Mikilvægt erlent fé inn í landið - ríkið ætlaði aldrei að kaupa hlut Magma!

Með sölu Orkuveitu Reykjavíkur á hlut Orkuveitunnar í HS Orku til Magma Energy kemur dýrmætt erlent fé inn í landið.  Það hefur gleymst í umræðunni að undanförnu að Magma Energy mun greiða andvirði hlutsins annars vegar með staðgreiðslu og hins vegar með skuldabréfi sem er afar vel tryggt.

Þá hefur Magma Energy lagt fram áætlanir um að setja töluvert nýtt fjármagn inni í uppbyggingu á HS Orku.

Nýtt fjármagn inn í landið er einmitt það sem við þurfum nú á erfiðum tímum.

Það er ljóst að ríkisstjórnin hefur vitað það í langan tíma að til stæði að orkuveitan seldu hlut sinn í HS Orku, enda Orkuveitan skikkuð til þess af samkeppnisyfirvöldum. Útboðsferli Orkuveitunnar hefur verið gagnsætt. Það átti ekki að koma neinum á óvart - og allra síst ríkisstjórninni - að Orkuveitan væri að selja hlut sinn þessa dagana.

Það er jafn ljóst að ríkisstjórnin hafði allan tíma í heiminum að ganga inn í fyrirliggjandi tilboð - ein sér eða með því að fá til dæmis lífyerissjóðina að málinu.  Það var bara enginn áhugi á því. Ríkið fékk lengri frest til að skoða málið - og niðurstaðan er sú sama.

Sannleikurinn er nefnilega sá að það er ekki vilji hjá ríkisstjórninni að Magma kaupi ekki hlut Orkuveitunnar. Það er alveg ljóst að núverandi iðnaðarráðherra og fyrrverandi iðnaðarráðherra eru hæstánægðir með aðkomu Magma. Hins vegar urðu ráðherrar VG að friða stuðningsmenn sína með því að látast vilja láta ríkið koma að málinu. Það var og er fjölmiðlafarsi - sem við eigum að hafa skilning ár - þótt það hafi aldrei í alvöru verið ætlun ríkisstjórnarinnar að ganga í málið.

Steingrímur og Svandís munu á næstu dögum væntanlega vera í fjölmiðlum með vandlætingarsvip og gagnrýna söluna. Það er hins vegar ekkert að bakið því. En við skulum hafa skilning á þessar pólitísku þörf þeirra - þau verða að halda andlitinu gagnvart flokksmönnum sínum.

Magma fær hlut Orkuveitunnar í HS Orku

Athugasemdir

[Baldvin Jónsson, 31.8.2009 kl. 14:51]

Um hvað ertu að tala Hallur? Er ekki OR að fjármagna kaupin fyrir Magma?

Staðgreiða hluta, en hvernig er hægt að halda því fram að skuldabréfið sé vel tryggt?

OR lánar, á 1,5% vöxtum, til að greiða sjálfum sér. Þetta er einfaldlega fásinna. Þetta kúlulán mun nánast uppétið í verðbólgu að 7 árum liðnum.

[Hallur Magnússon, 31.8.2009 kl. 15:11]

Baldvin

Þú veist það að hluti kaupverðisns er greiddur í peningum ekki satt?

[AK-72, 31.8.2009 kl. 15:34]

Það er aðeins minnihluti kaupverðsins sem greiddur er með pening þegar OR selur hlutinn á undirverði, þ.e. með tapi. Þá lána þeir, nokkuð sem er gersamlega út í hött, Magma fyrir 70% af hlutnum með kúluláni til 7 ára með veð í bréfunum sjálfum, nokkuð sem þýðir að þeir geti ryksugað félagið og svo bara sagt, sorry stína, hef ekki áhuga á þessu lengur eftir 7 ár.

Þetta einkavæðingarferli á auðlindum þjóðarinnar sem þarna e komið í hendur allskonar óreiðumanna, innlendra sem erlendra, er engan veginn ekki sættanlegt og persónulega tel ég að hver og einn borgarfulltrúi sem samþykkir þetta, hver og einn stjórnarmaður og forstjóri OR eigi einfaldlega að segja af sér fyrir þetta auvirðilega athæfi sem ritað verður á legstein þeirra:"Þau hugsuðu ekki um almenning, seldu auðlindir þjóðarinnar og juku á hörmungar þeirra í nafni siðblindu, spillingar og græðgi."

[AK-72, 31.8.2009 kl. 15:36]

Það skal einnig taka fram að lánið sem er veitt, er á svo fáránlega lágum vöxtum að það mun brenna upp í verðbólgunni og því eru Hrun-flokkarnir tveir, REI-flokkarnir í borginni einfaldlega að gefa hlutinn á kostnað almennings.

[Hallur Magnússon, 31.8.2009 kl. 15:38]

Það er ekki verið að selja auðlindir þjóðarinnar. Sveo einfalt er málið. Við getum deilt um það hvort auðlindaleigan er of lág. Það er annað mál. En að tala um að verið sé að selja auðlindirnar - það er bull.

Þeir peningar sem koma inn strax skipta miklu máli. Hvaðan annars staðar koma peningar þessa dagana?

Ekki heldur gleyma að Orkuveitunni er gert að selja. Magma er með tilboð sem liggur fyrir. Annað sambærilegt eða hærra er ekki til staðar.

Svo einfalt er málið.

[AK-72, 31.8.2009 kl. 15:50]

"Ekki verið að selja auðlindir þjóðarinnar"....right. Nýtingarrétturinn verður í höndum einkafyrirtækis í 130 ár, er ekkert annað en sala á auðlindum. Mun almenningur hafa agðang að þeim? Nei, þeir munu ekki hafa það líkt heldur mun niðurstaðan verða sú að þessii auðlind sem umdeilt er hvort sé ótakmörkuð, verða mergsogin og það fyrir smátterí. Þetta er svo ósvífið, þetta er svo siðbint, þetta er eins nálægt landráði og hægt er, að selja auðlindirnar á bruna-útsölu eins og þessir tveir flokkar, þetta samviskulausa fólk, þetta siðblinda og auvirðilega fólk að gera.

Og það er engin afsökun, ENGIN, sem réttlætir það að selja þetta á undirvirði með stórtapi fyrir almenning vegna þess að aur berst inn á reikning stjórnmálamanna til friðþæginar en til búsifja til handa almenningi almennt, nokkuð sem hefur veirð ferlið síðan FL Group greiddi fyrir "réttri" einakvæðingu HS hlutar ríkisins á sínum tíma. 

Þegar viðbætist að það tengjas ýmsir flokkhestar í gegnum Geysi Green Energ, bæði hjá Framsókn og Sjálfstæðisflokknum, svo sem Árni Magnússon og Finnur INgólfsson, þá sést greinilega fyrir hvern verið er að vinna og það er ekki hagsmuni Reykvíkinga, ekki hagsmuni Suðuresjamanna og ekki hagsmuni þjóðarinnar. Þetta fólk á að víkja frá störfum strax og sæta rannsókn fyrir þessa svívirðu.

Ég er brjálaður yfir þessu og verð reiðari og reiðari þegar flokksdindlar byrja að verja eða fegra til verndar siðspilltum stjórnmálaflokkum og mönnum sem halda að þeir geti komist upp með allt.

[Hallur Magnússon, 31.8.2009 kl. 16:05]

Það er ekki rétt að nýtingarrétturinn verði í þeirra höndum í 130 ár. Um er að ræða nýtingarrétt í 65 ár. Sem mér finnst reyndar langt. En það er leiga - ekki sala. Rétt skal vera rétt.

Enn og aftur. Svo rétt sé rétt - þá er Orkuveitan að selja vegna úrskurðar samkeppnisyfirvalda. Magma hefur boðið í hlutinn og það er enginn sem býður hærrra. Málið er ekki flóknara en það.

Órökstuddar fýlubombur þínar úr í einstaklinga sem ekkert koma að þessu ferli springa bara framan í þig sjálfan - enda einkenni létts ofsóknarbrjálæðis.

[AK-72, 31.8.2009 kl. 16:10]

Jájá, einkenni ofsóknarbrjálæðis, gaman að heyra það. Eins og svona ofsóknarbrjálæði fyrir bankahrun hjá mörgum sem vöruðu við hruninu eða töldu að það væri misjafnt í gangi?

Sjáum nú til svo við tökum nokkrar rispur fyrir þig, þá vinnur Árni Magnússon hjá Íslandsbanka. hann sér um fjárfestingar í auðlindum og surprise, surprise, hver kom að Geysi Green Energy? Var það ekki Árni fyrir hönd Glitnis? Fyrrum samstarfsmenn hans eru svo allir hjá Capacent Glacier.

Finnur INgólfsson tengist svo í gegnum VGk Invest sem hann á hlut í.

[AK-72, 31.8.2009 kl. 16:19]

Vantaði. sem Finnur INgólfsson á hlut´i gegnum Landvara. Svo má minnast á það að sonur eins af aðaleigendum Atorku sem á stóran hlut er einnig yfirmaður hjá Íslandsbanka, og yfir fjárfestingum.

Og allt hjal og útúrsnúningur um leigu er kjaftæði, leigan er rétt svo íbúðarverð og skilar litlu í kassann og við bætist að þeir geta framlegnt í 130 ár. Þetta er eingöngu gjöf til handa erlendum, óprúttnum aðilum sem eru að fronta fyrir einhverja aðra og svo vegna flokkshestatengsla við Framsókn og Sjálfstæðisflokk. Og hver tapar á því? Almenningur sem Framsóknarmönnum og Sjálfstæðismönnum er skítsama um enda flokkurinn og auðmanna-vinir ofar þjóðinni þar á bæi

Og viltu benda mér svo á það, hvar í ósköpunum OR er bannað að segja nei við þessu tilboði sem er svívirðilega lágt, og með kjörum sem eru út í hött? Hvað bannar þeim að segja NEI, þetta er andstætt hagsmunum almennings, þetta er alltof lágt og lélegt verð fyrir auðlidndir þjóðarinnar.

Og já, svo maður minnist aftur á REI, þá er þetta sömu "playerarnir": Sjálfstæðisflokkurinn í Reykjanesbæ, Framsókn og Sjálfsætðisflokkur í borginni, hjörleifur Kvaran, Geysir Green Energy, Glitnir o.fl. Sami skíturinn enn á ný.

[AK-72, 31.8.2009 kl. 16:25]

Og svo eitt enn, hvað í andskotanum er verið að hugsa með að láta einkafyrirtæki komast með hendurnar í orkuna? Reynslan hefur sýnt það að þar sem slíikt gerist þá endar það yfirleitt með stórum búsifjum til handa almenningi i formi hás orkuverðs, lélgrar þjónustu, skorts á vatni og orku.

[Jóhannes Laxdal Baldvinsson, 31.8.2009 kl. 16:27]

Það er verið að endurtaka skrípaleikinn með einkavæðingu Búnaðarbankans.

Sama handrit, sömu gerendur. svei

[Hallur Magnússon, 31.8.2009 kl. 16:35]

... ég neyðist til að benda ykkur á þá staðreynd að Orkuveitan er ekki að selja Geysi Green heldur Magma Energy.  Enn og aftur:

Órökstuddar fýlubombur þínar úr í einstaklinga sem ekkert koma að þessu ferli springa bara framan í þig sjálfan - enda einkenni létts ofsóknarbrjálæðis.

[AK-72, 31.8.2009 kl. 17:41]

Einhvern veginn er þetta ekta Framsóknarmennska að væna fólk um ofsóknarbrjálæði og geðveiku þegar spjótin byrja að beinast að óhæfuverkum þeirra.  Má ég kannski kalla þig siðblinddan í staðinn? Þá erum við kvitt,ég klikkaður og þú siðblindur.

Sjáum nú til, Magma á hlut í Geysi Green Energy.Geysir Green Energy á í HiS Orku. Magma eignast meirihluta þannig, fyrirtækið sem enginn veit hver á þó sögur hafi verið á kreiki um að þar á bak við séu Bjarni Ármanns, Rio Tinto og aðrir mjög vafasamir aðilar, hver veit kannski S-hópurinn illræmdi sem fór svo illa með Gift og tókst svo að eiga góða sök á gjaldþroti þjóðarinnar.

Aðrir sem eiga þar eru auðlindasjóður Íslandsbanka sem Árni Magnússon Framsóknarmaður stjórnar. Finnur Ingólfsson á svo í VGK Invest sem á einnig hlut í Geysi Green Energy. Aðrir eigendur eru Atorka sem Þorsteinn Vilhelmsson ræður ríkjum hjá en sonur hans er einmitt yfir fjárfestingum Íslandsbanka.Er þetta eðlilegt? Nei, þetta eru líka víst þeir aðilar sem eru að víla og díla á bak við tjöldin með Geysi Green og Magma. 

Svo við rifjum svo nokkra hluti enn og aftur, tyggjum þá betur, og það er REI-málið sem þetta minnir mjög á. Byrjum á sameiginlegum hlutum. Við höfum fulltrúa Framsóknarflokksins í OR, við höfum Sjálfstæðismenn í OR, við höfum meirihlutastjórn þessara flokka í borginni, við höfum Sjáflstæðisflokkinn í Reykjanesbæ, við höfum Hjörleif Kvaran í OR, við höfum Ásgeir Margeirsson fyrrum aðstoðarforstjóra OR og núverandi forstjóra Geysi Green sem stofnað var til að koma HS í hendur fjárglæframanna og surprise, surprise. Þetta snýst einnig um einkavæðingu á HS, þetta snýst um það að láta fáeina menn maka krókinn á kostnað almennings.

Síðan er merkilegt hvað þú skautar framhjá hvað felst í samningnum, sértaklega þeim atriðum sem tengjast þessari einka(vina)væðingu, heldur bara gefur í skyn að hætti góðra Framsóknarmannan að allir séu geðveikir fyrir að benda á hvað sé í gangi þarna: að verið sé að koma auðlindum þjóðarinnar í hendur einkafyrirtækis og það bæði erlendra og innlendra fjárglæframanna. Nú virðist bæði Magma ekki hafa efni á þessu og Geysir Green er gjaldþrota í raun, en haldið í gangi af sjóði íslandsbanka sem Árni Magnússon stjórnar.

En fyrst ég er geðveikur að þínu mati, þá ætla ég að spyrja nokkura klikkaðra spurninga í staðinn, spurninga sem ég spurði á blogginu mínu í morgun og þú sem ert svo hamingjusamur yfir því að auðlindir endi í höndunum á fjárglæframönnum, getur svarað kannski:

• Hversvegna á OR að lána Magma fyrir hlutnum?
• Af hverju á OR að fara að selja með gríðarlegu tapi fyrir okkur útsvarseigendur í Reykjavík sem eigum þennan hlut?
• Hvaða skynsemi felst í því að selja hlut og lána með 7 ára kúluláni á svo lágum vöxtum að lánið brennur upp í verðbólgu?
• Eru borgarfulltrúar Reykjavíkur og stjórn OR nokkuð að hugsa um hagsmuni Reykvíkinga?
• Hvað býr að baki þessari asa við að koma hlut OR í HS Orku í hendur aðilum sem ekkert er vitað um?
• Hversvegna þarf Magma að fá lán hér?
•  Hversvegna geta Magma ekki fjármagnað kaupin erlendis(svo maður hamri á þessu aftur)?
• Hvað er vitað um fjárhag Magma og eigendur þeirra?

[AK-72, 31.8.2009 kl. 17:52]

Svo kannski eitt svona smá-atriði í leiðinni. OR er ekki tilneytt til að hoppa á þetta tilboð, þeir hafa frest til áramóta frá Samkeppnisstofnun og geta því hæglega hafnað þessu hörmungar tilboðið sem er hrein og tær gjöf á kostnað almennings í landinu til handa vafasömum karakterum.

[Baldvin Jónsson, 31.8.2009 kl. 18:32]

Jú Hallur, ég nefni það einmitt í athugasemd minni að þeir staðgreiði hluta.

Tak annars bara heilshugar undir það sem AK-72 er að rekja hérna. Ofsóknarbrjálæði er oft á endanum réttsýni - þ.e. þegar að það reynist réttmætar áhyggjur.

Nú verður allt gert sem hægt er til þess að koma í veg fyrir að þetta mál fái þögla meðferð í borgarstjórn.

[Friðrik Hansen Guðmundsson, 1.9.2009 kl. 01:02]

Sæll Hallur 

Nýir eigendur eru þegar byrjaðir að leita hófanna með að veðsetja nýtingarréttinn á orkuauðlindunum sem Hitaveita Suðurnesja hefur nýtingarréttinn á. Það er verið að meta hve mikilli  orku er hugsanlega hægt að ná út úr þessum svæðum á næstu 65 árum.

Þeir vonast til að geta náð nokkrum milljörðum dollara út á þessa veðsetningu.

Það fé mun hverfa úr landi í aðrar fjárfestingar þessara nýju eigenda og þeir munu ekki vera hér eigendur lengi eftir að þeir eru búnir að veðsetja hér allt í botn. Nýr eigandi verður álveri sem kaupir allt rafmang af Hitaeitunni. Þetta verður lokaður hringur sem engin getur fylgst með hvað selt er af rafmangi og á hvaða verði. Skattlaust dýrðardæmi sem út á við er allt rekið með tapi og engar skatttekjur koma inn í samfélagið.

Hallur, staðan er einfaldlega þannig að menn  eru að spila rassinn úr buxunum í þessu máli, því miður.

Það mun taka okkur 50 ár að borga niður skuldirnar sem nú hvíla á sjávarútvegnum.

Menn eru núna að fara að veðsetja orkuauðlindirnar til næstu 65 ár að ef ekki 130 ára. Íslendingar munu ekki sjá krónu af því fé.

Arðurinn af fiskveiðiauðlindinni mun renna til Deutche bank sem á yfir 80% lánanna sem hvíla á sjávarútvegnum.

Nú eru menn að tryggja að arðurinn af orkuauðlindunum á Reykjanesskaga muni renna til erlendra aðila næsta mannsaldurinn eða svo. Og þér finnst "aðdáunarvert" hvernig menn halda á spilunum þegar þeir eru selja útlendingum lífbjörg þjóðarinnar.

[Sigurgeir Jónsson, 1.9.2009 kl. 03:51]

Atli Gíslason og Katrín Jakobsdóttir voru með fund á Suðurnesjum og tóku þátt í samstöðufundi sem haldinn Grindavík í síðustu viku.Það liggur ljóst fyrir að sú ríkisstjórn sem hefur verið að henda peningum út og suður í braskfyrirtækin, þar á meðal var hent 16 milljörðum í Sjóvá fyrir stuttu,ríkisstjórnin hefur ekki nokkurn áhuga á því að setja fé til þess aðkoma í veg fyrir að Magma kaupi hlutinn.Að viðurkenna þetta ekki er að setja kíkirinn fyrir blinda augað eða stinga hausnum í sandinn til að viðurkenna ekki staðreyndir.Þessi auma ríkisstjórn sem búin er að eyða nú þegar 100 milljörðum af fé sem fengið var að láni fyrir 10 mánuðum á að hypja sig strax.

[Hallur Magnússon, 1.9.2009 kl. 08:17]

AK-72 kom að sjálfsögðu ekki ein einustu rök fyrir grillum sínum að sala OR á hlut sínum til Magma tengdist þeim einstaklingum sem hann óttast greinilega svo mjög.

Kemur ekki á óvart.

[AK-72, 1.9.2009 kl. 08:50]

Þarf að tyggja þetta oft ofan í þig Hallur? Árni Magnússon er yfir auðlindafjárfestingum Glitnis eða Íslandsbanka í dag, sem sér um hlutinn í Geysi Green Energy. Finnur Ingólofsson og S-hópurinn eiga Landvar sem á í VGK Invest sem á í Geysi Green. Geysir Green er í eigu Magma einnig og í samstarfi með þessum óbermum.

Lestu svo þetta:

http://ak72.blog.is/blog/ak72/entry/937113/

 Komdu svo með svör við spurningunum og farðu að huga að efnisatriðunum í þessum "frábæra" samning sem mun skila því að Reykvíkingar þurfa að borga með honum 5-6 imilljarða!!! Er ekki í lagi?5-6 milljarða meðgjöf með auðlindinni til braskarafyrirtækis sem virðist vera frontur fyrir aðra og verri menn: útrásarvíkinga eða Rio Tinto.

Stórkostlegur ávinningur með þessu nýja REI-máli sem borgarfulltrúar Framsókn og Sjálfstæðisflokks  Það er víst ásættanlegt enda hafa aldrei þessir REI-flokkar hugsað um hag almennings, heldur aðeins hag auðmanna þeim tengdum.