Afkomutenging lána er áhugaverður kostur!

Það er gaman að sjá hugmynd sem ég setti fram á haustdögum til lausnar greiðsluvanda heimilanna komna á flug hjá prófessor Þórólfi Matthíassyni - og Morgunblaðinu! Afkomutenging lána svipað og afborgunarkerfi hjá LÍN er leið sem getur komi heimilunum til bjargar - og ætti jafnvel að vera grunnur að opinbera íbúðalánakerfinu.

Það gæti jafnvel orðið lausn á þeim kröfum sem Eftirlitsstofnun EFTA hefur gert til breytinga á lánareglum Íbúðalánasjóðs. Á það má reyna! Reyndar veit ég ekki hver afstaða ESA er til opinberra húsnæðislána nú eftir efnahagshrunið - en mér finns hugmyndin umræðunnar virði.

Lán Íbúðalanasjóðs yrðu þá þannig að þeir sem þau taka greiða afborganir sem hlutfall af tekjum. Lánin væru þá ekki miðuð við árafjölda.  Einungis ákveðna hámarksfjárhæð sem dugir til kaupa á hóflegu húsnæði - eins og hingað til hefur verið grunnhugmyndin í opinbera íbúðalánakerfinu.

Þeir sem lágar tekjur hafa eru lengi að greiða af lánunum.

En þeir sem eru með háar tekjur greiða lánin upp því mun fljótar - jafnvel á 10 - 15 árum.

Endurgreiðslan er því réttlát  - og fjárstreymi til Íbúðalánasjóðs tiltölulega jafnt þar sem sumir greiða lánin niður hratt - og aðrir hægt.

Það verður spennandi að sjá hvort stjórnvöld þróa áfram þessa hugmynd mína og Þórólfs!

 

Grunnur að lausn á vanda heimila?

Athugasemdir

[Jón Snæbjörnsson, 3.9.2009 kl. 08:21]

Hallur, þarf svona ekki að vera eigna tengt - hér er fullt af fólki sem kemst af með minna en næstum ekki neitt en á samt mikið undir víða í hinum ýmsu mindum - mörg okkar eru svo þröngsýn og hugsa bara um sjálfan sig að ég efast um að svona nokkuð gengi þrautalaust

[Haraldur Geir (IP-tala skráð) 3.9.2009 kl. 08:33]

En... afhverju getur ekki verið kostur að lengja einfaldlega lánstímann?  Nú er staðan þannig að það eru margir sem sjá framá að greiða aldrei upp húsnæðislán sín hvort eð er, þannig að það að lengja lánstímann auðveldar fólki bara að borga um hver mánaðarmót.  Auðvitað veit ég að heildagreiðslan hækkar mikið en á móti kemur að fólk hefur kannski peninga á milli handanna og þá verður aftur til neysla í þjóðfélaginu. 

[Hallur Magnússon, 3.9.2009 kl. 08:35]

Nei, þetta þarf ekki að vera eignatengt.

Ástæðan er sú að um er að ræða lán sem dugir til td. allt að 85% af hóflegri íbúð. Ef þú kýst að fjárfesta í dýrir eign - þá þarftu að fjármagna mismunin það annars staðar en hjá Íbúðalánasjóði.

Endurgreiðslan hjá þeim sem eru með hærri tekjur er hraðari en hjá þeim sem eru með lægri tekjur. Félagslegt réttlæti án girðinga!

[Neytandi (IP-tala skráð) 3.9.2009 kl. 08:43]

Ég velti hinsvegar fyrir mér með eignastöðuna.  Ef þú skuldar t.d. 60 milljónir í erlendu láni og matsverð 40 milljónir, hver er greiðsluviljinn ef þú sérð ekki fram á annað en stífar greiðslur þrátt fyrir góðar tekjur ?

Það þarf að leiðrétta erlendu lánin !  Það eru margir með slík lán sem hafa sæmilegar tekjur og fóru af stað með ágæta eignastöðu.  Sá sem skuldar 60 milljónir í dag og tók erlent lán sem stóð upphaflega undir 30 milljónum.  Matsverð fasteignar á þeim tíma var kannski 50 milljónir og nettóstaða því 20 milljónir.  Í dag er skuld umfram eign 20 milljónir og dæmið snúist við.  Þú sérð fram á miðað við núverandi stöðu að það tekur þig næstu 15 - 20 árin að ná skuldinni í núll.  Ég fullyrði að það mun enginn í þessum aðstæðum í dag hafa áhuga á því skuldafangelsi.  Það verður að leiðrétta þessi lán þannig að fólk sjái einhverja framtíð í því að halda áfram að borga.

[Friðrik Ásmundsson (IP-tala skráð) 3.9.2009 kl. 08:46]

Mun þetta ekki hvetja fólk til að taka að sér svarta vinnu?

[Andri Geir Arinbjarnarson, 3.9.2009 kl. 08:48]

Hallur,

Það mun enginn lána til húsnæðiskaupa hér á landi nema íbúðalánasjóður.  Aðeins örfáir aðilar sem hafa nægar tryggingar og greiðslugetu munu fá smá lán hjá bönkunum.  Þetta þýðir að við förum aftur í gamla kerfið þar sem engin einbýlishús fóru yfir 20 milljónir.  Þessi tala er líklega um 40 milljónir.  Hús sem seldust á 60 til 80 milljónum mun falla niður í 35 til 40 milljónir.  Þetta er önnur ástæðan fyrir því að enginn mun lána til kaupa á einbýlishúsum fyrr en verðið er fallið sem mun taka um 5 ár.

Næstu árin þurfum við að byggja mikið af ódýrum 2 og 3 herbergja íbúðum og breyta stórum eignum í litlar sem fólk mun ráða við.  

[Jón Steinar Ragnarsson, 3.9.2009 kl. 09:01]

Það eru brot á jafnræðisreglu. Hækkun skattþrepa var nógu vafasamt, en hitt í viðbót mun þurrka út millistéttina.

 Annars er kominn tíi á það að menn fari að viðurkenna að þetta er gertapað spil, hvernig sem á það er litið. Það þarf ekki einhverja ríkisalda hagfræðinga til að segja okkur annað.