Framsókn vill setja í aðildarviðræðum við ESB.

Skoðum fyrst markmiðakaflan í samþykkt Framsóknarflokksins í Evrópumálum:

"Markmið:

Að Ísland hefji aðildarviðræður við Evrópusambandið á grundvelli samningsumboðs frá Alþingi sem tryggi hagsmuni almennings og atvinnulífs og þá sérstaklega sjávarútvegs og landbúnaðar.
Þá er fullveldi og óskorað forræði Íslendinga yfir auðlindum þjóðarinnar grundvallarkrafa í þeim viðræðum.
Viðræðuferlið á að vera opið og lýðræðislegt og leiði viðræðurnar til samnings skal íslenska þjóðin taka afstöðu til aðildarsamnings í þjóðaratkvæðagreiðslu í kjölfar upplýstrar umræðu."

 Þarna er grundvallarkrafan óskorað forræði yfir auðlindum þjóðarinnar.

Þessar áherslur - sem falla að áherslum Perkins - eru skýrar í ályktunum um auðlindamál, en auðlindakaflinn hljóðar svo:

"Ályktun um náttúruauðlindir Íslands

Markmið
Að nýta náttúruauðlindir þjóðarinnar af varúð og virðingu og tryggja öllum landsmönnum arð af sameiginlegum auðlindum. Ísland verði sjálfbært í orkunýtingu og staða auðlinda í þjóðareigu verði tryggð.

Leiðir

Efla skal þekkingu á náttúruauðlindum og umhverfi þeirra svo hægt verði að taka ákvarðanir um nýtingu og verndun á grundvelli bestu fáanlegra upplýsinga.
Í stjórnarskrá standi: „Auðlindir Íslands utan eignalanda eru sameign íslensku þjóðarinnar.“ Með auðlindum er átt við nytjastofna á Íslandsmiðum, auðlindir á, í eða undir hafsbotninum utan netlaga og náttúruauðlindir í þjóðlendum.
Auðlindasjóður verði stofnaður og til hans renni þær greiðslur sem greiddar eru fyrir afnot af þeim náttúruauðlindum sem eru í sameign þjóðarinnar. Meginhlutverk sjóðsins verði uppbygging, nýsköpun og framfarir í landinu öllu.
Stuðlað verði að sjálfbærri nýtingu allra auðlinda þjóðarinnar.
Landsvirkjun og dótturfyrirtæki hennar verði áfram í eigu ríkisins.

Fyrstu skref

Efla grunnrannsóknir á náttúruauðlindum og náttúru landsins í tengslum við heildarrannsóknir á náttúru landsins. Lagt verði fram frumvarp um stofnun Auðlindasjóðs. Leitast verði við að styrkja enn frekari rannsóknir á djúpborun og rannsóknir efldar til að leita leiða til betri nýtingar jarðvarma. Áfram verði unnið að útgáfu sérleyfa til rannsókna og vinnslu á olíu og gasi á íslensku yfirráðasvæði."

Áhugi á samstarfi

Íbúðalánasjóður ekki vandinn - heldur græðgisvæðing bankakerfisins 2004-2007

Stærsta vandamál heimilana eru ekki hófleg allt að 90% lán Íbúðalánasjóðs heldur yfirsprengd allt að 100% lán bankanna, bæði verðtryggð og gengistryggð, sem bankakerfið dældi út á árunum 2004-2006 án lánsfjárhámarka. Lán bankakerfisins voru óháð því hvort um fasteignakaup var að ræða eða ekki - hver sem var gat fengið 80% - 90% fasteignalán í banka til þess að fjármagna neyslukapphlaupið - meðan Íbúðalánasjóður lánaði einungis hóflega til kaupa eða bygginga á húsnæði.

Staða almennings gagnvart Íbúðalánasjóði nú er hins vegar vísbending um vandann - vanda sem á rætur í óhóflegri lántöku í bönkunum, verðsprengingu á fasteignum sem varð þegar bankarnir ruddust inn á íbúðalánamarkaðinn árið 2004 með 100% lán - þegar lánshlutfall Íbúðalánasjóðs var einungis 70% og brunabótamat takmarkaði lán Íbúðalánasjóðs.

Vandinn er ekki einungis óhófleg íbúðalán bankanna - heldur bílalánin, fellihýsalánin og sumarbústaðalánin sem bankarnir dældu út og þá gjarnan í erlendri mynt - lán sem nú eru að ganga af heimilunum dauðum. Þar er ekki við hófleg íbúðalán Íbúðalánasjóðs að sakast.

Hins vegar ættu menn að hafa í huga að í Íbúðalánasjóði eru rúmlega 50 þúsund lántakendur - þannig að ef beitt er hundaalókík Seðlabanka og ríkisstjórnarinnar um að allt sé í lagi af því að það er ekki "nema" 40% heimila sem séu yfirveðsett og því tæknilega gjaldþrota - þá er umsókn 1000 lántakenda Íbúðalánasjóðs um greiðsluaðlögun og frystingu lána afar góð staða miðað við efnahagsástandið og fjöldaatvinnuleysið sem við lifum við.

Þá ber að hafa í huga að hjá flestum lántakendum Íbúðalánasjóðs sem óska eftir frystingu - þá er það ekki Íbúðalánasjóðslánið sem er vandamálið - heldur stóraukin greiðslubyrði af bílalánum, fellihýsalánum og sumarbústaðalánum frá bönkunum.

Reyndar er það að einungis 1000 manns hafi sótt um greiðsluaðlögun sönnun þess að lán Íbúðalánasjóðs eru ekki vandamálið - ekki heldur stefna Framsóknarflokksins um 90% hófleg lán Íbúðalánasjóðs sem áttu að taka gildi vorið 2007 - ef efnahagsástandið leyfði það! Sú skynsamlega áætlun fauk út um gluggan í græðgisvæðingu bankakerfisins 2004 - þar sem ekki var hugsað um efnahagsástandið eins og Framsókn lagði megináherslu á í sínum tillögum.

Staðan í dag er þannig að tillögur Framsóknar um 20% leiðréttingu lána og 17 aðrar efnahagstillögur flokksins er eina raunhæfa leiðin út úr vandanum. Það veit Tryggvi Þór - enda styður hann Framsóknarflokkinn í þessum tillöguflutningi - þótt hann sé í framboði fyrir Sjálfstæðisflokkinn!

Yfir 1000 hafa sótt um greiðsluaðlögun

Barbabrella í boði Samfylkingar og VG

Við erum að upplifa Barbabrellu í boði Samfylkingar og VG. Aðferðarfræðin er nú að segja að það sé allt orðið betra - þótt allt sé enn á mikilli niðurleið - samanber miklar hópuppsagnir nú um mánaðarmótin.

Aðferðafræðin verður að halda því fram að ríkisstjórnin sé að ná tökum á vandamálunum - þótt ráðleysið sé allsráðandi.

Samfylkingin og VG munu hamra á því að hlutirnir séu að skána - og reyna að sópa vandamálunum undir teppið fyrir kosningar. Einhverjir fjölmiðlar munu fylgja eftir og skella málningu yfir ryðið í von um að hún flagni ekki af fyrr en eftir kosningar.

Vonandi sér þjóðin gegnum blekkingarvefinn!

Sér fyrir endann á hrunsferli

Sjálfstæðisflokkurinn treystir ekki þjóðinni fyrir framtíð sinni!

Það eru gömul sannindi og ný að Sjálfstæðisflokkurinn treystir þjóðinn ekki fyrir framtíð sinni. Sjálfstæðisflokkurinn hefur alla tíð viljað hafa taumhald á lýðræðinu - tryggja að hagur flokksins komi fyrst - síðan hagur þjóðarinnar.

Það er enn einu sinni að sannast í afstöðunni til stjórnarskrármálsins.

Vandamálið hefur verið gegnum tíðina verið að Sjálfstæðismenn hafa haft mikil ítök í fjölmiðlum - bæði prentmiðlum og í ríkisfjölmiðlunum - þótt gamlir kommar hafi verið inn á milli í Útvarpi Reykjavík.

Þannig hafa Sjálfstæðismenn getað snúið umræðunni á haus þegar þeim hefur hentað.

Sjálfstæðismenn munu reyna þetta í fjölmiðlunum í stjórnarskrármálinu - og klárlega varðandi stjórnlagaþingið - sem þeir eru líka á móti því þeir vilja ekki að þjóðin móti sjálf sína framtíð - án þess að Sjálfstæðismenn geti stjórnað því að flokkurinn komi fyrst - svo þjóðin.

Samfylkingin hefur lært þetta af Sjálfstæðisflokknum. Umfjöllun miðla sem sumir hafa kennt við Baug hefur gegnum tíðina verið afar hliðholl Samfylkingunni - og ítök þeirra á ríkisfjölmiðlunum eru sterk.

Það er nefnilega unnt að snúa sannleikanum á hvolf. Gott dæmi um það er frá því fyrir tíma Sjálfstæðisflokk og Samfylkingar - en gott dæmi um það hvernig Sjálfstæðisflokkurinn - og undanfarin ár Samfylking - hafa snúið umræðunni á hvolf og komist upp með það.

Þjóðsagan segir að bændur á Suðurlandi hafi verið á móti símanum - vegna þess að þeir riðu til Reykjavíkur til að mótmæla samningi sem Hannes Hafstein var að gera við Mikla Norræna símafélagið um 99 ára einokun þeirra á símatengingu frá umheiminum við Ísland - og til að mótmæla eignaupptöku ríkisins á landi bænda undir símalínurnar.  Það var ástæðan.

Reyndar bentu þeir einnig á að það gæti verið hagstæðara að byggja fyrst upp loftskeytasamband við umheiminn og töldu það getað hentað íslensku dreifbýli betur - svona GSM sími þess tíma!

En Hannes Hafstein sneri þessu á hvolf og kom því þannig fyrir að í stað þess að verið væri að berjast gegn einokunarsamningi til 99 ára - sem mörgum áratugum síðar kom okkur afar illa - þá væru bændur gegn tækniframförum og símanum - sem var fjarri lagi!

Þessi Reykjavíkurreið sunnlenskra bænda hefur oft verið notuð sem dæmi um meint afturhald - algerlega að óseskju.

En svona vinnur íhaldið - og Samfylkingin.

Vilja vísa stjórnarskrármáli frá

Láta vinstri flokkarnir bindindismennina borga brúsann?

Alþjóð er að gera sér grein fyrir að leið Framsóknarflokksins um 20% leiðréttingu er líklega langbesta leiðin til þess að verja heimili og fyrirtæki og koma efnahagslífinu af stað aftur.

Þær slitróttu hugmyndir Samfylkingar og VG virðast sambærilega og sú leið að láta bindindismennina borga brúsa ofdrykkjumannanna, eins og eftirfarandi dæmisaga lýsir svo ljómandi vel:

Hilda er bareigandi í Berlín. Til þess að auka veltuna þá ákveður hún að leyfa dyggum viðskiptavinum—sem flestir eru atvinnulausir alkar—að drekka út á krít.

Hún skráir allt sem drukkið er í þykkan kladda. Þegar þetta þægilega  fyrirkomulag spyrst út þá flykkjast nýir viðskiptavinir á barinn.

Frelsi fólks til þess að njóta augnabliksins og borga seinna gefur Hildu valið tækifæri til þess að hækka verðið á vinsælustu veigunum, bjór og víni.

Salan eykst gífurlega. Ungur og efnilegur lánafulltrúi í hverfisbankanum gerir sér grein fyrir að þessar skuldir viðskiptavinanna eru framtíðarverðmæti. Hann hækkar því yfirdráttarheimild Hildu í bankanum. Lánafulltrúinn telur þetta  vandræðalaust vegna þess að skuldir alkanna eru haldgóð veð.

Í höfuðstöðvum bankans breyta sérfræðingar í æðri peningalist þessum  viðskiptaskuldum í Drykkjuskuldabréf, Alkabréfavafninga og  Gubbuafleiður. Þessi verðbréf—sem virt áhættumatsfyrirtæki hafa (gegn  þóknun) stimplað AAA gæðastimpli—ganga síðan kaupum og sölum út um  allan heim. Raunverulega skilur enginn hvað nöfn bréfanna þýða eða  hvernig þau eru tryggð. Samt sem áður halda þau áfram að hækka. Þau  eru metsöluvara.

Einn góðan veðurdag, þrátt fyrir að bréfin séu enn á uppleið, þá  ákveður áhættusérfræðingur bankans að nú sé tímabært að   drykkjuhrútarnir á bar Hildu borgi eitthvað upp í skuldirnar. Þeir  geta það hins vegar ekki. Hilda getur því ekki staðið í skilum við  sína skuldunauta og lýsir yfir gjaldþroti. Drykkju- og Alkabréf falla  um 95%. Gubbubréfin gera betur og ná stöðugkeika eftir 80% fall.

Nýr  veruleiki blasir við hjá fyrirtækjum sem seldu barnum á lánakjörum og  hafa jafnvel líka fjárfest í fyrrnefndum bréfum. Heildsalan sem seldi  Hildu vín er gjaldþrota og fyrirtækið sem seldi bjórinn er yfirtekið  af keppinauti.

Eftir dramatísk fundahöld og andvökustundir sem standa samfleytt í  marga sólarhringa þá ákveða stjórnvöld að bjarga bankanum.

Nýr skattur er lagður á. Bindindismenn eru látnir borga brúsann.

Verðtryggingin burt

Svona er 20% leiðréttingarleið Framsóknar

Eins og alþjóð veit þá hefur Framsóknarflokkurinn einn stjórnmálaflokka lagt fram raunhæfar tillögur til að létta á heimilum landsins og verja störfin í landinu. Einn þáttur þessara tillagna er 20% flöt lækkun eða leiðrétting á lánum heimila og fyrirtækja.

Það hafa ekki allir áttað sig á því hvernig þessi raunhæfa leið Framsóknar virkar - og því hefur verið útbúið einfalt myndband til að skýra málið.

Myndbandið er hér

Tveir milljarðar í bætur

Framsóknarleiðtogarnir Obama og Steingrímur Hermannsson

Framsóknarmaðurinn Barack Obama forseti Bandaríkjanna er nú í mikilvægri ferð til Evrópu. Ég var hins vegar á fundi með öðrum afar merkum Framsóknarmanni - Steingrími Hermannssyni - sem skipar heiðurssæti á lista Framsóknarflokksins í Kraganum.

Steingrímur hélt ótrúlega snjalla og markvissa ræðu þar sem hann rifjaði upp kosningabaráttu fyrri ára á Vestfjörðum - enda um að ræða fjölmennt og skemmtilegt átthagakvöld Framsóknarfólks  með rætur í Norvesturkjördæmi. Steingrímur sýndi gamla góða takta sem öflugur leiðtogi - takta sem við sjáum nú hjá Framsóknarmanninum Barack Obama!

Ég er þess fullviss að Steingrímur næði öruggu þingsæti ef það væri búið að innleiða persónukjör!

Með eigin þotu, þyrlu, bíl, lækna og kokka

Mikilvægt að ná samstöðu um nauðsynlegar stjórnarskrárbreytingar

Það er afar mikilvægt að ná samtöðu um nauðsynlegar stjórnarskrárbreytingar fyrir kosningar þannig þetta er gott skref.

Mikilvægast af öllu er þó að tryggja að baráttumál Framsóknarflokksins um stjórnlagaþing þjóðarinnar nái fram að ganga.

Nálgast Sjálfstæðisflokkinn

Ráðgjafastofa fyrir fyrirtæki í greiðsluörðugleikum góð hugmynd

Alþingi var að samþykkja mikilvægar breytingar á lögum um gjaldþrotaskipti sem kveða á um greiðsluaðlögun einstaklinga. Það er mikilvægt ekki síst ástandinu eins og það er núna.

Annað mikilvægt skref í ástandinu eins og það er núna væri ef Alþingi samþykkti að setja á fót ráðgjafastofu fyrir fyrirtæki í greiðsluörðugleikum. Slíkt gæti eflaust hjálpað mörgum fyrirtækjum, ekki síst minni og millistórum fyrirtækjum að þreyja þorrann og viðhalda atvinnu.

Fimm þingmenn fjögurra flokka vilja einmitt að stofnuð verði ráðgjafarstofa fyrir fyrirtæki í greiðsluörðugleikum.

Um það er fjallað á visir.is þar sem segir meðal annars: 

 „Við teljum að fyrirtæki í rauninni hafi ekki neinn stað til að leita til. Stofan er því bæði hugsað til að ráðleggja fyrirtækjum að halda áfram rekstri eða hætta rekstri til að takmarka skaðann," segir Eygló Harðardóttir, þingmaður Framsóknarflokksins og fyrsti flutningsmaður tillögunnar.

Eygló telur nauðsynlegt að stofna slíka ráðgjafarstofu. „Við erum að horfa á ofboðslega alvarlega stöðu," segir Eygló vísar í tölur Hagstofu Íslands um fjölda gjaldþrota máli sínu til stuðnings. Tölur sýna 70% aukningu í janúar og 38% aukningu í febrúar á þessu ári miðað við sömu mánuði í fyrra. Eygló segir að í fyrra hafi verið metár hvað varðar gjaldþrot fyrirtækja og ástandið sé því mjög alvarlegt.

Greiðsluaðlögun komin í gegnum þingið

Dagur réð ekki við borgina

Það er rétt hjá Degi B. Eggertssyni að það ráða ekki allir við erfið mál. Sem dæmi um það er að Dagur B. Eggertsson réð ekki við að vera borgarstjóri. Dagur B. brást algerlega í að halda saman baklandinu sínu í borgarstjórn með þeim afleiðingum að hann missti meirihlutan úr höndunum.

Dagur fattaði nefnilega ekki að það var ekki nóg að vera flottur og fínn í fjölmiðlum í hlutverkinu leiðtoginn í Reykjavík  - heldur þurfti hann líka að rækta garðinn sinn. Það klikkaði.

Það er ekkert sem bendir til þess að Dagur B. sé betur til þess fallinn nú en áður að halda saman meirihluta - en hver veit ...

Dagur: Ráða ekki allir við erfið mál